ಯುವಕನೊಬ್ಬನ ಮಾಜಿ ಗೆಳತಿ ಹಾಗೂ ಹಾಲಿ ಗೆಳತಿಯರು ನಡುರಸ್ತೆಯಲ್ಲಿ ರಂಪಾಟ ಮಾಡಿದ ವಿಚಿತ್ರ ಘಟನೆಯೊಂದು ಉತ್ತರ ಪ್ರದೇಶದ ಲಕ್ನೋದ ಬಾರಾಬಿರ್ವಾ ಸ್ಕ್ವೇರ್ ಸಮೀಪದ ಬಾರ್ ಒಂದರ ಎದುರು ನಡೆದಿದೆ.
ಯುವತಿಯರು ಬಾರ್ ಎದುರು ಕೈ ಕೈ ಮಿಲಾಯಿಸಿದ್ದು ಇದರಲ್ಲಿ ಮಾಜಿ ಗೆಳತಿಗೆ ಗಂಭೀರ ಗಾಯಗಳಾಗಿವೆ ಎನ್ನಲಾಗಿದೆ. ಬಳಿಕ ಯುವತಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆದ ಬಳಿಕ ಯುವತಿ ದಾಖಲಿಸಿದ ದೂರನ್ನು ಆಧರಿಸಿ ಪೊಲೀಸರು ವ್ಯಕ್ತಿಯನ್ನು ಬಂಧಿಸಿದ್ದಾರೆ.
ಸೋಮವಾರ ರಾತ್ರಿ, ಯುವತಿಯು ಬಾರ್ ಎದುರು ತನ್ನ ಕಾರನ್ನು ನಿಲ್ಲಿಸಿದ್ದಾಳೆ. ಇದೇ ಸಮಯಕ್ಕೆ ಸರಿಯಾಗಿ ವ್ಯಕ್ತಿ ಕೂಡ ಬಾರ್ನಿಂದ ಹೊರಬಂದಿದ್ದಾರೆ. ಈ ವೇಳೆ ಆತನ ಜೊತೆಯಲ್ಲಿ ಇಬ್ಬರು ಯುವತಿಯರಿದ್ದರು.
ರಾಬಿನ್ ಜೊತೆಯಿದ್ದ ಇಬ್ಬರು ಯುವತಿಯರಿಗೆ ಕಾರಿನಲ್ಲಿದ್ದ ಯುವತಿ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾಳೆ. ಇದಾದ ಬಳಿಕ ಯುವತಿಯರು ಪರಸ್ಪರ ಕೈ ಕೈ ಮಿಲಾಯಿಸಿದ್ದಾರೆ. ಪೊಲೀಸರು ನೀಡಿರುವ ಮಾಹಿತಿಯ ಪ್ರಕಾರ ಕಾರಿನಲ್ಲಿದ್ದ ಯುವತಿಯು ರಾಬಿನ್ನ ಮಾಜಿ ಗೆಳತಿ ಎಂದು ತಿಳಿದುಬಂದಿದೆ.
ಕಾರಿನಲ್ಲಿದ್ದ ಯುವತಿಯು ಅಕ್ಟೋಬರ್ 10ರಂದೇ ರಾಬಿನ್ ವಿರುದ್ಧ ಲೈಂಗಿಕ ದೌರ್ಜನ್ಯದ ಬಗ್ಗೆ ದೂರು ದಾಖಲಿಸಿದ್ದಳು. ಹೀಗಾಗಿ ಪೊಲೀಸರು ರಾಬಿನ್ಗಾಗಿ ಹುಡುಕಾಟ ನಡೆಸುತ್ತಲೇ ಇದ್ದರು. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ಪೊಲೀಸರು ರಾಬಿನ್ನ್ನು ಬಂಧಿಸಿದ್ದಾರೆ.
Loading ...