ಹಾವೊಂದು ಇಟ್ಟಿಗೆ ಗೋಡೆಯ ಮೇಲೆ ಏರುತ್ತಿರುವ ವಿಡಿಯೋ ವೈರಲ್ ಆಗಿದೆ. ಅಮೆರಿಕದ ಅರಿಜೋನಾದ ಕೊರೊನಾಡೊ ರಾಷ್ಟ್ರೀಯ ಸ್ಮಾರಕದಲ್ಲಿ ಸೆರೆಹಿಡಿಯಲಾದ ಕ್ಲಿಪ್ ಅನ್ನು ರಾಷ್ಟ್ರೀಯ ಉದ್ಯಾನವನದ ಫೇಸ್‌ಬುಕ್ ಪುಟದಲ್ಲಿ ಹಂಚಿಕೊಳ್ಳಲಾಗಿದೆ.
ಹಾವು ತೆವಳುವುದು ಖುಷಿಯನ್ನೇನು ತರುವುದಿಲ್ಲ. ಆದರೆ ಈ ಕ್ಲಿಪ್ ನೆಟ್ಟಿಗರಿಗೆ ಹಳೆಯ ನೆನಪನ್ನು ಕೆದಕಿದೆ. ಹಳೆಯ ನೋಕಿಯಾ ಫೋನ್‌ಗಳಲ್ಲಿನ ಸ್ನೇಕ್ ವಿಡಿಯೋ ಗೇಮ್ ಅನ್ನು ಅನೇಕರು ನೆನಪಿಸಿಕೊಂಡರು.
ವಿಡಿಯೋದಲ್ಲಿನ ಹಾವಿನ ದೇಹದಾದ್ಯಂತ ಕೆಂಪು, ಕಪ್ಪು ಮತ್ತು ಬಿಳಿ ಅಡ್ಡಪಟ್ಟಿಗಳಿವೆ.
ಈ ಕ್ಲಿಪ್ ಜಾಲತಾಣದಲ್ಲಿ ಕಾಣಿಸಿಕೊಂಡ ತಕ್ಷಣ ಬಳಕೆದಾರರು ಕಾಮೆಂಟ್ ವಿಭಾಗವನ್ನು ತುಂಬಿದ್ದಾರೆ. ನಾನು ನನ್ನ ನೋಕಿಯಾದಲ್ಲಿ ಈ ಆಟವನ್ನು ಆಡುತ್ತಿದ್ದೆ. ಆದರೂ ಗ್ರಾಫಿಕ್ಸ್ ಉತ್ತಮವಾಗಿಲ್ಲ ಎಂದು ಒಬ್ಬರು ತಮಾಷೆ ಮಾಡಿದ್ದಾರೆ. ಫೇಸ್‌ಬುಕ್‌ನಲ್ಲಿ ಈ ವಿಡಿಯೋಗೆ ಇದುವರೆಗೆ ಸುಮಾರು 3 ಲಕ್ಷ ವೀಕ್ಷಣೆ ಕಂಡಿದೆ.
Loading ...