ಟ್ವಿಟರ್ನ ಅನೇಕ ಬಳಕೆದಾರರಿಗೆ ಗುರುವಾರ ಸರ್ವರ್ ಡೌನ್ ಆದ ಅನುಭವವಾಗಿದೆ. ಸೋಶಿಯಲ್ ಮೀಡಿಯಾದ ವೆಬ್ಸೈಟ್ನಲ್ಲಿ ಅನೇಕ ಟ್ವೀಟಿಗರು ಈ ಬಗ್ಗೆ ವರದಿ ಮಾಡಿದ್ದಾರೆ ಎಂದು ವೆಬ್ಸೈಟ್ ಡೌನ್ಡಿಟೆಕ್ಟರ್ ಮಾಹಿತಿ ನೀಡಿದೆ.
ಈ ಸಮಸ್ಯೆಯ ಬಗ್ಗೆ ಪರಿಶೀಲನೆ ನಡೆಸುತ್ತಿರೋದಾಗಿ ಟ್ವಿಟರ್ ಸಂಸ್ಥೆ ಮಾಹಿತಿ ನೀಡಿದೆ. ಭಾರತೀಯ ಕಾಲಮಾನದ ಪ್ರಕಾರ ಬೆಳಗ್ಗೆ 7:10ರ ಸುಮಾರಿಗೆ ಈ ಸಮಸ್ಯೆ ಕಾಣಿಸಿಕೊಂಡಿದ್ದು 6000ಕ್ಕೂ ಅಧಿಕ ಟ್ವೀಟ್ ಬಳಕೆದಾರರು ಈ ಬಗ್ಗೆ ವರದಿ ಸಲ್ಲಿಸಿದ್ದಾರೆ ಎನ್ನಲಾಗಿದೆ. ಒಂದು ಗಂಟೆಯ ಒಳಗಾಗಿ ಈ ರೀತಿ ವರದಿ ಸಲ್ಲಿಸಿದವರ ಸಂಖ್ಯೆ 2600ಕ್ಕೆ ಇಳಿಕೆಯಾಗಿದೆ ಎಂದು ವೆಬ್ಸೈಟ್ ಡೌನ್ ಡಿಟೆಕ್ಟರ್ ಮಾಹಿತಿ ನೀಡಿದೆ.
ಟ್ವಿಟರ್ ಬಳಕೆ ಮಾಡುವ ವೇಳೆ ಟ್ವೀಟಿಗರು ಲಾಗಿನ್ ಸಮಸ್ಯೆಯನ್ನ ಎದುರಿಸಿದ್ದಾರೆ. ತಾಂತ್ರಿಕ ದೋಷವನ್ನ ಒಪ್ಪಿಕೊಂಡ ಟ್ವಿಟರ್ ಸಂಸ್ಥೆ, ನಿಮ್ಮ ವೆಬ್ನಲ್ಲಿ ಪ್ರೊಫೈಲ್ ಟ್ವೀಟ್ಗಳು ಲೋಡ್ ಆಗಿರಲಿಕ್ಕಿಲ್ಲ. ಈ ಸಮಸ್ಯೆಯನ್ನ ಸರಿಪಡಿಸಿಲು ನಾವು ಯತ್ನಿಸುತ್ತಿದ್ದೇವೆ ಎಂದು ಹೇಳಿದೆ.
ಕೆಲವೇ ನಿಮಿಷಗಳಲ್ಲಿ ಇನ್ನೊಂಧು ಟ್ವೀಟ್ ಮಾಡಿದ ಟ್ವಿಟರ್ ಸಂಸ್ಥೆ, ಈಗ ನಿಮ್ಮ ಪ್ರೊಫೈಲ್ನಲ್ಲಿ ಟ್ವೀಟ್ಗಳು ಸಿಗಲಿದೆ. ಆದರೆ ಉಳಿದ ವಿಭಾಗಗಳು ನಿಮಗೆ ಕಾಣಿಸಲಿಕ್ಕಿಲ್ಲ. ಈ ಸಮಸ್ಯೆಯನ್ನೂ ಸರಿ ಮಾಡಲು ನಾವು ಪ್ರಯತ್ನಿಸುತ್ತಿದ್ದೇವೆ ಎಂದು ಹೇಳಿದೆ.