‘ಕ್ಯಾನ್ಸರ್’ ತಗಲುವ ಕಾರಣದ ಕುರಿತು ಅಧ್ಯಯನದಲ್ಲಿ ಮಹತ್ವದ ಮಾಹಿತಿ ಬಹಿರಂಗ

ಮಾರಕ ಕ್ಯಾನ್ಸರ್​ ಕುರಿತು ವಿಶ್ವಾದ್ಯಂತ ಅಧ್ಯಯನ ನಡೆಯುತ್ತಲೇ ಇದೆ. ಸುಮಾರು ಅರ್ಧದಷ್ಟು ಕ್ಯಾನ್ಸರ್​ಗಳು ಪ್ರಾಥಮಿಕವಾಗಿ ತಂಬಾಕು ಅಥವಾ ಆಲ್ಕೋಹಾಲ್​ನಿಂದಲೇ ಬರುತ್ತಿದೆ ಎಂದು ಇತ್ತೀಚಿನ ಬೃಹತ್​ ಜಾಗತಿಕ ಅಧ್ಯಯನವು ಕಂಡುಕೊಂಡಿದೆ.

ಬಿಲ್​ ಗೇಟ್ಸ್​ ಫೌಂಡೇಶನ್​ ಧನಸಹಾಯ ಪಡೆದ ವಿಶಾಲವಾದ ಸಂಶೋಧನಾ ಕಾರ್ಯಕ್ರಮದ ಭಾಗವಾಗಿ ನಡೆಸಲ್ಪಟ್ಟ ಅಧ್ಯಯನದ ವರದಿ ಲ್ಯಾನ್ಸೆಟ್​ನಲ್ಲಿ ಪ್ರಕಟವಾಗಿದೆ. ವಿಶ್ವದಾದ್ಯಂತ 44.4 ಪ್ರತಿಶತದಷ್ಟು ಕ್ಯಾನ್ಸರ್​ ಸಾವುಗಳು ತಂಬಾಕು ಅಥವಾ ಆಲ್ಕೋಹಾಲ್​ನ ಅಪಾಯಕಾರಿ ಅಂಶಕ್ಕೆ ಕಾರಣವಾಗಿದೆ ಎಂದು ತೀರ್ಮಾನಕ್ಕೆ ಬರಲಾಗಿದೆ.

ಗ್ಲೋಬಲ್​ ರ್ಬಡನ್​ ಆಫ್​ ಡಿಸೀಸ್​ ಸ್ಟಡಿ ಒಂದು ಸಮಗ್ರ ಪ್ರಾದೇಶಿಕ ಮತ್ತು ಜಾಗತಿಕ ಸಂಶೋಧನಾ ಕಾರ್ಯಕ್ರಮವಾಗಿದ್ದು, ಪ್ರಪಂಚದಾದ್ಯಂತ ಹೆಚ್ಚಿನ ದೇಶಗಳ ಸಾವಿರಾರು ಸಂಶೋಧಕರನ್ನು ಒಳಗೊಂಡಿದೆ. ಅಧ್ಯಯನವು 34 ಅಪಾಯಕಾರಿ ಅಂಶಗಳ ಪ್ರಭಾವವನ್ನು ವಿಶ್ಲೇಷಿಸಿದೆ. ಅಪಾಯಕಾರಿ ಅಂಶಗಳಿಗೆ ಒಡ್ಡಿಕೊಳ್ಳುವುದನ್ನು ಕಡಿಮೆ ಮಾಡುವುದರಿಂದ ಕ್ಯಾನ್ಸರ್​ ಮರಣ ಪ್ರಮಾಣವು ಕಡಿಮೆಯಾಗುತ್ತದೆ” ಎಂದು ಅಧ್ಯಯನವು ತೀರ್ಮಾನಿಸಿದೆ. ಇದರರ್ಥ ತಡೆಗಟ್ಟುವಿಕೆಗೆ ಹೆಚ್ಚಿನ ಒತ್ತು ನೀಡಬೇಕು ಎಂದು ಅಧ್ಯಯನವು ಕಂಡುಹಿಡಿದಿದೆ.

ಧೂಮಪಾನವು ಜಾಗತಿಕವಾಗಿ ಕ್ಯಾನ್ಸರ್​ಗೆ ಪ್ರಮುಖ ಅಪಾಯಕಾರಿ ಅಂಶವಾಗಿ ಮುಂದುವರೆದಿದೆ, ಆರಂಭಿಕ ರೋಗನಿರ್ಣಯ ಮತ್ತು ಪರಿಣಾಮಕಾರಿ ಚಿಕಿತ್ಸೆಗಳು ತಡೆಗಟ್ಟುವ ಪ್ರಯತ್ನಗಳನ್ನು ಹೆಚ್ಚಿಸುವ ಪ್ರಯತ್ನಗಳಾಗಬೇಕು ಎಂದು ಅಧ್ಯಯನವು ಕಂಡುಕೊಂಡಿದೆಯಲ್ಲದೇ ಪುರುಷ ಮತ್ತು ಮಹಿಳೆಯರ ಕ್ಯಾನ್ಸರ್​ ಸಾವಿನ ಅನುಪಾತದ ಬಗ್ಗೆ ವಿವರಣೆ ನೀಡಲಾಗಿದೆ.