ಸಹೋದರಿ ಕ್ಯಾನ್ಸರ್ ಮುಕ್ತ ಎಂದು ತಿಳಿದ ಕೂಡಲೇ ಕಣ್ಣೀರಧಾರೆ ಹರಿಸಿದ ಯುವತಿ: ವಿಡಿಯೋ ವೈರಲ್

ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ವಿಡಿಯೋ ನಿಮಗೆ ಕಣ್ಣೀರು ತರಿಸುತ್ತದೆ. ಕ್ಯಾನ್ಸರ್‌ ವಿರುದ್ಧ ಹೋರಾಡಲು ಸಾಕಷ್ಟು ಧೈರ್ಯ ಬೇಕಾಗುತ್ತದೆ. ಕ್ಯಾನ್ಸರ್ ರೋಗಿಗಳಿಗೆ, ನೀವು ಆರೋಗ್ಯವಾಗಿದ್ದೀರಿ ಎಂಬ ಪದಗಳನ್ನು ಕೇಳಲು ಅವರು ಹಂಬಲಿಸುತ್ತಾರೆ. ಇದೀಗ ಡ್ರೈವ್-ಥ್ರೂ ನೌಕರನ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.

ಈ ಭಾವನಾತ್ಮಕ ವಿಡಿಯೋವನ್ನು ಗುಡ್ ನ್ಯೂಸ್ ಮೂವ್‌ಮೆಂಟ್ ತಮ್ಮ ಇನ್‌ಸ್ಟಾಗ್ರಾಮ್ ಮತ್ತು ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿದೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಈ ವಿಡಿಯೋವನ್ನು 8 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ.

BREAKING NEWS: ‘ಮಹಾಭಾರತ’ದ ಭೀಮ ಪ್ರವೀಣ್ ಕುಮಾರ್ ಸೋಬ್ತಿ ವಿಧಿವಶ

ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ, ಮಹಿಳೆಯೊಬ್ಬರು ಕಾರಿನಲ್ಲಿ ಬಂದು ಆರ್ಡರ್ ಮಾಡಲು ಪ್ರಾರಂಭಿಸಿದಾಗ ತನ್ನ ಸೋದರಿ ಡ್ರೈವ್-ಥ್ರೂನಲ್ಲಿ ಕೆಲಸ ಮಾಡುತ್ತಿರುವುದನ್ನು ಕಾಣಬಹುದು. ನಂತರ ತಾನು ಕ್ಯಾನ್ಸರ್ ಮುಕ್ತವಾಗಿದ್ದೇನೆ ಎಂಬ ದೊಡ್ಡ ಸುದ್ದಿಯನ್ನು ಬಹಿರಂಗಪಡಿಸಿದ್ದಾರೆ. ಈ ಮಾತನ್ನು ಕೇಳಿ ಯುವತಿಗೆ ತನ್ನ ಕಣ್ಣೀರನ್ನು ತಡೆದುಕೊಳ್ಳಲು ಸಾಧ್ಯವಾಗಲಿಲ್ಲ. ತಾನು ಅಳುತ್ತಿರುವುದಾಗಿ ಬಹಳ ಭಾವುಕವಾಗಿ ತಿಳಿಸಿದ್ದಾಳೆ.

ಎಂದಿನಂತೆ ತನ್ನ ಕೆಲಸದಲ್ಲಿರುವಾಗ ತನ್ನ ಸಹೋದರಿ ಕ್ಯಾನ್ಸರ್ ಮುಕ್ತಳಾಗಿದ್ದಾಳೆ ಎಂಬ ಆದೇಶದೊಂದಿಗೆ ಬಂದಿದ್ದು, ಇದುವರೆಗಿನ ಅತ್ಯುತ್ತಮ ಡ್ರೈವ್ ಥ್ರೂ ಆರ್ಡರ್ ಎಂದು ವಿಡಿಯೋಗೆ ಶೀರ್ಷಿಕೆ ನೀಡಿ ಪೋಸ್ಟ್ ಮಾಡಲಾಗಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಕೂಡ ಅತ್ಯಂತ ಭಾವುಕರಾಗಿದ್ದಾರೆ.