ಆಯಸ್ಕಾಂತೀಯ ಲೆವಿಟೇಶನ್ ತಂತ್ರಜ್ಞಾನದ ಆಧಾರದ ಮೇಲೆ ಶರವೇಗದಲ್ಲಿ ಚಲಿಸುವ ರೈಲುಗಳ ಕುರಿತು ಅನೇಕ ವಿಡಿಯೋಗಳನ್ನು ನೋಡಿದ್ದೇವೆ. ಈ ಶರವೇಗದ ಹಿಂದಿನ ವಿಜ್ಞಾನದ ಬಗ್ಗೆ ಬಹಳಷ್ಟು ತಿಳಿದಿದ್ದೇವೆ.
ಜಪಾನ್‌ನ ಯಮನಾಶಿ ಮ್ಯಾಗ್ಲೆವ್‌ ಮಾರ್ಗದಲ್ಲಿ ಸಂಚರಿಸುವ ರೈಲುಗಳು 500ಕಿಮೀ/ಗಂಟೆ ವೇಗದಲ್ಲಿ ಸಂಚರಿಸುತ್ತವೆ. ಇಂಥ ರೈಲೊಂದರಲ್ಲಿ ಮೊದಲ ಬಾರಿಗೆ ಸಂಚರಿಸಿದ ಯೂಟ್ಯೂಬರ್‌ ಟಾಮ್ ಸ್ಕಾಟ್‌ ಈ ವೇಗದ ಅನುಭವವನ್ನು ತಮ್ಮ ವೀಕ್ಷಕರೊಂದಿಗೆ ಹಂಚಿಕೊಂಡಿದ್ದಾರೆ.
ರೈಲಿನ ವೇಗದ ಅನುಭವಕ್ಕೆ ಅಕ್ಷರಶಃ ಮೂಕನಾದಂತೆ ಕಂಡ ಸ್ಕಾಟ್‌, 500ಕಿಮೀ/ಗಂಟೆ ವೇಗದಲ್ಲಿ ಸಂಚರಿಸುವ ರೈಲಿನಲ್ಲಿ ಕುಳಿತುಕೊಳ್ಳುವ ಅನುಭವ ಹೇಗಿರಿತ್ತದೆ ಎಂದು ಹೇಳಿಕೊಂಡಿದ್ದಾರೆ.
603ಕಿಮೀ/ಗಂಟೆ ಗರಿಷ್ಠ ವೇಗ ಸಾಧಿಸುವ ಮೂಲಕ ಗಿನ್ನೆಸ್ ದಾಖಲೆ ಪುಸ್ತಕ ಸೇರಿದ್ದ ಯಮಾನಾಶಿ ಮ್ಯಾಗ್ಲೆವ್‌ ಮಾರ್ಗವು ಸದ್ಯ ಪ್ರಯೋಗದ ಹಂತದಲ್ಲೇ ಇದ್ದು, ಜನಸಂಚಾರಕ್ಕೆ ಯಾವಾಗ ತೆರೆದುಕೊಳ್ಳುತ್ತದೆ ಎಂಬ ಕುರಿತು ಸ್ಪಷ್ಟನೆ ಇಲ್ಲ. 2015ರಲ್ಲಿ ಮೊದಲ ಓಟ ಕಂಡ ಈ ಮಾರ್ಗವು 2027ರಲ್ಲಿ ಲೋಕಾರ್ಪಣೆಯಾಗುವ ನಿರೀಕ್ಷೆ ಇತ್ತು.
ಜಪಾನ್‌ನ ಶಿನಾಗಾವಾ ಹಾಗೂ ನಗೋಯಾ ನಗರಗಳ ನಡುವೆ ಈ ರೈಲು ಸಂಚರಿಸಲಿದೆ.
Loading ...