ವೈರಲ್ ವಿಡಿಯೋಗಳಿಗೆ ಅದರದ್ದೇ ಆದ ವಿಶೇಷತೆಗಳಿವೆ, ಬಹುತೇಕ ವಿಡಿಯೋಗಳು ನಗುವಿನ ಅಲೆಯನ್ನು ಚಿಮ್ಮಿಸಿದರೆ ಕೆಲವು ಉಸಿರು ಬಿಗಿಹಿಡಿದು ನೋಡುವಂತೆ ಮಾಡುತ್ತವೆ. ಇನ್ನು ಕೆಲವು ನಗೆ ಚಟಾಕಿಗಳಿಗೆ ಕಾರಣವಾಗುತ್ತವೆ. ಅಂತಹ ಒಂದು ವಿಡಿಯೋ ಆನೆಯದ್ದು.
ರಸ್ತೆಯ ಮೇಲೆ ಹೋಗುತ್ತಿದ್ದ ಟ್ರಕ್ ಒಂದನ್ನು ನಿಲ್ಲಿಸಿ ಆನೆಗಳು ಕಬ್ಬು ತಿನ್ನುತ್ತಿರುವ ದೃಶ್ಯವೊಂದು ಹಾಸ್ಯದ ರೂಪದಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಆಗುತ್ತಿವೆ. ಟ್ರಕ್ ತಮ್ಮ ಪ್ರದೇಶವನ್ನು ಹಾದುಹೋಗುವುದಕ್ಕೆ ಅಗತ್ಯವಾದ ಟೋಲ್ ಶುಲ್ಕವನ್ನು ಆನೆಗಳು ಪಡೆಯುತ್ತಿರುವುದಾಗಿ ನೆಟ್ಟಿಗರು ಹಾಸ್ಯ ಮಾಡುತ್ತಿದ್ದಾರೆ.
ಎರಡು ಆನೆಗಳನ್ನು ವಿಡಿಯೋದಲ್ಲಿ ನೋಡಬಹುದು. ಆನೆಗಳು ಬರುತ್ತಿದ್ದಂತೆಯೇ ಟ್ರಕ್ ಡ್ರೈವರ್ ಗಾಡಿಯನ್ನು ನಿಲ್ಲಿಸಿ ಅದಕ್ಕೆ ಬೇಕಾದಷ್ಟು ಕಬ್ಬನ್ನು ತಿನ್ನಲು ನೀಡಿದ್ದಾನೆ. ಹಿಂದುಗಡೆ ವಾಹನಗಳ ಸವಾರರು ಈ ದೃಶ್ಯವನ್ನು ಮೊಬೈಲ್ನಲ್ಲಿ ಚಿತ್ರೀಕರಿಸಿಕೊಂಡು ಸೋಷಿಯಲ್ ಮೀಡಿಯಾಗಳಲ್ಲಿ ಶೇರ್ ಮಾಡಿದ್ದಾರೆ.
ಅರಣ್ಯ ಅಧಿಕಾರಿ ಈ ವಿಡಿಯೋ ಶೇರ್ ಮಾಡುತ್ತ ಟ್ಯಾಕ್ಸ್ ಡಿಡಕ್ಷನ್ ಆ್ಯಟ್ ಸೋರ್ಸ್ (TDS) ಎಂದು ಕ್ಯಾಪ್ಶನ್ ಕೊಟ್ಟಿದ್ದಾರೆ. ಇದು 80 ಸಾವಿರಕ್ಕೂ ಹೆಚ್ಚು ವೀಕ್ಷಣೆಗಳು ಮತ್ತು 3,500 ಲೈಕ್ಗಳೊಂದಿಗೆ ವೀಡಿಯೊ ವೈರಲ್ ಆಗಿದೆ.