ಪರೀಕ್ಷೆಯಲ್ಲಿ ಕಾಪಿ ಮಾಡುವ ಶಾಕಿಂಗ್ ವಿಧಾನದ ವಿಡಿಯೋ ವೈರಲ್ ​!

ಪರೀಕ್ಷೆಯಲ್ಲಿ ನಕಲು ಮಾಡುವುದು ಶಿಕ್ಷಾರ್ಹ ಮತ್ತು ನಮಗೆಲ್ಲರಿಗೂ ಅದು ಚೆನ್ನಾಗಿ ತಿಳಿದಿದೆ. ಆದಾಗ್ಯೂ, ಶಾಲೆಯಲ್ಲಿನ ಪರೀಕ್ಷೆಯ ಪೇಪರ್‌ಗಳನ್ನು ಪರಸ್ಪರ ಇಣುಕಿ ನೋಡುವುದು ಮಾಮೂಲು. ನಮ್ಮಲ್ಲಿ ಕೆಲವರು ಪರೀಕ್ಷಾ ಹಾಲ್‌ಗೆ ಸಣ್ಣ ಚಿಟ್‌ಗಳನ್ನು ತೆಗೆದುಕೊಂಡು ಹೋದರೆ ಇನ್ನು ಕೆಲವರು ಏನೇನೋ ಟೆಕ್ನಿಕ್​ ಉಪಯೋಗಿಸುತ್ತಿರುವುದು ನಡೆಯುತ್ತಿದೆ.

ಇವೆಲ್ಲವನ್ನೂ ಪತ್ತೆ ಹಚ್ಚುವ ಕಾರ್ಯ ಸಾಗುತ್ತಿರುವ ನಡುವೆಯೇ ಹೊಸ ಹೊಸ ಕಾಪಿ ಆವಿಷ್ಕಾರಗಳೂ ನಡೆಯುತ್ತಿವೆ. ಅಂಥದ್ದೇ ಒಂದು ಹೊಸ ಆವಿಷ್ಕಾರದ ವಿಡಿಯೋ ಈಗ ವೈರಲ್​ ಆಗಿದೆ. ಸೃಜನಶೀಲ ಮೋಸದ ತಂತ್ರ ಇದಾಗಿದೆ.

ಸುಮಾರು 8 ಸೆಕೆಂಡ್‌ಗಳ ಅವಧಿಯ ಈ ವಿಡಿಯೋದಲ್ಲಿ ಒಬ್ಬ ವ್ಯಕ್ತಿ ಪೆನ್‌ ಹಿಡಿದುಕೊಂಡಿರುವುದನ್ನು ನೋಡಬಹುದು. ನಂತರ ಒಂದು ಬ್ಯಾಗ್​ ಅಲ್ಲಿ ಕಾಣಿಸುತ್ತದೆ. ಇದು ವರ್ಣರಂಜಿತ ಪೆನ್ನುಗಳ ಗುಂಪನ್ನು ಹೊಂದಿರುವಂತೆ ತೋರುತ್ತಿದೆ. ಆದರೆ ಅದು ಕೇವಲ ಪೆನ್​ ಅಲ್ಲ, ಬದಲಿಗೆ ಮೊಬೈಲ್‌ನ ವಾಲ್‌ಪೇಪರ್‌ !

ವ್ಯಕ್ತಿಯು ಫೋನ್ ಅನ್ನು ಸ್ಪರ್ಶಿಸಿದಾಗ, ಅದು ಕಾಗದದ ಮೇಲಿನ ಪ್ರಶ್ನೆಗಳಿಗೆ ಉತ್ತರಗಳನ್ನು ಒಳಗೊಂಡಿರುವ ಫೋನ್‌ನ ಗ್ಯಾಲರಿಯನ್ನು ತೋರಿಸುತ್ತದೆ. ಈ ತಂತ್ರವು ಆನ್‌ಲೈನ್‌ನಲ್ಲಿ ಅನೇಕ ಜನರ ಗಮನವನ್ನು ಸೆಳೆಯುತ್ತಿದೆ. ಟ್ವಿಟ್ಟರ್‌ನಲ್ಲಿ ಅನೇಕ ಜನರು ಈ ವಿಡಿಯೋದ ಹಿಂದಿನ ಜಾಣ್ಮೆಯನ್ನು ಶ್ಲಾಘಿಸಿದ್ದರೆ ಇಂಥ ಮೋಸ ಸಲ್ಲದು ಎಂದು ಹಲವರು ಹೇಳಿದ್ದಾರೆ.

https://twitter.com/BornAKang/status/1598714453163245575?ref_src=twsrc%5Etfw%7Ctwcamp%5Etweetembed%7Ctwterm%5E1598714453163245575%7Ctwgr%5E2f0efc4ee7a7b07e4be48fc9fbb40615be0e3496%7Ctwcon%5Es1_&ref_url=https%3A%2F%2Fwww.timesnownews.com%2Fviral%2Fcheating-tricks-in-exam-unique-way-of-cheating-viral-video-article-96016405