ಪ್ರಕೃತಿಯ ಸೌಂದರ್ಯ ಪ್ರದರ್ಶಿಸುವ ಹಲವಾರು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಕೊರತೆ ಇಲ್ಲ.
ಇದೀಗ ಮುಂಬೈ ಮಾನ್ಸೂನ್ನ ಸುಂದರವಾದ ಸಂದರ್ಭವನ್ನು ಟೈಮ್ಲಾಪ್ಸ್ ಮೂಲಕ ತೋರಿಸುವ ವಿಡಿಯೋ ಜಾಲತಾಣದಲ್ಲಿ ಗಮನ ಸೆಳೆಯುತ್ತಿದೆ.
ಅನಂತ್ ರೂಪನಗುಡಿ ಅವರು ಇದನ್ನು ಹಂಚಿಕೊಂಡಿದ್ದು, 34 ಸೆಕೆಂಡುಗಳ ಅವಧಿಯ ವಿಡಿಯೋವನ್ನು ಮುಂಬೈನ ಬಹುಮಹಡಿ ಕಟ್ಟಡದ ಕೊಠಡಿಯಿಂದ ತೆಗೆದುಕೊಳ್ಳಲಾಗಿದೆ.
ವಿಡಿಯೋ ಕಪ್ಪು ಮೋಡಗಳ ದೃಶ್ಯಗಳೊಂದಿಗೆ ಪ್ರಾರಂಭವಾಗುತ್ತದೆ. ಕೆಲವೇ ಸೆಕೆಂಡುಗಳಲ್ಲಿ, ಭಾರೀ ಮಳೆಯೊಂದಿಗೆ ಪ್ರದೇಶವು ರಿಫ್ರೆಶ್ ಆಗುತ್ತದೆ. ಮೋಡಗಳು ಹೊರಬಂದ ನಂತರ, ಆಕಾಶವು ಸಂಪೂರ್ಣವಾಗಿ ಶುದ್ಧವಾದಂತೆ ಕಾಣುತ್ತದೆ.
” ಮುಂಬೈನಲ್ಲಿ ಭಾನುವಾರ 4.30 ರ ಸುಮಾರಿಗೆ ಏನಾಯಿತು ಎಂಬುದು ಈ 34 ಸೆಕೆಂಡುಗಳ ವಿಡಿಯೋ!” ಎಂಬ ಶೀರ್ಷಿಕೆ ನೀಡಲಾಗಿದೆ.