ವಿಶ್ವದ ಮೊದಲ ತೇಲುವ ಹಾಗೂ ಪಾರದರ್ಶಕ ಈಜುಕೊಳ ಕೆಲದಿನಗಳ ಹಿಂದಷ್ಟೇ ಲಂಡನ್ನಲ್ಲಿ ಲೋಕಾರ್ಪಣೆ ಮಾಡಲಾಗಿದೆ. ಸ್ಕೈ ಪೂಲಿಸ್ ಹೆಸರಿನ ಈ ಪಾರದರ್ಶಕ ಈಜುಕೋಳ 82 ಅಡಿ ಉದ್ದವಿದೆ.
ನೈಋತ್ಯ ಲಂಡನ್ನ ರಾಯಭಾರ ಕಚೇರಿಯಲ್ಲಿ ಎರಡು ಅಪಾರ್ಟ್ಮೆಂಟ್ಗಳ 10ನೆ ಮಹಡಿಯ ಮಧ್ಯದಲ್ಲಿ ಈ ತೇಲುವ ಈಜುಕೊಳವನ್ನ ನಿರ್ಮಿಸಲಾಗಿದೆ. ಈ ಈಜುಕೊಳವು ಭೂಮಿಯಿಂದ 115 ಅಡಿ ಎತ್ತರದಲ್ಲಿದೆ. ಈ ಈಜುಕೊಳದಲ್ಲಿ 50 ಟನ್ ನೀರನ್ನ ತುಂಬಿಸಲಾಗಿದೆ. ಅಲ್ಲದೇ ಮೇಲ್ಛಾವಣಿ ಬಾರ್ ಹಾಗೂ ಸ್ಪಾ ವ್ಯವಸ್ಥೆ ಕೂಡ ಮಾಡಲಾಗಿದೆ.
ಈ ವಿಶೇಷವಾದ ಈಜುಕೊಳವನ್ನ ಎಕಸ್ರ್ಲೆಓ ಕಲ್ಲಗಾನ್ ಎಂಬ ಇಂಜಿನಿಯರ್ ನಿರ್ಮಿಸಿದ್ದಾರೆ. 2 ಬೆಡ್ ರೂಮ್ ಮನೆಗಳನ್ನ ಹೊಂದಿರುವ ಎರಡು ಗಗನಚುಂಬಿ ಕಟ್ಟಡಗಳ ನಡುವೆ ಈ ಈಜುಕೊಳವನ್ನ ನಿರ್ಮಿಸಲಾಗಿದೆ. ಕಟ್ಟಡದ ನಿವಾಸಿಗಳಿಗೆ ಮಾತ್ರ ಈ ಈಜುಕೊಳವನ್ನ ಬಳಕೆ ಮಾಡಲು ಅನುಮತಿ ನೀಡಲಾಗಿದೆ.
ಈಜುಕೊಳದ ವಿಡಿಯೋವನ್ನ ರಾಯಭಾರ ಕಚೇರಿ ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದು ಸಖತ್ ವೈರಲ್ ಆಗಿದೆ. ಈ ಈಜುಕೊಳವು ಮೇ 19ರಂದು ಲೋಕಾರ್ಪಣೆಗೊಂಡಿತ್ತು.