ಚಿಕನ್ ಫ್ರೈ ಮಾಡಲು ಬಿಸಿ ಎಣ್ಣೆಯಲ್ಲಿ ಕೈ ಅದ್ದಿದ ಭೂಪ….!

ಅಂತರ್ಜಾಲದ ಬಳಕೆ ಹೆಚ್ಚಿದಂತೆಲ್ಲಾ, ಹಲವಾರು ರೀತಿಯ ವಿಲಕ್ಷಣ ವಿಡಿಯೋಗಳು ಕಾಣಸಿಗುತ್ತವೆ. ಹಾಗೆಯೇ ಇದೀಗ ವೈರಲ್ ಆಗಿರುವ ವಿಡಿಯೋ ನೋಡಿದ್ರೆ ನೀವು ಖಂಡಿತಾ ಶಾಕ್ ಆಗ್ತೀರಾ..! ಯಾಕಂದ್ರೆ ಬಿಸಿಬಿಸಿ ಎಣ್ಣೆ ಒಂಚೂರು ತಾಗಿದ್ರೆನೇ ನಮ್ಮಿಂದ ತಡ್ಕೊಳೋಕೆ ಆಗೋದಿಲ್ಲ. ಅಂಥದ್ರಲ್ಲಿ ಇಲ್ಲೊಬ್ಬ ಆಸಾಮಿ ಕುದಿಯುತ್ತಿರುವ ಎಣ್ಣೆಗೆ ಕೈ ಹಾಕಿದ್ದಾನೆ.

ಹೌದು, ಕೋಳಿ ಮಾಂಸದ ತುಂಡುಗಳು ಕಾದ ಎಣ್ಣೆಯಲ್ಲಿ ಕೊತಕೊತನೆ ಕುದಿಯುತ್ತಿದ್ದರೆ, ಅಡುಗೆ ಮಾಡುವಾತ ತನ್ನ ಕೈಗಳಿಂದ ಕುದಿಯುತ್ತಿರುವ ಎಣ್ಣೆಯಿಂದ ಚಿಕನ್ ತುಂಡುಗಳನ್ನು ತೆಗೆಯುತ್ತಾನೆ. ಅಲ್ಲದೆ ಬಿಸಿ ಎಣ್ಣೆಯಲ್ಲಿ ಕೈ ಬೆರಳನ್ನು ಅದ್ದಿದ ನಂತರ ತಕ್ಷಣವೇ ಅದನ್ನು ಹೊರಗೆ ತೆಗೆದುಕೊಂಡು ತನ್ನ ಬೆರಳುಗಳಿಂದ ಜಿನುಗುತ್ತಿರುವ ಎಣ್ಣೆಯನ್ನು ತೋರಿಸಿದ್ದಾನೆ.

ಸಂಬಂಧಿಯೊಂದಿಗೆ ಸೆಕ್ಸ್ ಗೆ ಸಹಕರಿಸುವಂತೆ ಪತ್ನಿಗೆ ಹಿಂಸೆ ನೀಡಿದ ರಿಯಲ್ ಎಸ್ಟೇಟ್ ಉದ್ಯಮಿ ಹತ್ಯೆ

ನಂಬೋಕೆ ಅಸಾಧ್ಯ ಎಂದೆನಿಸಿದ್ರೂ ಇದು ನಿಜ. ಅಡುಗೆ ಮಾಡುವಾದ ಕುದಿಯುತ್ತಿರುವ ಎಣ್ಣೆಗೆ ಕೈ ಹಾಕುತ್ತಿರುವ ದೃಶ್ಯದ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳಲಾಗಿದ್ದು, ಭಾರಿ ವೈರಲ್ ಆಗಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ದಿಗ್ಭ್ರಮೆಗೊಂಡಿದ್ದಾರೆ. 1.3 ಮಿಲಿಯನ್ ಮಂದಿ ಈ ವಿಡಿಯೋವನ್ನು ವೀಕ್ಷಿಸಿದ್ದಾರೆ. ಕೆಲವರು ದಿಗ್ಭ್ರಮೆ ವ್ಯಕ್ತಪಡಿಸಿದ್ರೆ, ಇನ್ನೂ ಕೆಲವರು ಕೈ ಸುಡದಂತಹ ಯಾವುದೋ ವಸ್ತುವನ್ನು ಈತ ಬಳಸುತ್ತಿರಬಹುದು ಎಂದು ಹೇಳಿದ್ದಾರೆ.

https://youtu.be/7Qe4Iw19m8Q