ಸಿಡಿಲು ಹೊಡೆತಕ್ಕೆ ಸುಟ್ಟುಹೋದ ಮರ, ಹೇಗಿತ್ತು ಗೊತ್ತಾ ಆ ಕ್ಷಣ ? 12-07-2022 11:11AM IST / No Comments / Posted In: Latest News, Live News, International ಮಿಂಚು, ಗುಡುಗು, ಸಿಡಿಲು ಬಂದಾಗ ಸಾಧ್ಯವಾದಷ್ಟು ಕಟ್ಟಡದೊಳಗೆ ಸೇರಿಕೊಂಡುಬಿಡುತ್ತೇವೆ. ಪ್ರಕೃತಿಯ ಆ ವಿಶಿಷ್ಟ ಘಟನೆಯನ್ನು ನೋಡುವುದಕ್ಕೆ ಎಂತವರೂ ಹಿಂದೇಟು ಹಾಕುತ್ತಾರೆ, ಏಕೆಂದರೆ ಆ ಘಟನೆ ಅಷ್ಟು ಭಯಾನಕವಾಗಿರುತ್ತದೆ. ಯುಎಸ್ನ ಓಹಿಯೋದಲ್ಲಿ ಬಿರುಗಾಳಿ ಸಹಿತ ಮಳೆಯ ನಡುವೆ ಬಡಿದ ಸಿಡಿಲು ದೊಡ್ಡ ಮರವನ್ನು ಹಾನಿಗೊಳಿಸಿತು, ಮರವು ಒಳಗಿನಿಂದ ಸುಟ್ಟುಹೋದ ಘಟನೆ ನಡೆಯಿತು. ಮರ ಸುಡುವ ಚಿತ್ರವನ್ನು ಅಗ್ನಿಶಾಮಕ ಇಲಾಖೆ ಬುಧವಾರ ಫೇಸ್ಬುಕ್ನಲ್ಲಿ ಹಂಚಿಕೊಂಡಿದೆ. ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿಯನ್ನು ನಂದಿಸಲು ಸ್ಥಳಕ್ಕೆ ಆಗಮಿಸಿದಾಗ, ಇದನ್ನು ಕಂಡು ಆಶ್ಚರ್ಯಚಕಿತರಾದರು. ಬೆಂಕಿ ಹತ್ತಿಕೊಂಡಿರುವ ಮರದ ಬಗ್ಗ್ಗೆ ಮಾಹಿತಿ ಬಂದಿತು, ನಾವು ಬಂದಾಗ ಈ ಸ್ಥಿತಿಯಲ್ಲಿತ್ತು ಎಂದು ಅಗ್ನಿಶಾಮಕ ದಳ ಫೋಟೋ ಶೇರ್ ಮಾಡಿದೆ. ಸಾಮಾಜಿಕ ಜಾಲತಾಣದಲ್ಲಿ ಇದಕ್ಕೆ ಒಂದಷ್ಟು ಪ್ರತಿಕ್ರಿಯೆ ಬಂದಿದ್ದು, ಆ ಸುಂದರವಾದ ಮರವನ್ನು ಕಳೆದುಕೊಳ್ಳಲು ಶೇಮ್ ಎನಿಸುತ್ತಿದೆ ಎಂದು ಬಳಕೆದಾರರೊಬ್ಬರು ಬರೆದುಕೊಂಡಿದ್ದಾರೆ. ಇನ್ನೊಬ್ಬ ಬಳಕೆದಾರರು, “ಅದು ತಲೆಕೆಳಗಾದ ಗೇಟ್ ಆಗಿರಬಹುದು’ ಎಂದು ವಿಚಿತ್ರ ಕಾಮೆಂಟ್ ಮಾಡಿದ್ದಾರೆ.