WAR BREAKING: ಪರಮಾಣು ವಿದ್ಯುತ್ ಸ್ಥಾವರದ ಬಳಿ ಸ್ಫೋಟ; ಶೆಲ್ ದಾಳಿಗೆ ಹೊತ್ತಿಕೊಂಡ ಬೆಂಕಿ; ಚೆರ್ನಿಹಿವ್ ನಲ್ಲಿ 33 ಜನ ಸಾವು

ಕೀವ್: ಉಕ್ರೇನ್ ಮೇಲೆ ರಷ್ಯಾ ಸೇನೆ 9 ದಿನವೂ ದಾಳಿ ಮುಂದುವರೆಸಿದ್ದು, ಪರಮಾಣು ವಿದ್ಯುತ್ ಸ್ಥಾವರದ ಬಳಿ ಸ್ಫೋಟ ನಡೆಸಿದೆ. ಸ್ಫೋಟದ ಭೀಕರತೆಗೆ ಬೆಂಕಿ ಹೊತ್ತಿಕೊಂಡಿದೆ.

ಝಪೋರೊಝಿಯಾದಲ್ಲಿರುವ ಪರಮಾಣು ವಿದ್ಯುತ್ ಸ್ಥಾವರದ ಬಳಿ ಭೀಕರ ಸ್ಫೋಟ ನಡೆಸಿರುವ ರಷ್ಯಾ, ಹೊತ್ತಿಕೊಂಡಿರುವ ಬೆಂಕಿಯನ್ನು ನಂದಿಸಲು ಅಗ್ನಿಶಾಮಕ ಸಿಬ್ಬಂದಿಗೆ ಅವಕಾಶ ನೀಡುತ್ತಿಲ್ಲ. ಒಂದು ವೇಳೆ ಪರಮಾಣು ಸೋರಿಕೆಯಾದರೆ ಭಾರಿ ದುರಂತ ಸಂಭವಿಸುವ ಆತಂಕ ಎದುರಾಗಿದೆ.

ಸಧ್ಯ ಪರಮಾಣು ವಿದ್ಯುತ್ ಸ್ಥಾವರದ ಬಳಿ ಪರಿಸ್ಥಿತಿ ನಿಯಂತ್ರಣದಲ್ಲಿದೆ. ವಿಕಿರಣ ಸೋರಿಕೆಯಾಗಿಲ್ಲ ಎಂದು ಮೇಯರ್ ಡಿಮಿಟ್ರೋ ಒರ್ಲೋನ್ ತಿಳಿಸಿದ್ದಾರೆ.

ಮತ್ತೊಂದೆಡೆ ಚೆರ್ನಿಹಿವ್ ನ ಜನವಸತಿ ಪ್ರದೇಶ, ಶಾಲಾ ಕಟ್ಟಡಗಳ ಮೇಲೆ ರಷ್ಯಾ ರಾಕೆಟ್ ದಾಳಿ ನಡೆಸಿದ್ದು, ದುರಂತದಲ್ಲಿ 33 ಜನರು ಸಾವನ್ನಪ್ಪಿದ್ದಾರೆ. 18ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದಾರೆ ಎಂದು ಉಕ್ರೇನ್ ತಿಳಿಸಿದೆ.