ಅಪಘಾತ ತಪ್ಪಿಸಲು ಹೋಗಿ ದಿಕ್ಕು ಬದಲಿಸಿದ ಕಾರು ಚಾಲಕ; ರಸ್ತೆ ಬದಿ ನಿಂತವನಿಗೆ ಬಂತು ಗ್ರಹಚಾರ

ಅಪಘಾತಗಳೇ ಹಾಗೆ. ಹೇಗೆ ಸಂಭವಿಸುತ್ತದೆ ಎಂದು ತಿಳಿಯುವುದೇ ಕಷ್ಟ. ಅಂಥದ್ದೇ ಒಂದು ಅಪಘಾತ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಈ ವಿಡಿಯೋ ನೋಡಿ ಹಲವರು ನಗುತ್ತಿದ್ದರೂ, ಅಪಘಾತದಿಂದ ನೋವು ಅನುಭವಿಸಿದವನಿಗೆ ಮಾತ್ರ ಗೊತ್ತು ಅದರ ಕಷ್ಟ.

ಆಗಿದ್ದೇನೆಂದರೆ, ವೇಗವಾಗಿ ಚಲಿಸುತ್ತಿದ್ದ ಕಾರು ಬಹುತೇಕ ನಿಯಂತ್ರಣ ಕಳೆದುಕೊಂಡು ಇನ್ನೊಂದು ವಾಹನಕ್ಕೆ ಡಿಕ್ಕಿ ಹೊಡೆಯುವ ಹಂತದಲ್ಲಿತ್ತು. ಆ ಸಂದರ್ಭದಲ್ಲಿ ಅಪಾಯ ಅರಿತ ಚಾಲಕ, ಕೂಡಲೇ ಸ್ಟೇರಿಂಗ್​ ತಿರುಗಿಸಿ ಕಾರನ್ನು ಮತ್ತೊಂದು ದಿಕ್ಕಿಗೆ ತಿರುಗಿಸಿದ್ದಾನೆ.

ಈ ಸಂದರ್ಭದಲ್ಲಿ ಆತನ ಕಾರು ಸಿಗ್ನಲ್​ ದೀಪದ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ತಾನು ಮತ್ತೊಂದು ವಾಹನಕ್ಕೆ ಅಪಘಾತವಾಗುವುದರಿಂದ ತಪ್ಪಿಸಿಕೊಂಡರೂ ಸಿಗ್ನಲ್​ ಬಳಿ ನಿಂತಿದ್ದ ವ್ಯಕ್ತಿಯ ಗ್ರಹಚಾರ ಮಾತ್ರ ಕೆಟ್ಟಿತ್ತು. ಕಾರು ಸಿಗ್ನಲ್​ ದೀಪದ ಕಂಬಕ್ಕೆ ಡಿಕ್ಕಿ ಹೊಡೆದ ರಭಸಕ್ಕೆ ಆ ಕಂಬ, ಪಕ್ಕದಲ್ಲಿ ನಿಂತಿದ್ದ ವ್ಯಕ್ತಿಯ ಮೇಲೆ ಬಿದ್ದಿದೆ. ಇದರ ವೇಗ ಎಷ್ಟು ಇತ್ತೆಂದರೆ ಆ ವ್ಯಕ್ತಿ ಅಲ್ಲಿಯೇ ಬಿದ್ದಿದ್ದಾನೆ. ತಲೆಗೆ ಬಲವಾದ ಏಟು ಬಿದ್ದಿರಬಹುದು ಎಂದು ವಿಡಿಯೋ ನೋಡಿದರೆ ತಿಳಿಯುತ್ತದೆ.

ಇದೇ 26 ರಂದು ಶೇರ್​ ಮಾಡಲಾದ ಈ ವಿಡಿಯೋ ಇದಾಗಲೇ 6 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳು ಮತ್ತು 20,000 ಕ್ಕೂ ಹೆಚ್ಚು ಲೈಕ್ಸ್​ ಪಡೆದುಕೊಂಡಿವೆ.

https://twitter.com/FSFR_Mel/status/1585141222251061250?ref_src=twsrc%5Etfw%7Ctwcamp%5Etweetembed%7Ctwterm%5E1585141222251061250%7Ctwgr%5E1acff89250d6655b9a3e0abd890f5cf513679804%7Ctwcon%5Es1_&ref_url=https%3A%2F%2Fwww.news18.com%2Fnews%2Fbuzz%2Fwatch-man-dodges-car-but-ends-up-being-hit-by-traffic-sign-in-most-unusual-accident-6254989.html