ನಾರ್ವೇಯನ್ ನೃತ್ಯ ತಂಡ ’ಕ್ವಿಕ್ ಸ್ಟೈಲ್’ ಎಲ್ಲೆಡೆ ತನ್ನ ಛಾಪು ಮೂಡಿಸುತ್ತಾ ಸಾಗಿರುವುದು ನೆಟ್ಟಿಗರಿಗೆ ಚೆನ್ನಾಗಿ ತಿಳಿದಿರುವ ವಿಚಾರ. ಇದೀಗ ಬಾಲಿವುಡ್ ಹಿಟ್ ಹಾಡು ʼಕಾಲಾ ಚಷ್ಮಾʼ ಹಾಡಿಗೆ ಹೆಜ್ಜೆ ಹಾಕುತ್ತಾ ಇನ್ನಷ್ಟು ವೈರಲ್ ಆಗಿದೆ ಈ ತಂಡ.
ಸದ್ಯ ಮುಂಬಯಿಯಲ್ಲಿರುವ ಕ್ವಿಕ್ ಸ್ಟೈಲ್ ಕನಸಿನ ನಗರಿಯಲ್ಲಿ ಭಾರೀ ಹವಾ ಎಬ್ಬಿಸಿದೆ. ಮುಂಬಯಿಯ ಉಪನಗರ ರೈಲೊಂದರಲ್ಲಿ ಶೂಟ್ ಮಾಡಲಾದ ವಿಡಿಯೋವೊಂದನ್ನು ತಂಡ ಪೋಸ್ಟ್ ಮಾಡಿದೆ.
’ಲೇಕೆ ಪೆಹಲಾ ಪೆಹಲಾ ಪ್ಯಾರ್’ನ ರೀಮಿಕ್ಸ್ ವರ್ಶನ್ಗೆ ಸಖತ್ತಾಗಿ ಹೆಜ್ಜೆ ಹಾಕಿದ ಈ ತಂಡದ ನೃತ್ಯವನ್ನು ಕಂಡು ಲೋಕಲ್ ಟ್ರೈನಿನ ಪ್ರಯಾಣಿಕರು ಎಂಜಾಯ್ ಮಾಡುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ.
“ಭಾರತದ ಸ್ಥಳೀಯ ರೈಲಿನಲ್ಲಿ ನಮ್ಮ ಮೊದಲ ಹೆಜ್ಜೆ #Mumbai,” ಎಂದು ವಿಡಿಯೋಗೆ ಕ್ಯಾಪ್ಷನ್ ನೀಡಲಾಗಿದೆ.
ತಂಡದ ನೃತ್ಯ ಪ್ರದರ್ಶನಗಳ ಛಲಕ್ಗೆ ದೊಡ್ಡ ದೊಡ್ಡ ಸೆಲೆಬ್ರಿಟಿಗಳೂ ಸಹ ಪ್ರತಿಕ್ರಿಯೆ ನೀಡಿದ್ದಾರೆ. ಇದೇ ವೇಳೆ, ವಿರಾಟ್ ಕೊಹ್ಲಿ ಸಹ ತಮ್ಮೊಂದಿಗೆ ಸ್ಟೆಪ್ ಹಾಕಿರುವ ತುಣುಕನ್ನೂ ಸಹ ಕ್ವಿಕ್ ಸ್ಟೆಪ್ ಶೇರ್ ಮಾಡಿಕೊಂಡಿದೆ.
https://www.youtube.com/watch?v=YX2_kirl6iU
