ದೇಶದ ವಿವಿಧ ರೈಲು ನಿಲ್ದಾಣಗಳ ಅವ್ಯವಸ್ಥೆಯ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಲೇ ಇರುತ್ತವೆ. ಅಂಥದ್ದೇ ಒಂದು ವಿಡಿಯೋ ಒಂದು ಹಿನ್ನೆಲೆ ಸಂಗೀತದ ಜತೆಗೆ ವೈರಲ್ ಆಗುತ್ತಿದ್ದು, ನಗೆಗಡಲಿನಲ್ಲಿ ತೇಲಿಸುವಂತೆ ಮಾಡಿದೆ.
ಅಷ್ಟಕ್ಕೂ ಈ ವಿಡಿಯೋದಲ್ಲಿ ಇರುವುದು ಏನೆಂದರೆ, ರೈಲ್ವೆ ನಿಲ್ದಾಣವೊಂದರ ನೀರಿನ ಟ್ಯಾಪ್ ಹಾಳಾಗಿದೆ. ಇದು ಸಂಪೂರ್ಣ ಫೋರ್ಸ್ನಿಂದ ಚಿಮ್ಮುತ್ತಿದೆ. ಇದು ಎಷ್ಟರ ಮಟ್ಟಿಗೆ ಎಂದರೆ ಅತ್ತ ಕಡೆಯಿಂದ ಹೋಗುವವರಿಗೆ ಸಂಪೂರ್ಣ ಸ್ನಾನ ಮಾಡಿಸುತ್ತಿದೆ.
ಇದು ಯಾವ ರೈಲು ನಿಲ್ದಾಣ ಎಂದು ವಿಡಿಯೋದಲ್ಲಿ ಹೇಳಿಲ್ಲವಾದರೂ, ವಿಡಿಯೋ ನೋಡಿದವರು ಮಾತ್ರ ಥಹರೇವಾರಿ ಕಮೆಂಟ್ ಮಾಡುತ್ತಿದ್ದಾರೆ. ರೈಲಿಗೆ ಬರುವಾಗ ಮನೆಯಲ್ಲಿ ಸ್ನಾನ ಮಾಡಿಕೊಂಡು ಬರುವ ಅವಶ್ಯಕತೆ ಇಲ್ಲ, ಪುಕ್ಕಟೆ ಸ್ನಾನದ ವ್ಯವಸ್ಥೆಯನ್ನು ಇಲ್ಲಿ ಮಾಡಲಾಗಿದೆ ಎಂದು ಹಲವರು ತಮಾಷೆ ಮಾಡುತ್ತಿದ್ದರೆ, ಇಲ್ಲಿಗೆ ಬರುವ ಪ್ರಯಾಣಿಕರ ಪೇಚಾಟ ಮಾತ್ರ ನೋಡಲಾಗುತ್ತಿಲ್ಲ.