ಸ್ಕೈ ಡೈವಿಂಗ್ ಖಂಡಿತವಾಗಿಯೂ ಸಾಹಸ ಕ್ರೀಡೆಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಹೆಚ್ಚಿನ ಜನರು ತಮ್ಮ ಜೀವನದಲ್ಲಿ ಒಮ್ಮೆಯಾದರೂ ಸ್ಕೈ ಡೈವಿಂಗ್ ಮಾಡುವ ಗುರಿ ಹೊಂದಿರುತ್ತಾರೆ. ಆದರೆ ಅದರಲ್ಲಿ ಒಳಗೊಂಡಿರುವ ಹೆಚ್ಚಿನ ಅಪಾಯವನ್ನು ಪರಿಗಣಿಸಿದರೆ ಅದು ಕಪ್ ಚಹಾ ಕುಡಿದಷ್ಟು ಸಲೀಸಲ್ಲ.
ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ವಿಡಿಯೊದಲ್ಲಿ ಮಹಿಳೆಯೊಬ್ಬರು ಹಾರಾಟದಲ್ಲಿದ್ದ ವಿಮಾನದ ಬದಿಯಲ್ಲಿ ವರ್ಕೌಟ್ ಮಾಡುವುದನ್ನು ಕಾಣಿಸುತ್ತದೆ. ಶೌರ್ಯ, ಸಾಹಸ ಬಿಂಬಿಸುವ ವಿಡಿಯೊಗಳು ಜಾಲತಾಣದಲ್ಲಿ ಸಾಮಾನ್ಯ. ಆದರೆ, ಈ ವಿಡಿಯೋ ಬಿರುಗಾಳಿಯಂತೆ ವೈರಲ್ ಆಗಿದೆ.
ಮಹಿಳೆಯೊಬ್ಬರು ವಿಮಾನದ ಒಂದು ಬದಿಯಲ್ಲಿ ವರ್ಕೌಟ್ ಮಾಡುವುದನ್ನು ತೋರಿಸುವ ಮೂಲಕ ಪ್ರಾರಂಭವಾಗುತ್ತದೆ. ಇದೇನು ವಿಮಾನದ ಹೊರಗೆ ಇಂತಾ ಸಾಹಸ ಎಂದು ಅಚ್ಚರಿ ಬೀಳುವುದು ಗ್ಯಾರಂಟಿ. ಕೊನೆಗೆ ಆಕೆ ತನ್ನ ಹಿಡಿತವನ್ನು ಬಿಟ್ಟು ಡೈವ್ ಮಾಡುವುದನ್ನು ನೋಡಬಹುದು.
ವಿಡಿಯೋ ಅಪ್ಲೋಡ್ ಮಾಡಿದ ನಂತರ, ಸುಮಾರು 60 ಮಿಲಿಯನ್ ವೀಕ್ಷಣೆ ಪಡೆದಿದೆ. ಆಕೆಯ ದಿಟ್ಟ ನಡೆ ಅನೇಕರನ್ನು ಬೆಚ್ಚಿಬೀಳಿಸಿದೆ. ಜೊತೆಗೆ ನೂರಾರು ಕಾಮೆಂಟ್ ಬಂದಿದೆ.
Loading ...