ಈಗಂತೂ ಎಲ್ಲೆಲ್ಲೂ ರೀಲ್ಸ್ ಹುಚ್ಚು. ಅದರಲ್ಲಿಯೂ ಡಾನ್ಸ್ ರೀಲ್ಸ್ಗಳು ಹೆಚ್ಚೆಚ್ಚು ವೈರಲ್ ಆಗುವ ಕಾರಣ, ಹುಚ್ಚಾಪಟ್ಟೆಯಾಗಿ ನರ್ತಿಸಿ ರೀಲ್ಸ್ ಮಾಡುವವರೂ ಹೆಚ್ಚಾಗುತ್ತಿದ್ದಾರೆ, ಇಂಥವುಗಳಲ್ಲಿ ಹಲವು ವೈರಲ್ ಕೂಡ ಆಗುತ್ತವೆ.
ಆದರೆ ಇಲ್ಲೊಂದು ವಿಡಿಯೋದಲ್ಲಿ ಅಪರೂಪದ ಪ್ರತಿಭೆಯನ್ನು ಯುವತಿಯೊಬ್ಬಳು ಪ್ರದರ್ಶಿಸಿದ್ದಾಳೆ. ಬೈಸಿಕಲ್ ಸವಾರಿ ಮಾಡುವಾಗ ಯಾರಾದರೂ ಬಾಲಿವುಡ್ ಟ್ರ್ಯಾಕ್‌ಗೆ ಹಾಡುವುದನ್ನು ಬಹುಶಃ ನೀವು ನೋಡಿರಲಿಕ್ಕಿಲ್ಲ. ಈ ವಿಡಿಯೋದಲ್ಲಿ ನೀವು ಅದನ್ನು ನೋಡಬಹುದು.
ವೈರಲ್ ವಿಡಿಯೋವನ್ನು ಬುಶ್ರಾ ಎಂಬ ಬಳಕೆದಾರರು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಕಸೂತಿ ಮಾಡಿದ ಕುರ್ತಾ ಸೆಟ್‌ನಲ್ಲಿ ಯುವತಿಯೊಬ್ಬರು ನರ್ತಿಸುವುದನ್ನು ನೋಡಬಹುದು.
ಸೈಕಲ್ ಮೇಲೆಯೇ ಡಾನ್ಸ್ ಮಾಡುತ್ತಿರುವ ಈ ಯುವತಿ ಸೈಕಲ್ ಹ್ಯಾಂಡಲ್ ಹಿಡಿಯದೇ ಪೆಡಲ್ ಮಾಡುತ್ತಾ ಸುಂದರವಾಗಿ ನರ್ತಿಸಿದ್ದಾರೆ. ಈಕೆಯ ನರ್ತನಕ್ಕೆ ನೆಟ್ಟಿಗರು ಫಿದಾ ಆಗಿದ್ದು, ಇದಾಗಲೇ ವಿಡಿಯೋ 5 ಲಕ್ಷಕ್ಕೂ ಹೆಚ್ಚು ವ್ಯೂಸ್ ಕಂಡಿದೆ.
Loading ...