ರೀಲ್ಸ್ ಹುಚ್ಚು ಇಂದು ಹಲವು ಯುವಕ-ಯುವತಿಯರಿಗೆ ಅಂಟಿಕೊಂಡಿದೆ. ಏನಾದರೊಂದು ಮಾಡಿ ರೀಲ್ಸ್ ರೂಪದಲ್ಲಿ ಅದನ್ನು ಶೇರ್ ಮಾಡಿಕೊಂಡು ಒಂದಿಷ್ಟು ಲೈಕ್ಸ್, ಕಮೆಂಟ್ ಗಳಿಸುವ ಆಸೆ. ಇದೇ ಕಾರಣಕ್ಕೆ ಥಹರೇವಾರಿ ರೀಲ್ಸ್ಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಬಹುದು. ಅವುಗಳ ಪೈಕಿ ಅತ್ಯಂತ ಫನ್ನಿ ಆಗಿರುವ ವಿಡಿಯೋ ಒಂದು ವೈರಲ್ ಆಗಿದೆ.
ಅಸಲಿಗೆ ರೀಲ್ಸ್ ಮಾಡಲು ಹೋದ ಯುವತಿಗೆ ಆದ ಎಡವಟ್ಟೇ ದೊಡ್ಡ ರೀಲ್ಸ್ ರೂಪದಲ್ಲಿ ವೈರಲ್ ಆಗುತ್ತಿದ್ದು, ಬಿದ್ದೂ ಬಿದ್ದೂ ನಗುವಂತಿದೆ. ಇನ್ಸ್ಟಾಗ್ರಾಮ್ಗಾಗಿ ರೀಲ್ಸ್ ಮಾಡಲು ಹೋದ ಯುವತಿ ಪಟ್ಟ ಫಜೀತಿ ಇದಾಗಿದೆ.
ಟೆರೇಸ್ ಮೇಲೆ ಹೋದ ಯುವತಿಯು ರೀಲ್ಸ್ಗಾಗಿ ಡಾನ್ಸ್ ಮಾಡಲು ಮುಂದಾಗುತ್ತಾಳೆ. ಹಿನ್ನೆಲೆಯಲ್ಲಿ ಒಂದು ಹಾಡನ್ನೂ ಹಾಕಿಕೊಂಡಿದ್ದಾಳೆ. ಡಾನ್ಸ್ ಮಾಡಲು ಆಕೆ ಕೈ ಮೇಲಕ್ಕೆ ಎತ್ತುತ್ತಿದ್ದಂತೆಯೇ ಜೋರಾಗಿ ಗುಡುಗು, ಮಿಂಚು ಬಂದಿದೆ. ಇದರ ಆರ್ಭಟ ಕೇಳುತ್ತಿದ್ದಂತೆಯೇ ಹುಡುಗಿ ಅಲ್ಲಿಯೇ ಕುಸಿದು ಬಿದ್ದಿದ್ದಾಳೆ.
ಮಳೆ ಬರುವ ಸಮಯದಲ್ಲಿ ರೀಲ್ಸ್ ಮಾಡಲು ಹೋದ ಈ ಯುವತಿ ಬೇರೆಯದ್ದೇ ರೀತಿಯಲ್ಲಿ ವೈರಲ್ ಆಗಿದ್ದು, ನೋಡುಗರು ಮಾತ್ರ ತಮಾಷೆ ಮಾಡುತ್ತಿದ್ದಾರೆ.
Loading ...