ಸಾಮಾಜಿಕ ಜಾಲತಾಣದಲ್ಲಿ ಚಿತ್ರ ವಿಚಿತ್ರ ಎನ್ನಿಸುವ ಘಟನೆಗಳು ಟ್ರೆಂಡ್ ಆಗಿಬಿಡುತ್ತವೆ. ಸದ್ಯ ಯಾವುದಾದರೂ ಫೋಟೋ ಒಂದನ್ನು ಹಾಕಿ ಅದನ್ನು ಸ್ವಲ್ಪ ಚೇಂಜ್ ಮಾಡುವಂತೆ ಕೇಳುವ ಟ್ರೆಂಡ್ ಶುರುವಾಗಿದೆ.
ಹೀಗೆ ತನ್ನ ಫೋಟೋವನ್ನು ಎಡಿಟ್ ಮಾಡಲು ಯುವತಿಯೊಬ್ಬಳು ಕೇಳಿಕೊಂಡಿದ್ದು, ನೆಟ್ಟಿಗರು ಎಷ್ಟು ಉತ್ಸಾಹದಿಂದ ಬದಲಾವಣೆ ಮಾಡಿದ್ದಾರೆ ಎಂಬುದು ವೈರಲ್ ಆಗಿದೆ.
ಹರ್ಷಿತಾ ಎಂಬ ಟ್ವಿಟ್ಟರ್ ಬಳಕೆದಾರರು ಈ ರೀತಿ ತಮ್ಮ ಫೋಟೋ ಎಡಿಟ್ ಮಾಡಲು ಕೇಳಿಕೊಂಡಿದ್ದರು. ಒಬ್ಬರು ಬರಿ ಟವೆಲ್‌ ಧರಿಸಿರುವ ವ್ಯಕ್ತಿಯನ್ನು ಹಾಕಿದ್ದರೆ, ಹಿನ್ನೆಲೆಯಲ್ಲಿ ಪ್ರಧಾನಿ ಮೋದಿ ಚಿತ್ರವನ್ನು ಇನ್ನೊಬ್ಬ ಬಳಕೆದಾರರು ಹಾಕಿದ್ದಾರೆ. ಹೀಗೆ ವಿಚಿತ್ರ ಎನಿಸುವಂತೆ ಫೋಟೋ ಎಡಿಟ್ ಮಾಡಲಾಗಿದೆ.
ಈ ಹಿಂದೆ ಸನ್ನಿ ಎಂಬಾತ ಹೀಗೆಯೇ ಕೇಳಿಕೊಂಡಿದ್ದಾಗ ಆತನ ಫೋಟೋಗಳನ್ನು ಹೇಗ್ಹೇಗೆ ಬೇಕೋ ಹಾಗೆಲ್ಲಾ ಎಡಿಟ್ ಮಾಡಿದ್ದರು. ಅಸಹ್ಯ ಎನಿಸುವ ರೀತಿಯಲ್ಲಿಯೂ ಆತನ ಫೋಟೋ ಮಾರ್ಫ್ ಮಾಡಲಾಗಿತ್ತು.
ಆದರೆ ಸದ್ಯಕ್ಕೆ ಈ ಯುವತಿಯ ವಿಷಯದಲ್ಲಿ ಹಾಗೆ ಆಗಲಿಲ್ಲ. ಕ್ರಿಕೆಟ್ ತಾರೆಯರು ಸೇರಿದಂತೆ ಕೆಲವು ಸೆಲೆಬ್ರಿಟಿಗಳ ಯುವತಿಯ ಹಿಂದಕ್ಕೆ ಇಟ್ಟು ಎಡಿಟ್ ಮಾಡಲಾಗಿದೆ. ಬಳಕೆದಾರನೊಬ್ಬ ಈಕೆ ನನ್ನ ಗರ್ಲ್ಫ್ರೆಂಡ್ ಎಂದು ಹೇಳಿಕೊಂಡಿದ್ದಾನೆ.
ಈ ರೀತಿಯ ವಿಚಿತ್ರ ಶೋಕಿ ಏಕೆ, ಅಸಹ್ಯ ರೀತಿಯಲ್ಲಿ ಎಡಿಟ್ ಮಾಡಿದರೆ ನಿಮ್ಮದೇ ಮರ್ಯಾದೆ ಹೋಗುತ್ತದೆಯಲ್ಲವೆ ಎಂದು ಕೆಲವರು ಬುದ್ಧಿಮಾತನ್ನೂ ಹೇಳಿದ್ದಾರೆ. ಈ ಫೋಟೋದಲ್ಲಿನ ವ್ಯಕ್ತಿಯನ್ನು ತೆಗೆಯಿರಿ ಎಂದೂ ಇದೇ ವೇಳೆ ಯುವತಿ ಕೋರಿಕೊಂಡಿದ್ದರು.
Loading ...