ಆನ್ ವ್ಯವಹಾರ ಹೆಚ್ಚುತ್ತಿದ್ದಂತೆ ಹೊಸ ಹೊಸ ರೀತಿಯ ವಂಚನೆ ಪ್ರಕರಣ ಹೆಚ್ಚಾಗುತ್ತಿದೆ. ಇದೀಗ ಆನ್ಲೈನ್ ಬುಕ್ಕಿಂಗ್ ಹಗರಣವೊಂದಲ್ಲಿ ಒಬ್ಬಾಕೆ ಮನೆ ಮುಂದೆ ತಿಂಗಳಲ್ಲಿ 100ಕ್ಕೂ ಅಧಿಕ ಮಂದಿ ಪ್ರವಾಸಿಗರು ಬಂದು ನಿಂತು ವಾಸ್ತವ್ಯ ಬಯಸಿರುವ ಪ್ರಸಂಗ ನಡೆದಿದೆ.
ಏಕಾಏಕಿ ಮನೆ ಮುಂದೆ ಜನ ಬಂದು ವಾಸ್ತವ್ಯಕ್ಕೆ ಅವಕಾಶ ಕೋರುವುದನ್ನು ಕಂಡು ಆ ಮಹಿಳೆ ಅವಾಕ್ಕಾಗಿ ಹೋಗಿದ್ದಾರೆ. ಈ ಘಟನೆ ನಡೆದಿರುವು ಉತ್ತರ ಲಂಡನ್ನಲ್ಲಿ. ಅಲ್ಲಿನ ನಿವಾಸಿ ಗಿಲಿಯನ್ ಈ ಸಮಸ್ಯೆ ಎದುರಿಸಿದ್ದಾರೆ.
ಒಂದೇ ದಿನ ಕೆಲವು ಗಂಟೆಗಳ ಅಂತರದಲ್ಲಿ ಮೂರು ಅಥವಾ ನಾಲ್ಕು ಜನರು ಮನೆ ವಾಸ್ತವ್ಯಕ್ಕಾಗಿ ಬಂದುಬಿಟ್ಟಿದ್ದರು. ತಮ್ಮಲ್ಲಿ ಅವಕಾಶ ಇಲ್ಲ ಎಂದು ಹೇಳಿದರೆ, ಬುಕ್ಕಿಂಗ್ ಡಾಟ್ ಕಾಮ್ ನಿಂದ ಮನೆ ಬುಕ್ ಮಾಡಿರುವುದಾಗಿ ಪ್ರವಾಸಿಗರು ಹೇಳಿಕೊಂಡಿದ್ದಾರೆ.
ಬಂದವರು ಪ್ರಪಂಚದ ವಿವಿಧ ದೇಶದವರು ಎಂಬುದು ಗಮನಾರ್ಹ ಸಂಗತಿ. ಆಸ್ಟ್ರೇಲಿಯನ್ನರು, ಸೌದಿ ಅರೇಬಿಯಾ, ಇಂಗ್ಲೆಂಡ್ನಿಂದ ಬಂದವರೂ ಇದ್ದರು. ಈ ರೀತಿ ಜುಲೈ ಪೂರ್ತಿ ಮುಂದುವರೆಯಿತು.
ವೆಬ್ಸೈಟ್ನಲ್ಲಿ ಬುಕ್ ಮಾಡಲು ಅವರೆಲ್ಲ ಹಣ ಪಾವತಿಸಿ ಬಂದವರಾಗಿದ್ದರು. ಬಳಿಕ ಗಿಲಿಯನ್ ಸ್ವತಃ ವಿಷಯದ ತಿರುಳನ್ನು ಕಂಡುಕೊಳ್ಳಲು ನಿರ್ಧರಿಸಿ, ವೆಬ್ಸೈಟ್ ಗಮನಿಸಿದಾಗ ಆಕೆ ಮನೆ ವಿಳಾಸದೊಂದಿಗೆ ಜಾಹೀರಾತು ಕಾಣಿಸಿತು. ಆದರೆ, ಮನೆಯ ಚಿತ್ರಗಳು ನಕಲಿಯಾಗಿದ್ದವು ಎಂಬುದು ಅರಿವಿಗೆ ಬಂತು.
ಹಗರಣ ಬೆಳಕಿಗೆ ಬರುತ್ತಿದ್ದಂತೆ, ಬುಕ್ಕಿಂಗ್ ಡಾಟ್ಕಾಮ್ ಈ ಮಾಹಿತಿ ತೆಗೆದು ಹಾಕಿತಲ್ಲದೇ, ಎಲ್ಲರನ್ನೂ ಸಂಪರ್ಕಿಸಿ ಎಲ್ಲರನ್ನೂ ಮಾತನಾಡಿಸಿ ವಂಚನೆ ಬಗ್ಗೆ ತಿಳಿಸಿ, ವಿಷಾದಿಸಿದೆ.
Loading ...