ಬ್ರೆಜಿಲ್ ನ ಬೀಚ್ ಒಂದರಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಮೊಸಳೆಗಳು ಬೀಡು ಬಿಟ್ಟಿದ್ದು ಇದನ್ನು ನೋಡಿ ಸ್ಥಳೀಯರು ಬೆಚ್ಚಿಬಿದ್ದಿದ್ದಾರೆ. ಇದರ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಮೊಸಳೆಗಳು ಈ ರೀತಿ ಒಮ್ಮೆಲೇ ಬರಲು ಏನು ಕಾರಣ ಎಂಬ ಚರ್ಚೆ ನಡೆಯುತ್ತಿದೆ.
ಟಾಕ್ ರೇಡಿಯೋ ಖ್ಯಾತಿಯ ken rutkowski ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಶೇರ್ ಮಾಡಿದ್ದು, ಈಗಾಗಲೇ ಏಳು ಮಿಲಿಯನ್ ವೀಕ್ಷಣೆಯನ್ನು ಗಳಿಸಿದೆ. ಬಹಳಷ್ಟು ಮೊಸಳೆಗಳು ದಡದಲ್ಲಿದ್ದರೆ, ಇನ್ನೊಂದಷ್ಟು ಮೊಸಳೆಗಳು ನೀರಿನಲ್ಲಿವೆ.
ಈ ವಿಡಿಯೊ ವೀಕ್ಷಿಸಿದ ಕೆಲವರು ಇವುಗಳು ಮೊಸಳೆಗಳಲ್ಲ, ಅವುಗಳನ್ನೇ ಹೋಲುವ ಮತ್ತೊಂದು ಜೀವಿಗಳು ಎಂದಿದ್ದರೆ, ಮತ್ತೊಬ್ಬರು ಮೊಸಳೆಗಳು ಬೀಚ್ ದಡದಲ್ಲಿದ್ದರೆ ಜನ ಯಾಕೆ ಹೆದರಬೇಕು. ಅವುಗಳೇನು ಶಾಪಿಂಗ್ ಮಾಲ್ ಗೆ ಬಂದಿಲ್ಲವಲ್ಲ ಎಂದಿದ್ದಾರೆ.
ಮೂಲಗಳ ಪ್ರಕಾರ ಸಂತಾನೋತ್ಪತ್ತಿಗಾಗಿ ಈ ಮೊಸಳೆಗಳು ದೊಡ್ಡ ಸಂಖ್ಯೆಯಲ್ಲಿ ದಡಕ್ಕೆ ಬಂದಿವೆ ಎನ್ನಲಾಗಿದ್ದು, ಆ ಬಳಿಕ ಮರಳಿ ನೀರಿಗೆ ಹೋಗುತ್ತವೆ ಎಂದು ಹೇಳಲಾಗಿದೆ. ಒಟ್ಟಿನಲ್ಲಿ ಸಾವಿರಾರು ಸಂಖ್ಯೆಯ ಮೊಸಳೆಗಳನ್ನು ಕಂಡು ಜನ ಬೆಚ್ಚಿ ಬಿದ್ದಿರುವುದಂತೂ ಸತ್ಯ.
https://twitter.com/HomeSchoolWales/status/1570466549915602949?ref_src=twsrc%5Etfw%7Ctwcamp%5Etweetembed%7Ctwterm%5E1570466549915602949%7Ctwgr%5E5b66e1f913374fcd25701baf1419422a0102fd49%7Ctwcon%5Es1_&ref_url=https%3A%2F%2Fm.dailyhunt.in%2Fnews%2Findia%2Fenglish%2Fnews18english-epaper-newseigh%2Fwatchthousandsofcrocodilesinvadingbrazilianbeachleavelocalspanicking-newsid-n423483324%3Fs%3Dauu%3D0x61fbe37283098391ss%3Dwsp
Loading ...