ಫೇಸ್ಬುಕ್ನೊಂದಿಗೆ ಬಳಕೆದಾರರ ಡೇಟಾ ಹಂಚಿಕೆ ಮಾಡುವ ವಾಟ್ಸಾಪ್ ನಿರ್ಧಾರ ಭಾರತೀಯ ಸಂವಿಧಾನದ ಅಡಿಯಲ್ಲಿ ಬಳಕೆದಾರರ ಗೌಪ್ಯತೆ ಹಕ್ಕುಗಳ ಉಲ್ಲಂಘನೆಯಾಗಲಿದೆ ಎಂಬ ಆರೋಪಗಳ ನಡುವೆಯೇ ವಾಟ್ಸಾಪ್ ಸ್ವಯಂಪ್ರೇರಿತವಾಗಿ ಈ ಹೊಸ ಗೌಪ್ಯತಾ ನೀತಿಯನ್ನ ನಿಲ್ಲಿಸಿದೆ ಎಂದು ದೆಹಲಿ ಹೈಕೋರ್ಟ್ಗೆ ತಿಳಿಸಿದೆ.
ವಿವಾದಾತ್ಮಕ ಗೌಪ್ಯತಾ ನೀತಿಯನ್ನ ಪ್ರಶ್ನಿಸಿ ವಿಚಾರಣೆಗೆ ಮುಂದಾದ ಸಿಸಿಐನ ಕ್ರಮವನ್ನ ಪ್ರಶ್ನಿಸಿ ಮೆಸೆಂಜಿಗ್ ಫ್ಲಾಟ್ಫಾರಂ ಹಾಗೂ ಅದರ ಮಾಲೀಕರಾದ ಫೇಸ್ಬುಕ್ ಹೈಕೋರ್ಟ್ಗೆ ಸಲ್ಲಿಸಿದ್ದ ಮನವಿಯನ್ನ ನ್ಯಾಯಪೀಠ ಆಲಿಸುತ್ತಿತ್ತು.
ಈ ಹಿಂದೆ ಸಿಸಿಐ ವಿಚಾರಣೆ ವಿರುದ್ಧ ಸಲ್ಲಿಸಲಾಗಿದ್ದ ಅರ್ಜಿಯನ್ನ ಹೈಕೋರ್ಟ್ನ ಏಕಸದಸ್ಯ ನ್ಯಾಯಪೀಠ ವಜಾಗೊಳಿಸಿತ್ತು. ಅಲ್ಲದೇ ಗೌಪ್ಯತಾ ನೀತಿ ಕುರಿತಂತೆ ಸ್ಪಷ್ಟ ಮಾಹಿತಿ ಕೇಳಿ ಎರಡೂ ಕಂಪನಿಗಳಿಗೆ ನೋಟಿಸ್ ಕಳುಹಿಸಿತ್ತು.
ಕಳೆದ ತಿಂಗಳು ಕೇಂದ್ರ ಸರ್ಕಾರ, ವಾಟ್ಸಾಪ್ ಬಲವಂತವಾಗಿ ಬಳಕೆದಾರರ ಬಳಿ ಗೌಪ್ಯತೆ ನೀತಿಯನ್ನ ಒಪ್ಪಿಕೊಳ್ಳುವಂತೆ ಮಾಡುತ್ತಿದೆ ಎಂದು ದೆಹಲಿ ಹೈಕೋರ್ಟ್ಗೆ ಮಾಹಿತಿ ನೀಡಿತ್ತು.
ವಾಟ್ಸಾಪ್ ಹೊಸ ಗೌಪ್ಯತಾ ನೀತಿಯು ಫೆಬ್ರವರಿ ತಿಂಗಳಿನಿಂದಲೇ ಜಾರಿಗೆ ಬರಬೇಕಿತ್ತು. ಆದರೆ ಸಾಕಷ್ಟು ವಿರೋಧಗಳ ಹಿನ್ನೆಲೆ ಈ ಗೌಪ್ಯತಾ ನೀತಿ ಜಾರಿ ಮುಂದೂಡಿಕೆಯಾಗುತ್ತಲೇ ಇತ್ತು. ಅಲ್ಲದೇ ವಾಟ್ಸಾಪ್ನ ಈ ಹೊಸ ಗೌಪ್ಯತಾ ನೀತಿ ಕಂಪನಿಗೆ ಸಾಕಷ್ಟು ಹಿನ್ನಡೆಯನ್ನ ಉಂಟು ಮಾಡಿತ್ತು.
Loading ...