ಶಕೀರಾ ದನಿಯಲ್ಲಿ ಪಿಜ್ಜಾ ಆರ್ಡರ್‌ ಮಾಡುವ ಮಹಿಳೆ

ಪಿಜ್ಜಾ ಆರ್ಡ‌ರ್‌ ಮಾಡುವ ವೇಳೆ ಫೋನಿನಲ್ಲಿ ಥೇಟ್ ಶಕಿರಾರಂತೆಯೇ ಹಾಡುವ ಮಹಿಳೆಯೊಬ್ಬರು ವೈರಲ್‌ ಆಗಿದ್ದಾರೆ.

ಅಮೆರಿಕನ್ ಐಡಲ್ ಸೀಸನ್ 12ರ ಫೈನಲಿಸ್ಟ್‌ ಆಗಿರುವ ಶುಬಾ ವೆಡುಲಾ ಎಂಬ ಈ ಮಹಿಳೆಯ ವಿಡಿಯೋ ಟಿಕ್‌ಟಾಕ್‌ನಲ್ಲಿ ಭಾರೀ ಫೇಮಸ್ ಆಗಿದೆ.

ನೀವು ಕಣ್ಣು ಮುಚ್ಚಿಕೊಂಡು ವಿಡಿಯೋದಲ್ಲಿರುವ ದನಿ ಆಲಿಸಿದರೆ ಶಕಿರಾಳೇ ಹಾಡುತ್ತಿರುವುದು ಎಂದುಕೊಳ್ಳುವಂತೆ ಇದೆ ಈ ದನಿ.

ಶುಬಾ ಪಿಜ್ಜಾ ಆರ್ಡರ್‌ ಮಾಡುವ ಪರಿಯನ್ನು ಖುದ್ದು ಟ್ವೀಟ್ ಮಾಡಿರುವ ಶಕೀರಾ, “ಹೆಲೋ ಶುಬಾ, ನಾನು ನಿಮ್ಮ ಆರ್ಡರ್‌ ತೆಗೆದುಕೊಳ್ಳಲೇ?” ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ. ಇದು ಸಖತ್ ವೈರಲ್ ಆಗಿದೆ.