ಮುಂಬೈ: ನಮ್ಮಲ್ಲಿ ಹೆಚ್ಚಿನವರು ಭಾರತದ ಇತಿಹಾಸದ ಬಗ್ಗೆ ಪುಸ್ತಕಗಳು, ಶಾಲಾ ಪಠ್ಯಪುಸ್ತಕಗಳು ಮತ್ತು ಇತರ ವೆಬ್ ಆರ್ಕೈವ್‌ಗಳಲ್ಲಿ ಓದಿದ್ದೇವೆ. ಆ ಯುಗಕ್ಕೆ ಸೇರಿದ ಆಸ್ತಿಗಳನ್ನು ಅಮೂಲ್ಯವಾದ ಆಸ್ತಿ ಎಂದು ಪರಿಗಣಿಸಲಾಗುತ್ತದೆ. ಇಂಥದ್ದೇ ಒಂದು ಅಮೂಲ್ಯವಾಗಿರುವ ಆಸ್ತಿಯೊಂದು ಇದೀಗ ಬೆಳಕಿಗೆ ಬಂದಿದೆ.
ಪಾಸ್ಪೋರ್ಟ್ ಸಂಗ್ರಹಕಾರರೊಬ್ಬರು 1927 ರ ಬ್ರಿಟಿಷ್ ಇಂಡಿಯನ್ ಪಾಸ್‌ಪೋರ್ಟ್‌ನ ವಿಡಿಯೋ ಒಂದನ್ನು ಪೋಸ್ಟ್ ಮಾಡಿದ್ದು, ಅದೀಗ ವೈರಲ್ ಆಗಿದೆ. ಮುಂಬೈನ (ಆಗ ಬಾಂಬೆ ಎಂದು ಕರೆಯಲ್ಪಟ್ಟ) ವೈದ್ಯರೊಬ್ಬರ ಪಾಸ್ಪೋರ್ಟ್ ಇದಾಗಿದೆ. “1920 ರ ದಶಕದ ಅಂತ್ಯದಲ್ಲಿ ಯುರೋಪ್ಗೆ ಪ್ರಯಾಣಿಸಿದ ಅಂದಿನ ಬಾಂಬೆಯ ಪ್ರಸಿದ್ಧ ವೈದ್ಯರಿಗೆ 1927-32 ಬ್ರಿಟಿಷ್ ವಸಾಹತುಶಾಹಿ ಭಾರತೀಯ ಪಾಸ್ಪೋರ್ಟ್ ನೀಡಲಾಗಿದೆ” ಎಂಬ ಶೀರ್ಷಿಕೆ ನೀಡಲಾಗಿದೆ.
ಡಾ. ಬಾಲಾಭಾಯಿ ನಾನಾವತಿ ಎನ್ನುವವರ ಈ ಪಾಸ್ಪೋರ್ಟ್, ಸ್ವಲ್ಪ ಸವೆದಿದ್ದು, ಆಗಿನ ಬ್ರಿಟಿಷ್ ರಾಜನ ಸಹಿ ಕಾಣಬಹುದಾಗಿದೆ. ರಾಯಲ್ ನೀಲಿ ಬಣ್ಣದ ಪಾಸ್ಪೋರ್ಟ್ ಇದಾಗಿದ್ದು, ಇದನ್ನು 1932 ರವರೆಗೆ ಬಳಸಲಾಗಿತ್ತು ಎಂಬ ಮಾಹಿತಿ ಲಭ್ಯವಾಗಿದೆ. ಡಾ. ನಾನಾವತಿ ಪ್ರಯಾಣಿಸಿದ ದೇಶಗಳ ಜೊತೆಗೆ ಮಾಲೀಕರ ಭಾವಚಿತ್ರ ಮತ್ತು ಸಹಿಯನ್ನು ಸಹ ಇದರಲ್ಲಿ ಕಾಣಬಹುದು. ಅಂದಹಾಗೆ ಮುಂಬೈನಲ್ಲಿ ಡಾ. ನಾನಾವತಿ ಅವರ ಹೆಸರಿನಲ್ಲಿ ವಿವಿಧ ಆಸ್ಪತ್ರೆಗಳಿವೆ.
Loading ...