ನಾಯಿಯೊಂದನ್ನು ಕೋಲುಗಳಿಂದ ಬಡಿದು ಸಾಯಿಸಿದ ಮೂವರು ವ್ಯಕ್ತಿಗಳ ವಿಡಿಯೋ ವೈರಲ್ ಆದ ಬಳಿಕ ಅಖಾಡಕ್ಕಿಳಿದ ಪೊಲೀಸರು ಅವರನ್ನು ಬಂಧಿಸಿದ ಘಟನೆ ತಮಿಳುನಾಡಿನ ತೂತ್ತುಕುಡಿ ಜಿಲ್ಲೆಯಲ್ಲಿ ನಡೆದಿದೆ.
ಸ್ವಲ್ಪ ದೂರದಿಂದ ಸೆರೆ ಹಿಡಿಯಲಾದ ಈ ವಿಡಿಯೋದಲ್ಲಿ, ಅಸಹಾಯಕತೆಯಿಂದ ಕೂಗಿಕೊಳ್ಳುತ್ತಿರುವ ನಾಯಿಯೊಂದಕ್ಕೆ ಇವರು ಹಲ್ಲೆ ಮಾಡುತ್ತಿರುವುದನ್ನು ನೋಡಬಹುದಾಗಿದ್ದು, ಕೊನೆಯಲ್ಲಿ ಸ್ತಬ್ಧವಾದ ನಾಯಿಯ ದೇಹವನ್ನು ನೆಲದ ಮೇಲೆ ಎಳೆದಾಡಿಕೊಂಡು ಹೋಗಿ ಬಿಸಾಡಿದ್ದಾರೆ.
ಸ್ನೇಹಿತರು ನೀಡಿದ ಉಡುಗೊರೆ ಕಂಡು ಬಿದ್ದು ಬಿದ್ದು ನಕ್ಕ ವಧು – ವರ..!
ಈ ನಾಯಿಯು ಸುಂದರಂ ಎಂಬ ವ್ಯಕ್ತಿ ಸಾಕುತ್ತಿದ್ದ ಮೇಕೆಗಳ ಮೇಲೆ ಪದೇ ಪದೇ ದಾಳಿ ಮಾಡಿ ಕಚ್ಚುತ್ತಿದ್ದ ಕಾರಣದಿಂದ ಅದರ ಮೇಲೆ ಕೋಪಗೊಂಡ ಸುಂದರಂ ಹಾಗೂ ಸಂಗಡಿಗರು, ಪ್ರತೀಕಾರದಿಂದ ಈ ಕೆಲಸಕ್ಕೆ ಮುಂದಾಗಿದ್ದಾರೆ.
ತೂತ್ತುಕುಡಿಯ ಶಾಂತಕುಳಂ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ಜರುಗಿದೆ.
ಸುಂದರಂ ಹಾಗೂ ಆತನ ಸಹಚರ ದಾಸ್‌ನನ್ನು ಪೊಲೀಸರು ಕಸ್ಟಡಿಗೆ ತೆಗೆದುಕೊಂಡಿದ್ದು, ಮೂರನೇಯಾತನಿಗೆ ಹುಡುಕಾಟದಲ್ಲಿದ್ದಾರೆ.
Loading ...