ಮೃಗಾಲಯದಲ್ಲಿ ನಡೆದಿದೆ ಬೆಚ್ಚಿಬೀಳಿಸುವ ಘಟನೆ

ಉತಾಹ್‌ನ ಸ್ಕೇಲ್ಸ್ ಅಂಡ್ ಟೇಲ್ಸ್‌ ಮೃಗಾಲಯದಲ್ಲಿ ಕೆಲಸ ಮಾಡುತ್ತಿರುವ ಸಿಬ್ಬಂದಿಯೊಬ್ಬರು ಮೊಸಳೆಯೊಂದನ್ನು ನೋಡಿಕೊಳ್ಳುವ ವೇಳೆ ಅದರ ಬಾಯಿಗೆ ಕೈ ಸಿಕ್ಕಿಹಾಕಿಕೊಂಡಿದೆ. ಈ ವೇಳೆ ಆತನ ಸಂಕಷ್ಟವನ್ನು ಗಮನಿಸಿದ ಮೃಗಾಲಯ ವೀಕ್ಷಕರೊಬ್ಬರು ಮೊಸಳೆ ಇದ್ದ ಜಾಗಕ್ಕೆ ತಕ್ಷಣ ಜಂಪ್ ಮಾಡಿದ್ದಾರೆ.

ಮೊಸಳೆಯ ಬೆನ್ನ ಮೇಲೇರಿದ ಡೊನ್ನಿ ವೈಸ್ಮನ್ ಹೆಸರಿನ ಈ ವೀಕ್ಷಕ, ಸಣ್ಣದೊಂದು ಕದನದ ಬಳಿಕ ಅದರ ಬಾಯಿಂದ ತರಬೇತುದಾರರ ಕೈಯನ್ನು ಬಿಡಿಸಲು ಸಫಲರಾಗಿದ್ದಾರೆ.

ಘಟನೆಯ ವಿಡಿಯೋವನ್ನು ಫೇಸ್ಬುಕ್‌ನಲ್ಲಿ ಶೇರ್‌ ಮಾಡಲಾಗಿದೆ. ಆಗಸ್ಟ್‌ 14ರಂದು ಜರುಗಿದ ಈ ಅಫಘಾತದಲ್ಲಿ ತನ್ನ ಸಿಬ್ಬಂದಿಯ ನೆರವಿಗೆ ಬಂದ ಎಲ್ಲರಿಗೂ ಧನ್ಯವಾದ ತಿಳಿಸಿದ ಮೃಗಾಲಯವು ಫೇಸ್ಬುಕ್‌ನಲ್ಲಿರುವ ತನ್ನ ಪ್ರೊಫೈಲ್‌ನಲ್ಲಿ ಈ ವಿಡಿಯೋ ಶೇರ್‌ ಮಾಡಿದೆ.

https://www.facebook.com/watch/?v=795254384441874&t=44