ವೇಗವಾಗಿ ಚಲಿಸ್ತಿರುವ ಬೈಕ್ ನಲ್ಲಿ ಯುವಜೋಡಿ ರೊಮ್ಯಾನ್ಸ್; ವಿಡಿಯೋ ವೈರಲ್ ಬಳಿಕ ಖಾಕಿ ಕ್ರಮ

ರಾಜಸ್ತಾನದ ಕೋಟಾದಲ್ಲಿ ನಡೆದಿದೆ ಎನ್ನಲಾದ ಘಟನೆಯೊಂದರಲ್ಲಿ ರಸ್ತೆಯಲ್ಲಿ ಯುವ ಜೋಡಿಯೊಂದು ಬೈಕ್ ಚಾಲನೆ ವೇಳೆ ರೊಮ್ಯಾನ್ಸ್ ಮಾಡಿದೆ. ಈ ವಿಡಿಯೋ ವೈರಲ್ ಆಗಿದ್ದು ರಸ್ತೆಮಾರ್ಗಗಳಲ್ಲಿ ಸಾರ್ವಜನಿಕ ಸುರಕ್ಷತೆಯ ಬಗ್ಗೆ ಕಳವಳ ಉಂಟುಮಾಡಿದೆ. ಅತಿಯಾದ ವೇಗದಲ್ಲಿ ಬೈಕ್ ಸವಾರಿ ಮಾಡ್ತಿದ್ದು ಚಾಲಕನ ಎದುರಾಗಿ ಟ್ಯಾಂಕ್ ಮೇಲೆ ಯುವತಿ ಕೂತಿದ್ದು ಸವಾರನನ್ನು ತಬ್ಬಿ ಹಿಡಿದಿದ್ದಾಳೆ.

ಈ ಘಟನೆಯು ಸಾರ್ವಜನಿಕ ರಸ್ತೆಗಳಲ್ಲಿ ಇಂತಹ ಅಜಾಗರೂಕ ವರ್ತನೆಯು ಅಪಾಯಗಳನ್ನು ಒತ್ತಿಹೇಳುತ್ತದೆ, ಸವಾರರು ಮತ್ತು ಇತರ ವಾಹನ ಚಾಲಕರ ಸುರಕ್ಷತೆಗೆ ಅಪಾಯವನ್ನುಂಟುಮಾಡುತ್ತದೆ.

ಪೊಲೀಸರು ಕೋಟಾ ಆರ್‌ಟಿಒಗೆ ಬೈಕ್ ನೋಂದಣಿಯಾಗಿರುವುದನ್ನು ಪತ್ತೆ ಹಚ್ಚಿದ್ದಾರೆ. ಬಂಡಿ ರಸ್ತೆ ಹರ್ಬಲ್ ಗಾರ್ಡನ್ ಬಳಿ ಈ ಘಟನೆ ನಡೆದಿರುವ ಸಾಧ್ಯತೆ ಇದೆ. ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚಾಗಿ ಹರಡ್ತಿದ್ದಂತೆ, ಹಲವಾರು ವ್ಯಕ್ತಿಗಳು ಬೇಜವಾಬ್ದಾರಿ ಮತ್ತು ಅಸಭ್ಯ ವರ್ತನೆಗಾಗಿ ಯುವಜೋಡಿಯನ್ನು ಟೀಕಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು ಆರೋಪಿಯನ್ನು ಮೊಹಮ್ಮದ್ ವಾಸಿಂ ಎಂದು ಗುರುತಿಸಲಾಗಿದೆ.

ವೀಡಿಯೊಗೆ ಪ್ರತಿಕ್ರಿಯಿಸಿದ ಕೋಟ ಪೊಲೀಸರು, “ಚಲಿಸುವ ಮೋಟಾರ್‌ಸೈಕಲ್‌ನಲ್ಲಿ ಅಶ್ಲೀಲ ಕೃತ್ಯಗಳನ್ನು ಮಾಡುತ್ತಿದ್ದ ಯುವಕ ಮತ್ತು ಯುವತಿಯನ್ನು ಕೋಟ ನಗರ ಪೊಲೀಸ್ ಠಾಣೆ ತಂಡ ಬಂಧಿಸಿದೆ. ಕೋಟ ನಗರ ಪೊಲೀಸರು ಯಾವಾಗಲೂ ನಿಮ್ಮ ಸೇವೆಗೆ ಸಿದ್ಧರಾಗಿದ್ದಾರೆ” ಎಂದು ಬರೆದಿದ್ದಾರೆ.

ಮತ್ತೊಂದು ಟ್ವೀಟ್‌ನಲ್ಲಿ ಪೊಲೀಸರು ಕಲಂ 294A IPC ಅಡಿಯಲ್ಲಿ ಎಫ್ ಐಆರ್ ದಾಖಲಿಸಿದ್ದಾರೆ. ಆರೋಪಿ ಮೊಹಮ್ಮದ್ ವಸೀಂ ಹಾಗೂ ಯುವತಿಯ ವಿರುದ್ಧ ಕಾನೂನು ಕ್ರಮ ಕೈಗೊಂಡಿದ್ದು ದ್ವಿಚಕ್ರವಾಹನ ವಶಪಡಿಸಿಕೊಂಡಿದ್ದಾರೆ.