ಸಿನಿಮಾದಲ್ಲಿ ನಾಯಕಿಯನ್ನು ನಾಯಕ ಎತ್ತುವಂತೆ ಪತ್ನಿಯೊಂದಿಗೆ ಅನುಕರಿಸಲು ಹೋದ ಪತಿಗಾಯ್ತು ಫಜೀತಿ ! ವಿಡಿಯೋ ವೈರಲ್​

ಸಂಗೀತ ಮತ್ತು ನೃತ್ಯಕ್ಕೆ ಮನಸೋಲದವರು ಬಹಳ ಕಮ್ಮಿ ಎಂದೇ ಹೇಳಬೇಕು. ಅದರಲ್ಲಿಯೂ ಹಲವು ನವ ವಿವಾಹಿತರಿಗೆ ಜೋಡಿಯಲ್ಲಿ ನೃತ್ಯ ಮಾಡುವುದೆಂದರೆ ತುಂಬಾ ಖುಷಿ. ಸಿನಿಮಾದಲ್ಲಿ ನಾಯಕಿ, ನಾಯಕ ಮಾಡುವಂತೆ ತಾವೂ ಡ್ಯೂಯೆಟ್​ ಮಾಡುವ ಹಂಬಲ ಹಲವರಿಗೆ.
ಆದರೆ ಅವರು ಮಾಡಿದಂತೆ ಮಾಡಲು ಹೋಗಿ ಜೋಡಿಯೊಂದು ಫಜೀತಿಗೆ ಸಿಲುಕಿರುವ ನಕ್ಕು ನಗಿಸುವ ವಿಡಿಯೋ ಒಂದು ವೈರಲ್​ ಆಗಿದೆ.

ಬಹುತೇಕ ಚಿತ್ರಗಳಲ್ಲಿ ನಾಯಕಿಯನ್ನು ನಾಯಕ ಸುಲಭದಲ್ಲಿ ಎತ್ತಿಕೊಂಡು ಹಾಡು ಹಾಡುತ್ತಾನೆ. ಈಚೀಚೆಗೆ ಧಾರಾವಾಹಿಗಳಲ್ಲಿಯೂ ಇದು ಕಾಮನ್​ ಎನಿಸಿದೆ. ಅವರು ಹೀಗೆ ಎತ್ತಿಕೊಳ್ಳುವ ಪೂರ್ವದಲ್ಲಿ ಸಾಕಷ್ಟು ಟ್ರಿಕ್ಸ್​ಗಳನ್ನು ಅನುಸರಿಸಿರುತ್ತಾರೆ.

ಈ ಜೋಡಿಗಳ ಪ್ರೇರಣೆ ಪಡೆದ ಗಂಡನೊಬ್ಬ ತನ್ನ ಪತ್ನಿಯನ್ನು ಎತ್ತಲು ಹೋಗಿ ಇಬ್ಬರು ದಢಾರನೆ ಬಿದ್ದಿರುವ ವಿಡಿಯೋ ಇದಾಗಿದೆ. ಅದೃಷ್ಟವಶಾತ್​ ಇಬ್ಬರಿಗೂ ಯಾವುದೇ ಗಾಯಗಳಾಗಲಿಲ್ಲ. ಎಲ್ಲರೂ ನೋಡಿದರೆನ್ನುವ ಕಾರಣಕ್ಕೆ ಯುವತಿ ಮಾತ್ರ ನಾಚಿ ನೀರಾಗಿದ್ದಾಳೆ. ಅಲ್ಲಿಂದ ಮೇಲಕ್ಕೆ ಎದ್ದೇಳಲು ಇಬ್ಬರೂ ಸಾಕಷ್ಟು ಶ್ರಮ ವಹಿಸಿದ್ದನ್ನೂ ವಿಡಿಯೋದಲ್ಲಿ ನೋಡಬಹುದು.

https://twitter.com/HasnaZarooriHai/status/1587745072698707968?ref_src=twsrc%5Etfw%7Ctwcamp%5Etweetembed%7Ctwterm%5E1587745072698707968%7Ctwgr%5E29063df9c42c35053fcf514985579cbe7c87b0ed%7Ctwcon%5Es1_&ref_url=https%3A%2F%2Fwww.news18.com%2Fnews%2Fbuzz%2Fwatch-couple-falls-as-man-tries-to-lift-his-wife-on-dance-floor-6319975.html