ಡಬಲ್​ ಮಾಸ್ಕ್​ ಧರಿಸಿ ತ್ವಚೆ ಕಾಂತಿಹೀನವಾಗಿದೆಯಾ…..? ಹಾಗಾದರೆ ಬಳಸಿ ಈ ಟಿಪ್ಸ್

ಕೋವಿಡ್​ 19ನಿಂದಾಗಿ ಎಲ್ಲರ ಜೀವನ ಸಂಪೂರ್ಣ ಬದಲಾಗಿ ಹೋಗಿದೆ. ಕೊರೊನಾ 2ನೆ ಅಲೆಯ ತೀವ್ರತೆ ಕಡಿಮೆ ಆದರೂ ಸಹ ಸಾಂಕ್ರಾಮಿಕದ ಭಯ ಕಡಿಮೆಯಾಗಿಲ್ಲ. ಕೋವಿಡ್​ ಲಸಿಕೆಯನ್ನು ಪಡೆದಿದ್ದರೂ ಸಹ ಮಾಸ್ಕ್​ ಧರಿಸೋದು ಮಾತ್ರ ತಪ್ಪಿದ್ದಲ್ಲ.

ಈಗಂತೂ ಕೊರೊನಾ ಭಯದಿಂದಾಗಿ ಎರಡೆರಡು ಮಾಸ್ಕ್​ಗಳನ್ನು ಧರಿಸುವಂತೆ ತಜ್ಞರು ಸಲಹೆ ನೀಡುತ್ತಿದ್ದಾರೆ. ಆದರೆ ಎರಡು ಮಾಸ್ಕ್​​ ಬಳಕೆಯಿಂದಾಗಿ ಅನೇಕರಲ್ಲಿ ತ್ವಚೆಯ ಆರೋಗ್ಯ ಕೆಡುತ್ತಿದೆ. ಇದಕ್ಕಾಗಿ ನೀವು ಈ ಕೆಳಗಿನ ಸಲಹೆಗಳನ್ನು ಸ್ವೀಕರಿಸಬಹುದಾಗಿದೆ.

ತ್ವಚೆ ಆರೋಗ್ಯವನ್ನು ಕಾಪಾಡುವುದು ಮುಖ್ಯವಾದ ಕೆಲಸವಾಗಿದೆ. ಮುಖವನ್ನು ಸೂಕ್ತವಾದ ಫೇಸ್​ವಾಶ್​ನಿಂದ ತೊಳೆದ ಬಳಿಕ ಟೋನರ್​ನಿಂದ ಸ್ವಚ್ಛಗೊಳಿಸಿ. ಇದಾದ ಬಳಿಕ ನಿಮ್ಮಿಷ್ಟದ ಮಾಯಶ್ಚೂರೈಸರ್​ ಹಚ್ಚಿ. ಬೆಳಗ್ಗೆ ಹಾಗೂ ರಾತ್ರಿ ಈ ಕೆಲಸವನ್ನು ತಪ್ಪದೆ ಮಾಡಿ.

ಯಾವಾಗಲೂ ನೀರನ್ನು ಕುಡಿಯುತ್ತಲೇ ಇರಬೇಕು. ಚರ್ಮವು ಶುಷ್ಕವಾದರೆ ಕಾಂತಿಯನ್ನು ಕಳೆದುಕೊಳ್ಳುತ್ತದೆ. ಹೀಗಾಗಿ ಮುಖಕ್ಕೆ ಮಾಯಶ್ಚೂರೈಸರ್​ ಹಚ್ಚಿಕೊಳ್ಳೋದ್ರ ಜೊತೆಗೆ ಸಾಧ್ಯವಾದಷ್ಟು ನೀರನ್ನು ಕುಡಿಯಿರಿ. ಇದರಿಂದ ಮುಖ ಕಾಂತಿಯಿಂದ ಇರಲಿದೆ.

ಮಾಸ್ಕ್​ ಧರಿಸುವ ಸಂದರ್ಭದಲ್ಲಿ ಅತಿಯಾದ ಮೇಕಪ್​ ಬೇಡ್ವೇ ಬೇಡ. ಮಿತವಾದ ಮೇಕಪ್​​ ಮಾಡಿಕೊಳ್ಳಿ. ಇದರಿಂದ ಮುಖದಲ್ಲಿ ಮೊಡವೆ ಸಮಸ್ಯೆ ಕಾಣಿಸೋದಿಲ್ಲ.

ಅನೇಕರು ಅಂದ ಹೆಚ್ಚಿಸಲು ಫ್ಯಾನ್ಸಿ ಮಾಸ್ಕ್​ ಬಳಕೆ ಮಾಡುತ್ತಾರೆ. ಆದರೆ ಈ ತಪ್ಪು ಕೆಲಸ ಮಾಡಬೇಡಿ. ಆದಷ್ಟು ಉತ್ತಮ ಗುಣಮಟ್ಟದ ಮಾಸ್ಕ್​ ಬಳಕೆ ಮಾಡಿ. ಇದರಿಂದ ವೈರಸ್​ನಿಂದ ರಕ್ಷಣೆ ಸಿಗೋದ್ರ ಜೊತೆಗೆ ನಿಮ್ಮ ಮುಖದ ಆರೋಗ್ಯ ಕೂಡ ಚೆನ್ನಾಗಿ ಇರಲಿದೆ.