ಗಿನ್ನೆಸ್ ದಾಖಲೆ ಮಾಡೋದಕ್ಕೆ ಅನೇಕ ಕಾರಣಗಳು ಇವೆ. ನೀವು ಸಾಧನೆ ಮಾಡಿ ತೋರಿಸಿ ವಿಶ್ವ ದಾಖಲೆ ಪುಸ್ತಕ ಸೇರಬಹುದು. ಇಲ್ಲವೇ ನಿಮ್ಮ ದೇಹದ ಆಕೃತಿ ಕೂಡ ನಿಮ್ಮನ್ನು ಗಿನ್ನೆಸ್ ಪುಟದಲ್ಲಿ ನಮೂದಾಗುವಂತೆ ಮಾಡುವ ಸಾಮರ್ಥ್ಯ ಹೊಂದಿದೆ.
ಅದೇ ರೀತಿ ಮೆಹ್ಮೆಟ್ ಒಜುರೆಕ್ ಎಂಬವರು ತಮ್ಮ ಮೂಗಿನ ಕಾರಣಕ್ಕೆ ವಿಶ್ವ ದಾಖಲೆಯನ್ನು ಮಾಡಿದ್ದಾರೆ.
ಮೆಹ್ಮೆಟ್ ಒಜುರೆಕ್ ಇಟಲಿಯ ಟಿವಿ ಶೋ ಒಂದರಲ್ಲಿ ಕಾಣಿಸಿಕೊಂಡಿದ್ದು, ಇಲ್ಲಿ ಅವರ ಮೂಗಿನ ಅಳತೆಯನ್ನು ಮಾಡಲಾಗಿದೆ. ಒಜುರೆಕ್ ಮೂಗು ಬರೋಬ್ಬರಿ 8.8 ಸೆಂಟಿ ಮೀಟರ್ ಉದ್ದವಿದೆ..!
2010ರಲ್ಲೇ ಒಜುರೆಕ್ ತಮ್ಮ ಉದ್ದವಾದ ಮೂಗಿನ ಕಾರಣಕ್ಕೆ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ. ವಿಶ್ವದಲ್ಲೇ ಅತ್ಯಂತ ಉದ್ದ ಮೂಗನ್ನು ಹೊಂದಿರುವ ಜೀವಿತ ವ್ಯಕ್ತಿ ಎಂಬ ಕೀರ್ತಿ ಒಜುರೆಕ್ಗೆ ಸಲ್ಲುತ್ತದೆ.
ಹಾಗಂತ ಪ್ರಪಂಚದಲ್ಲೆ ಇದುವರೆಗೆ ಇಷ್ಟೊಂದು ಉದ್ದದ ಮೂಗನ್ನು ಹೊಂದಿರುವ ಏಕೈಕ ವ್ಯಕ್ತಿ ಒಜುರೆಕ್ ಅಲ್ಲ. ಏಕೆಂದರೆ 1770ರಲ್ಲಿ ಇಂಗ್ಲೀಷ್ ಸರ್ಕಸ್ ಸ್ಟಾರ್ ಥೋಮಸ್ ವೆಡ್ಡರ್ಸ್ ಎಂಬವರು ಬರೋಬ್ಬರಿ 19 ಸೆಂಟಿಮೀಟರ್ ಉದ್ದದ ಮೂಗನ್ನು ಹೊಂದಿದ್ದರು ಎಂದು ಗಿನ್ನೆಸ್ ದಾಖಲೆ ಪುಸ್ತಕದಲ್ಲಿ ನಮೂದಾಗಿದೆ.
Loading ...