ಮೊಗದಲ್ಲಿ ಮಂದಹಾಸ ಮೂಡಿಸುತ್ತೆ ಫುಟ್ಬಾಲ್‌ ಪಂದ್ಯದ ವೇಳೆ ತರಲೆ ಬೆಕ್ಕು ಮಾಡಿದ ಕೆಲಸ

ಸಾಕು ಪ್ರಾಣಿಗಳು ಮನೆಯಲ್ಲಿ ಆಗಾಗ್ಗೆ ಮನರಂಜನೆ ಕೊಡುತ್ತಿರುತ್ತವೆ. ಅದರಲ್ಲೂ ಬೆಕ್ಕು, ನಾಯಿಗಳು ಕುಟುಂಬ ಸದಸ್ಯರ ಒತ್ತಡ ಕಡಿಮೆ ಮಾಡುವ ಸ್ಟ್ರೆಸ್​ ಬಸ್ಟರ್​ಗಳು ಕೂಡ. ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಬೆಕ್ಕುಗಳ ಅಪರಿಮಿತ ವಿಡಿಯೋಗಳು ಬರುತ್ತಿವೆ. ಇದೀಗ ಬಂದಿರುವ ಹೊಸ ವಿಡಿಯೋದಲ್ಲಿ ಬೆಕ್ಕಿನ ಮರಿಯ ಚೆಲ್ಲಾಟ ನೆಟ್ಟಿಗರನ್ನು ಖುಷಿಯಲ್ಲಿ ತೇಲಿಸಿದೆ.

ಲೇಖಕಿ ಮೆಲ್​ ರಾಬಿನ್ಸ್​ ತನ್ನ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ, ಅಲ್ಲಿ ತರಲೆ ಬೆಕ್ಕಿನ ಮರಿಯು ಗೋಲ್​ಕೀಪರ್​ನಂತೆ ವರ್ತಿಸುವುದನ್ನು ಕಾಣಬಹುದು. “ಈ ಬೆಕ್ಕು ಉತ್ತಮ ಗೋಲಿಯಾಗಿ ಕೆಲಸ ಮಾಡುತ್ತದೆ” ಎಂದು ಶೀರ್ಷಿಕೆಯೊಂದಿಗೆ ರೀಲ್​ ಪೋಸ್ಟ್​ ಇದೆ.

ಕೆಲವು ವ್ಯಕ್ತಿಗಳು ಟಿವಿಯಲ್ಲಿ ಫುಟ್​ಬಾಲ್​ ಪಂದ್ಯ ವೀಕ್ಷಿಸುತ್ತಿದ್ದು, ಅವರ ಮುದ್ದಿನ ಬೆಕ್ಕಿನ ಮರಿ ಸಹ ಟಿವಿ ನೋಡುತ್ತಿರುತ್ತದೆ. ಚೆಂಡು ಗೋಲ್​ ಬಾಕ್ಸ್​ ಹತ್ತಿರ ಬಂದಾಗಲೆಲ್ಲಾ ಬೆಕ್ಕಿನ ಮರಿ ಟಿವಿ ಪರದೆಗೆ ತನ್ನ ಪುಟ್ಟ ಮುಂಗಾಲಿನಿಂದ ಬಡಿದು ಬಾಲ್​ ನಿಲ್ಲಿಸಲು ಪ್ರಯತ್ನಿಸುವುದನ್ನು ನೋಡಬಹುದು. ಬೆಕ್ಕಿನ ಮರಿಯ ಈ ತರಲೆಯನ್ನು ನೋಡಿ ಅಲ್ಲಿದ್ದವರು ಜೋರಾಗಿ ನಗುವಂತೆ ಮಾಡಿತು.

ಬೆಕ್ಕಿನ ಮರಿ ಪ್ರತಿ ಬಾರಿ ಚೆಂಡು ಕಾಣಿಸಿದಾಗಲೆಲ್ಲ ಅದೇ ರೀತಿ ಮಾಡುತ್ತದೆ, ಈ ಉಲ್ಲಾಸದ ದೃಶ್ಯ ನೋಡಿದರೆ ನಗುವುದನ್ನು ನಿಲ್ಲಿಸಲು ಸಾಧ್ಯವಿಲ್ಲ.

ಈ ರೀಲ್​ 1.5 ಮಿಲಿಯನ್​ ವೀಕ್ಷಣೆಯಾಗಿದೆ. 72 ಕೆ ಲೈಕ್ ಪಡೆದಿದೆ. ಇನ್​ಸ್ಟಾಗ್ರಾಮ್​ ಬಳಕೆದಾರರಿಗೆ ಈ ವಿಡಿಯೊ ಖುಷಿಪಡಿಸಿದೆ. ಸಾವಿರಾರು ಮಂದಿ ಕಾಮೆಂಟ್​ ಮಾಡಿ ಖುಷಿ ಹಂಚಿಕೊಂಡಿದ್ದಾರಲ್ಲದೇ ಬೆಕ್ಕಿನ ಮರಿಯ ಚಟುವಟಿಕೆಯನ್ನು ಕೊಂಡಾಡಿದ್ದಾರೆ.