ಮಂಗಗಳಿಗೆ ಬಾಳೆಹಣ್ಣಿನ ರಸದೌತಣ; ನೆಟ್ಟಿಗರ ಹೃದಯ ತಟ್ಟಿದ ಪ್ರಾಣಿ ಪ್ರೇಮಿಯ ಗೆಶ್ಚರ್​

ಜನರಲ್ಲಿರುವ ಪ್ರಾಣಿ ಪ್ರೇಮದ ಅನೇಕ ಉದಾಹರಣೆಗಳು ಸಾಮಾಜಿಕ ಜಾಲತಾಣದಲ್ಲಿ ಆಗಿಂದಾಗ್ಗೆ ಪ್ರಕಟವಾಗುತ್ತಿರುತ್ತದೆ.

ಪ್ರಾಣಿಪ್ರೇಮಿಯೊಬ್ಬರು ಮಂಗಗಳಿಗೆ ಬಾಳೆಹಣ್ಣಿನ ಔತಣ ನೀಡಲು ನಿರ್ಧರಿಸಿದ್ದು, ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಮನಗೆಲ್ಲುತ್ತಿದೆ. 15 ಸೆಕೆಂಡುಗಳ ವಿಡಿಯೊದಲ್ಲಿ, ಹೃದಯ ವೈಶಾಲ್ಯ ಹೊಂದಿದ ಆ ವ್ಯಕ್ತಿ ನೂರಾರು ಬಾಳೆಹಣ್ಣುಗಳಿಂದ ತುಂಬಿದ ತನ್ನ ಕಾರಿನ ಡೋರ್​ ತೆರೆಯುತ್ತಾನೆ. ಕೆಲವೇ ಸೆಕೆಂಡುಗಳಲ್ಲಿ ಹಸಿದ ಕೋತಿಗಳ ಸಂಪೂರ್ಣ ಸೈನ್ಯವು ಅಲ್ಲಿ ಸೇರುತ್ತದೆ ಮತ್ತು ಬಾಳೆಹಣ್ಣು ತಿನ್ನಲು ಪ್ರಾರಂಭಿಸುತ್ತವೆ.

ಬಾಳೆಹಣ್ಣು ಮಂಗಗಳಿಗೆ ಹೆಚ್ಚು ಇಷ್ಟವಾದ ಆಹಾರಗಳಲ್ಲಿ ಒಂದಾಗಿದೆ. ಖುಷಿಯಿಂದ ಅವು ತಿನ್ನುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ. ಈ ಮಂಗಗಳು ಖುಷಿಯಿಂದ ಸತ್ಕಾರ ಸ್ವೀಕರಿಸುವುದನ್ನು ಕಣ್ಣುತುಂಬಿಕೊಂಡ ನೆಟ್ಟಿಗರು ಖುಷಿಯಾಗಿದ್ದಾರೆ.

ಈ ವಿಡಿಯೊವನ್ನು ಕ್ರಿಯೇಚರ್​ ಆಫ್​ ಗಾಡ್​ ಎಂಬ ಟ್ವಿಟ್ಟರ್​ ಖಾತೆಯು “ಹ್ಯಾಪಿ ಸಂಡೇ” ಎಂಬ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದೆ.

ವಿಡಿಯೊ ಸುಮಾರು 1.5 ಮಿಲಿಯನ್​ ವೀಕ್ಷಣೆಯಾಗಿದ್ದು, ನೂರಾರು ಮಂದಿ ಕಾಮೆಂಟ್​ ಮಾಡಿ ಖುಷಿಪಟ್ಟಿದ್ದಾರೆ.

https://twitter.com/mdumar1989/status/1535944730231689219?ref_src=twsrc%5Etfw%7Ctwcamp%5Etweetembed%7Ctwterm%5E1535944730231689219%7Ctwgr%5E%7Ctwcon%5Es1_&ref_url=https%3A%2F%2Fwww.india.com%2Fviral%2Fviral-video-man-throws-banana-feast-for-monkeys-bandar-ki-party-netizens-love-kind-gesture-5512426%2F