ಪಾಕಿಸ್ತಾನಿ ಹುಡುಗಿಯೊಬ್ಬಳು ಬಾಲಿವುಡ್‌ನ ಕ್ಲಾಸಿಕ್ ಹಾಡಿಗೆ ಸ್ಟೆಪ್ ಹಾಕಿ ಭಾರಿ ವೈರಲ್ ಆಗಿದ್ದಳು. ಇದೀಗ ಅದನ್ನೇ ಕುರಿಗಾಹಿಗಳಿಬ್ಬರು ಅನುಸರಿಸಿದ್ದಾರೆ. ಕುರಿ ಕಾಯುತ್ತಿರುವ ಇಬ್ಬರು ವ್ಯಕ್ತಿಗಳು ಗೋವಿಂದ ನಟಿಸಿದ ಸೂಪರ್‌ಹಿಟ್ ಬಾಲಿವುಡ್ ಹಾಡಿಗೆ ನೃತ್ಯ ಮಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ.
ಒಬ್ಬ ಬಾಲಕ ಹಾಗೂ ಒಬ್ಬ ಪುರುಷ ಮಾಡಿರುವ ಈ ನೃತ್ಯಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಕುರಿಗಾಹಿ ದುಲ್ಹೆ ರಾಜ ಶೀರ್ಷಿಕೆ ಟ್ರ್ಯಾಕ್‌ಗೆ ಸಂತೋಷದಿಂದ ನೃತ್ಯ ಮಾಡುವುದನ್ನು ವಿಡಿಯೋದಲ್ಲಿ ನೋಡಬಹುದು.
ಮೂಲತಃ ಗೋವಿಂದ ಮತ್ತು ರವೀನಾ ಟಂಡನ್ ನಟಿಸಿದ ಈ ಹಾಡಿಗೆ ಗೋವಿಂದ ಕೆಲವು ಚಮತ್ಕಾರಿ ಚಲನೆಗಳನ್ನು ಮಾಡಿದ್ದು, ಅದರಂತೆಯೇ ಈ ವಿಡಿಯೋದಲ್ಲಿ ಮಾಡಿ ತೋರಿಸಲಾಗಿದೆ.
ಹಿಂದೆ ಕುರಿಮಂದೆ ಇದ್ದು, ಮುಂದೆ ಈ ನೃತ್ಯ ಮಾಡಲಾಗುತ್ತಿದ್ದು, ನೋಡಲು ಬಲು ಸೊಗಸಾಗಿದೆ. ಇದನ್ನು ಹಲವರು ಇಷ್ಟಪಟ್ಟು ಕಮೆಂಟ್ ಮಾಡುತ್ತಿದ್ದಾರೆ. ಯಾರ್ಯಾರ ಒಳಗೆ ಯಾವ ರೀತಿಯ ಟ್ಯಾಲೆಂಟ್ ಇರುತ್ತದೆ ಎಂದು ತಿಳಿಯುವುದೇ ಕಷ್ಟ ಎಂದು ಹಲವರು ಕಮೆಂಟ್ನಲ್ಲಿ ಹೇಳುತ್ತಿದ್ದಾರೆ.
Loading ...