ಟೋಕಿಯೋ ಒಲಿಂಪಿಕ್ಗೆ ಸೇರಿದ್ದ ಇನ್ನೂ 16 ಮಂದಿ ಕೋವಿಡ್ ಸೋಂಕಿಗೆ ಒಳಗಾಗಿದ್ದಾರೆ. ಅದೃಷ್ಟವಶಾತ್ ಈ 16 ಮಂದಿಯಲ್ಲಿ ಯಾರೂ ಕ್ರೀಡಾಪಟುಗಳಲ್ಲ. ಹೊಸ ಕೇಸ್ಗಳು ವರದಿಯಾದ ಬಳಿಕ ಈ ತಿಂಗಳಲ್ಲಿ ಸೋಂಕಿಗೆ ಒಳಗಾದ ಟೋಕಿಯೋ ಒಲಿಂಪಿಕ್ಸ್ ಸದಸ್ಯರ ಸಂಖ್ಯೆ 169 ಆಗಿದೆ.
ಕಳೆದ 24 ಗಂಟೆಗಳಲ್ಲಿ ಜಪಾನ್ ರಾಜಧಾನಿ ಟೋಕಿಯೋದಲ್ಲಿ 2848 ಹೊಸ ಪ್ರಕರಣಗಳು ವರದಿಯಾಗಿದೆ.
ಈ ಹಿಂದೆ ವರದಿಯಾಗಿದ್ದ 2 ಪ್ರಕರಣಗಳು ಇದೀಗ ನೆಗೆಟಿವ್ ಎಂದು ಸಾಬೀತಾಗಿದ್ದು, ಹೀಗಾಗಿ ಟೋಕಿಯೋ ಒಲಿಂಪಿಕ್ ಸದಸ್ಯರ ಕೊರೊನಾ ಸೋಂಕು ಪಟ್ಟಿಯಲ್ಲಿ ಈ ಹೆಸರುಗಳನ್ನ ಅಳಿಸಲಾಗಿದೆ.
ಒಲಿಂಪಿಕ್ ಆತಿಥೇಯ ಟೋಕಿಯೋದಲ್ಲಿ ಸೋಂಕು ಹೆಚ್ಚಾಗುತ್ತಿರೋದ್ರಿಂದ ಸಾರ್ವಜನಿಕರಲ್ಲಿ ಆತಂಕ ಉಂಟಾಗಿದೆ. ಆದರೆ ಯಾವುದೇ ಒಲಿಂಪಿಕ್ ಕ್ರೀಡಾಪಟುಗಳಲ್ಲಿ ಕೋವಿಡ್ 19 ಸೋಂಕು ಕಂಡುಬಂದಿರುವ ಬಗ್ಗೆ ಸಂಘಟಕರು ವರದಿ ಮಾಡಿಲ್ಲ.
ಸೋಂಕಿತ 16 ಮಂದಿಯಲ್ಲಿ 9 ಮಂದಿ ಗುತ್ತಿಗೆದಾರರು, ನಾಲ್ವರು ಆಟ ಸಂಬಂಧಿ ಆಡಳಿತ ಮಂಡಳಿಗೆ ಸೇರಿದವರು, ಇಬ್ಬರು ಮಾಧ್ಯಮದವರು ಹಾಗೂ ಓರ್ವ ಸ್ವಯಂ ಸೇವಕ ಇದ್ದಾರೆ ಎಂದು ಸಂಘಟಕರು ಮಾಹಿತಿ ನೀಡಿದ್ದಾರೆ. ಇದರಲ್ಲಿ ಯಾರು ಕೂಡ ಕ್ರೀಡಾಗ್ರಾಮದಲ್ಲಿ ವಾಸ್ತವ್ಯ ಹೂಡಿಲ್ಲ ಎಂದು ಮಾಹಿತಿ ತಿಳಿದುಬಂದಿದೆ.
Loading ...