ಬೆಂಗಳೂರು :ನಟ ಕಿಚ್ಚ ಸುದೀಪ್ ಅಭಿನಯದ ಬಹು ನಿರೀಕ್ಷಿತ ‘ಮ್ಯಾಕ್ಸ್’ ಚಿತ್ರ ಇಂದು ರಾಜ್ಯಾದ್ಯಂತ ತೆರೆ ಕಂಡಿದ್ದು, ಕಿಚ್ಚ ಸುದೀಪ್ ತಾಯಿಯನ್ನು ನೆನೆದು ಭಾವುಕ ಪೋಸ್ಟ್ ಮಾಡಿದ್ದಾರೆ.
“ಈಗಾಗಲೇ ರಾಜ್ಯದಾದ್ಯಂತ ಎಲ್ಲಾ ಚಿತ್ರಮಂದಿರಗಳಲ್ಲಿ ಸಂಭ್ರಮಾಚಣೆ ನಡೆಯುತ್ತಿರುವುದು ಒಂದೆಡೆ ಖುಷಿ ತಂದರೆ,ಇದು ಸಂತೋಷದ ಕ್ಷಣ ಮತ್ತು ಆಚರಿಸುವ ಸಮಯವಾಗಿದ್ದರೂ, ನಾನು ನೋವು ಮತ್ತು ಒಂಟಿತನವನ್ನು ಅನುಭವಿಸುತ್ತೇನೆ. ನನ್ನ ಪ್ರೀತಿಯ ಅಮ್ಮ ನನ್ನ ಒಂದೇ ಒಂದು ಚಿತ್ರವನ್ನು ತಪ್ಪಿಸಿಕೊಂಡಿರಲಿಲ್ಲ, ಮತ್ತು ಇದು ಈ ಹೊಸ ಆರಂಭದ ಮೊದಲನೆಯದು ಮಿಸ್ ಆಗಲಿದೆ. ಇದು ಅತೀವ ನೋವುಂಟು ಮಾಡುತ್ತಿದೆ…. ಮತ್ತು ಬಹಳ ನೋವು ಕಾಡುತ್ತಿದೆ ಎಂದಿದ್ದಾರೆ.
ಈ ಸಿನಿಮಾದ ಆರಂಭದಲ್ಲಿ ಅಮ್ಮನ ಸ್ಮರಣೆಯ ಕಾರ್ಡ್ ಪರದೆಯ ಮೇಲೆ ಮೂಡಲಿರುವುದನ್ನು ಊಹಿಸಿಕೊಳ್ಳುವುದು ಬಹಳ ಕಷ್ಟವಾಗಿದೆ. ಅವಳ ಚಿತ್ರವನ್ನು ಈ ರೀತಿ ಪರದೆಯ ಮೇಲೆ ನೋಡಲು ನನಗೆ ಶಕ್ತಿ ಇದೆಯೇ ಎಂದು ನನಗೆ ತಿಳಿದಿಲ್ಲ. ಅಪ್ಪನ ಬಗ್ಗೆ ಇನ್ನೂ ಹೆಚ್ಚು ಚಿಂತೆ ಇದೆ, ಅವರೂ ಇದನ್ನು ನೋಡುತ್ತಾರೆ.
ಮಿಸ್ ಯೂ, ಅಮ್ಮಾ. ನಿಮ್ಮ ಮುಖದ ಮೇಲೆ ಇರುತ್ತಿದ್ದ ಸಂತೋಷ ಮತ್ತು ನಗುವನ್ನು ಮಿಸ್ ಮಾಡಿಕೊಳ್ಳುತ್ತೇನೆ.ನೀವು ಸುಖಕರ ಸ್ಥಳವನ್ನು ತಲುಪಿದ್ದೀರಿ ಮತ್ತು ನೀವು ಚೆನ್ನಾಗಿ ವಿಶ್ರಾಂತಿ ಪಡೆಯುತ್ತಿದ್ದೀರಿ ಎಂದು ಪ್ರಾರ್ಥಿಸುತ್ತೇನೆ ಅಮ್ಮಾ..” ಎಂದು ಭಾವುಕ ಪೋಸ್ಟ್ ಹಂಚಿಕೊಂಡಿದ್ದಾರೆ.
ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ ಬಹುನಿರೀಕ್ಷಿತ ಚಿತ್ರ ‘ಮ್ಯಾಕ್ಸ್’ ಇಂದು ಬಿಡುಗಡೆಯಾಗಿದೆ.
ಬಹು ಭಾಷೆಗಳಲ್ಲಿ ಮೂಡಿ ಬಂದಿರುವ ಚಿತ್ರವನ್ನು ವಿಜಯ್ ಕಾರ್ತಿಕೇಯ ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿ ವರಲಕ್ಷ್ಮಿ ಶರತ್ ಕುಮಾರ್, ಸಂಯುಕ್ತ ಹೊರನಾಡು, ಸುನಿಲ್, ಪ್ರಮೋದ್ ಶೆಟ್ಟಿ, ಅನಿರುದ್ಧ್ ಭಟ್, ಸುಕೃತ ವಾಗ್ಲೆ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.
It’s overwhelming to already see celebrations at all theater across the state.
Though it’s a moment of happiness and a time to celebrate, I feel pain n emptiness. Never has my loving Amma ever missed a single film of mine, and this will be the 1st of this new beginning. It… pic.twitter.com/npyfLu3rei— Kichcha Sudeepa (@KicchaSudeep) December 24, 2024
