ಭಾರತದಲ್ಲಿ ಚಿನ್ನದ ಬೆಲೆ (Gold Rate) ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿರುವ ಬೆನ್ನಲ್ಲೇ, ನೆರೆರಾಷ್ಟ್ರ ಪಾಕಿಸ್ತಾನದಲ್ಲೂ ಹಳದಿ ಲೋಹದ ದರಗಳು ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿವೆ. ತೀವ್ರ ಆರ್ಥಿಕ ಸಂಕಷ್ಟ (Economic Crisis), ಪಾಕ್ ರೂಪಾಯಿ ಮೌಲ್ಯದ ಭಾರಿ ಕುಸಿತ ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಯ ಪ್ರಭಾವದಿಂದಾಗಿ ಪಾಕಿಸ್ತಾನದಲ್ಲಿ ಚಿನ್ನ ಖರೀದಿ ಸಾಮಾನ್ಯ ಜನರಿಗೆ ಗಗನಕುಸುಮವಾಗಿದೆ. ಇತ್ತೀಚಿನ ವರದಿಗಳ ಪ್ರಕಾರ, ಅಲ್ಲಿ ಕೇವಲ 2 ತೊಲೆ ಚಿನ್ನದ ಹಾರ ಖರೀದಿಸಬೇಕಾದರೂ ಲಕ್ಷಾಂತರ ರೂಪಾಯಿ ಸುರಿಯಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ.
ಪಾಕಿಸ್ತಾನದಲ್ಲಿ ಚಿನ್ನದ ದರ ಎಷ್ಟು?
ಪ್ರಸ್ತುತ ಪಾಕಿಸ್ತಾನಿ ಮಾರುಕಟ್ಟೆಯಲ್ಲಿ ಚಿನ್ನದ ದರಗಳು ಈ ಕೆಳಗಿನಂತಿವೆ:
24 ಕ್ಯಾರೆಟ್ ಚಿನ್ನ: ಪ್ರತಿ ತೊಲೆಗೆ ಸುಮಾರು 4,65,500 ಪಾಕಿಸ್ತಾನಿ ರೂಪಾಯಿ.
22 ಕ್ಯಾರೆಟ್ ಚಿನ್ನ: ಪ್ರತಿ ತೊಲೆಗೆ ಸುಮಾರು 4,26,800 ಪಾಕಿಸ್ತಾನಿ ರೂಪಾಯಿ.
ಈ ದರದ ಪ್ರಕಾರ, ನೀವು ಪಾಕಿಸ್ತಾನದಲ್ಲಿ 2 ತೊಲೆ (ಅಂದರೆ ಸುಮಾರು 20 ಗ್ರಾಂ) ತೂಕದ 22 ಕ್ಯಾರೆಟ್ ಚಿನ್ನದ ಹಾರವನ್ನು ಖರೀದಿಸಲು ಹೋದರೆ, ಅದರ ಮೂಲ ಬೆಲೆಯೇ ಬರೋಬ್ಬರಿ 8.5 ಲಕ್ಷ ಪಾಕಿಸ್ತಾನಿ ರೂಪಾಯಿಗೂ ಅಧಿಕವಾಗುತ್ತದೆ.ಇನ್ನು ಇದಕ್ಕೆ ಮೇಕಿಂಗ್ ಚಾರ್ಜಸ್ (ತಯಾರಿಕಾ ಶುಲ್ಕ), ಡಿಸೈನ್ ವೆಚ್ಚ ಮತ್ತು ಜಿಎಸ್‌ಟಿ ಸೇರಿಸಿದರೆ ಒಟ್ಟು ಬಿಲ್ ಬರೋಬ್ಬರಿ 9 ಲಕ್ಷದಿಂದ 9.5 ಲಕ್ಷ ಪಾಕಿಸ್ತಾನಿ ರೂಪಾಯಿವರೆಗೆ ಏರಿಕೆಯಾಗಲಿದೆ ಎಂದು ಅಂದಾಜಿಸಲಾಗಿದೆ.
ಭಾರತದಲ್ಲಿನ ಸ್ಥಿತಿ ಏನು?
ಭಾರತದಲ್ಲೂ ಚಿನ್ನದ ದರ ಹೆಚ್ಚಾಗಿದ್ದರೂ ಪಾಕಿಸ್ತಾನಕ್ಕೆ ಹೋಲಿಸಿದರೆ ಪರಿಸ್ಥಿತಿ ಸಾಕಷ್ಟು ಉತ್ತಮವಾಗಿದೆ.22 ಕ್ಯಾರೆಟ್ ಚಿನ್ನ (10 ಗ್ರಾಂ): ಸುಮಾರು ₹1.24 ಲಕ್ಷ.ಪ್ರತಿ ತೊಲೆ (ಸುಮಾರು 11.66 ಗ್ರಾಂ): ಸುಮಾರು ₹1.45 ಲಕ್ಷ.
ಭಾರತದ ಮಾರುಕಟ್ಟೆ ದರದಂತೆ 2 ತೊಲೆ ಚಿನ್ನದ ಬೆಲೆ ಸುಮಾರು ₹2.9 ಲಕ್ಷದಿಂದ ₹3 ಲಕ್ಷದವರೆಗೆ ಬರುತ್ತದೆ. ಇದಕ್ಕೆ ಮೇಕಿಂಗ್ ಚಾರ್ಜಸ್ ಹಾಗೂ ಇತರೆ ತೆರಿಗೆಗಳನ್ನು ಸೇರಿಸಿದರೂ ಸಹ ಒಟ್ಟು ಬೆಲೆ ₹3.2 ಲಕ್ಷದಿಂದ ₹3.5 ಲಕ್ಷದೊಳಗೆ ಇರಲಿದೆ.
ಭಾರತ Vs ಪಾಕಿಸ್ತಾನ: ಇಲ್ಲಿದೆ ಬೆಲೆಗಳ ಲೆಕ್ಕಾಚಾರ
ಎರಡೂ ದೇಶಗಳ ಮಾರುಕಟ್ಟೆಯನ್ನು ಹೋಲಿಸಿ ನೋಡಿದರೆ, ಪಾಕಿಸ್ತಾನದಲ್ಲಿ 2 ತೊಲೆ ಚಿನ್ನದ ಹಾರ ಖರೀದಿಸುವುದು ಭಾರತಕ್ಕಿಂತ ಮೂರು ಪಟ್ಟು ದುಬಾರಿಯಾಗಿದೆ ಎಂಬುದು ಸ್ಪಷ್ಟವಾಗುತ್ತದೆ. ಕರೆನ್ಸಿ ವಿನಿಮಯ ದರಗಳ ಆಧಾರದ ಮೇಲೆ ನೇರ ಹೋಲಿಕೆಯಲ್ಲಿ ಅಲ್ಪ ವ್ಯತ್ಯಾಸ ಇರಬಹುದಾದರೂ, ಪಾಕಿಸ್ತಾನದ ದುರ್ಬಲ ಆರ್ಥಿಕತೆ, ಗಗನಕ್ಕೇರಿರುವ ಆಮದು ವೆಚ್ಚ ಹಾಗೂ ಸ್ಥಳೀಯ ಮಾರುಕಟ್ಟೆಯ ಅಸ್ಥಿರತೆಯೇ ಅಲ್ಲಿನ ದರ ಏರಿಕೆಗೆ ಪ್ರಮುಖ ಕಾರಣಗಳಾಗಿವೆ.
ಜಾಗತಿಕ ಮಾರುಕಟ್ಟೆಯಲ್ಲಿ ಸುರಕ್ಷಿತ ಹೂಡಿಕೆಯಾಗಿ ಚಿನ್ನಕ್ಕೆ ಬೇಡಿಕೆ ಹೆಚ್ಚುತ್ತಿರುವುದು ಜಾಗತಿಕವಾಗಿ ಬೆಲೆ ಏರಿಕೆಗೆ ಕಾರಣವಾಗಿದೆ. ಆದರೆ ಪಾಕಿಸ್ತಾನದಲ್ಲಿ ಸ್ಥಳೀಯ ರೂಪಾಯಿ ಮೌಲ್ಯ ಕುಸಿತವು ಈ ಬೆಲೆಗೆ ಇನ್ನಿಲ್ಲದ ಬೇಗೆ ನೀಡಿದೆ. ಭಾರತದಲ್ಲಿ ದರ ಹೆಚ್ಚಿದ್ದರೂ ಮಾರುಕಟ್ಟೆ ಸ್ಥಿರವಾಗಿದ್ದು, ಗ್ರಾಹಕರಿಗೆ ಪಾಕಿಸ್ತಾನದಷ್ಟು ಹೊರೆಯಾಗುತ್ತಿಲ್ಲ. ಪಾಕಿಸ್ತಾನದ ಮಧ್ಯಮ ವರ್ಗದ ಜನರಿಗೆ ಈಗ 2 ತೊಲೆ ಚಿನ್ನದ ಆಭರಣ ಕೊಳ್ಳುವುದು ಕೇವಲ ಒಂದು ಕನಸಾಗಿಯಷ್ಟೇ ಉಳಿದಿದೆ.
