ಟಾಲಿವುಡ್ ನಟ ಅಲ್ಲು ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ಪ್ರಮುಖ ಪಾತ್ರದಲ್ಲಿ ನಟಿಸಿದ ತೆಲುಗು ಬ್ಲಾಕ್ ಬಸ್ಟರ್ ಪುಷ್ಪಾ ದಿ ರೈಸ್ ಇನ್ನೂ ಸಹ ಸಾಮಾಜಿಕ ಜಾಲತಾಣದಲ್ಲಿ ತನ್ನ ಅಲೆ ಏಳಿಸುತ್ತಲೇ ಇದೆ.
ಚಿತ್ರದ ಕ್ರೇಜ್ ಭಾರತ ಅಥವಾ ವಿದೇಶದಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವಿವಿಧ ರೂಪದಲ್ಲಿ ಆವರಿಸಿಕೊಂಡಿದೆ. ಜನರು ಆ ಚಿತ್ರದ ಹಾಡುಗಳನ್ನು ಬಳಸಿ ಡ್ಯಾನ್ಸ್ ರೀಲ್ಗಳನ್ನು ಮಾಡುವುದು, ಅಲ್ಲು ಅರ್ಜುನ್ ಅವರ ಸಂಭಾಷಣೆಗಳಿಗೆ ಲಿಪ್ ಸಿಂಕ್ ಮಾಡಿ ಖುಷಿಪಡುವುದಿದೆ.
ಇತ್ತೀಚೆಗೆ ನೋಯ್ಡಾದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಸೀರೆಯುಟ್ಟ ಮಹಿಳೆಯರ ಗುಂಪು ಬೆಲ್ಲಿ ಡ್ಯಾನ್ಸ್ ಪ್ರದರ್ಶನವನ್ನು ಮಾಡುತ್ತಿರುವುದು ಕಂಡುಬಂದಿದೆ. ಸಮಂತಾ ಡ್ಯಾನ್ಸ್ ಮಾಡಿರುವ ಓ ಅಂಟಾವಾ….. ಹಾಡಿಗೆ ಮೂವರು ಮಹಿಳೆಯರು ಸ್ಟೆಪ್ ಹಾಕಿ ಕಿಚ್ಚು ಹಚ್ಚುವಂತಿದೆ.
ಮಧ್ಯದಲ್ಲಿರುವ ಮಹಿಳೆ ಖುಷಿ ಶರ್ಮಾ ಕೆಂಪು ಸೀರೆಯನ್ನು ಧರಿಸಿದ್ದರೆ, ಉಳಿದ ಇಬ್ಬರು ಮಹಿಳೆಯರು ಹಳದಿ ಕಿತ್ತಳೆ ಬಣ್ಣದ ಸೀರೆ ಧರಿಸಿದ್ದರು. ಖುಷಿ ಶರ್ಮಾ ಬೆಲ್ಲಿ ಡ್ಯಾನ್ಸ್ ಶಿಕ್ಷಕಿಯಾಗಿದ್ದಾರೆ. ಅವರ ಇಬ್ಬರು ವಿದ್ಯಾರ್ಥಿಗಳೊಂದಿಗೆ ಈವೆಂಟ್ನಲ್ಲಿ ಪ್ರದರ್ಶನ ನೀಡಿದರು.
ಊ ಅಂಟಾವಾ ನಂತರ, ಈ ಮೂವರು – ಅಕ್ಷಯ್ ಕುಮಾರ್ ಮತ್ತು ಕತ್ರಿನಾ ಕೈಫ್ ಅವರ ಫೇಮಸ್ ಹಾಡು ಟಿಪ್ ಟಿಪ್ ಬರ್ಸಾ ಪಾನಿ…..ಗೆ ಬೆಲ್ಲಿ ಡ್ಯಾನ್ಸ್ ಪ್ರದರ್ಶನ ನೀಡಿ, ಅಲ್ಲಿದ್ದವರನ್ನು ಹುರಿದುಂಬಿಸಿದರು.
Loading ...