ಕೇಕ್‌ ತಯಾರಕನ ಕಲಾ ಕೌಶಲ್ಯಕ್ಕೆ ಬೆರಗಾದ ನೆಟ್ಟಿಗರು

ಸೆಲೆಬ್ರಿಟಿ ಬೇಕರ್‌ ಬೆನ್ ಕಲ್ಲೆನ್‌ ಯಾವಾಗಲೂ ನೈಜಾಕೃತಿಗಳಂತೆಯೇ ಕೇಕ್‌ಗಳನ್ನು ಮಾಡುವಲ್ಲಿ ಸಿದ್ಧಹಸ್ತರು.

ಬೇಕಿಂಗ್ ಕಲೆಗೆ ತಮ್ಮದೇ ಆದ ಕ್ರಿಯಾಶೀಲ ಟಚ್‌ ಕೊಟ್ಟಿರುವ ಕಲ್ಲೆನ್, ಹೈಪರ್‌-ರಿಯಲಿಸ್ಟಿಕ್ ಕೇಕ್‌ಗಳನ್ನು ತಯಾರಿಸುವ ಮೂಲಕ ತನ್ನ ಕೌಶಲ್ಯದ ಪರಿಯನ್ನು ಆಗಾಗ ಪರಿಚಯಿಸುತ್ತಲೇ ಇರುತ್ತಾರೆ.

ಕಲ್ಲೆನ್‌ ಅದ್ಯಾವ ಮಟ್ಟಿಗೆ ನೈಜ ವಸ್ತುಗಳ ರೂಪದಲ್ಲಿ ಕೇಕ್ ತಯಾರಿಸುತ್ತಾರೆ ಎಂದರೆ, ಒಂದು ವೇಳೆ ಅವರು ಮಗುವಿನ ಹಾಗೆ ಕಾಣುವ ಕೇಕ್ ಮಾಡಿದರೆ ಅದು ಮಗುವೆಂದೇ ನೋಡುಗರಿಗೆ ಅನಿಸುತ್ತದೆ. ಇಂಥದ್ದೇ ಕಾರಣದಿಂದ ಕಲ್ಲೆನ್ ನೆಟ್‌ನಲ್ಲಿ ನೆಟ್ಟಿಗರಿಗೆ ಗೊಂದಲ ಸೃಷ್ಟಿಸಿದ್ದಾರೆ.

ಅಂಬೆಗಾಲಿಡುವ ಮಗುವಿನ ಸ್ನೋ ಬೋರ್ಡಿಂಗ್ ಆಟಕ್ಕೆ ನಿಬ್ಬೆರಗಾದ ಜನ…!

ತಮ್ಮ ಕೈಗಳಲ್ಲಿ ಮಗುವನ್ನು ಎತ್ತಿಕೊಂಡಿರುವ ಕಲ್ಲೆನ್‌ರ ಚಿತ್ರವೊಂದು ವೈರಲ್ ಆಗಿದೆ. ಈ ಚಿತ್ರದಲ್ಲಿ ಕಲ್ಲೆನ್ ತಮ್ಮದೇ ಅಸಾಧಾರಣ ಪ್ರತಿಭೆಯ ಖುದ್ದು ಸಂತ್ರಸ್ತರಾಗಿದ್ದಾರೆ. ಬಹಳಷ್ಟು ಮಂದಿ ಅದು ನಿಜವಾದ ಮಗುವಲ್ಲ, ಮಗುವಿನ ಆಕೃತಿಯಲ್ಲಿರುವ ಕೇಕ್ ಎಂದೇ ನಂಬಿದ್ದಾರೆ.

“ನನ್ನ ಜೀವನದಲ್ಲಿ ನೋಡಿದ ಅದ್ಭುತವಾದ ವಸ್ತು ಈಕೆ, ನಾನು ಜಗತ್ತಿನಲ್ಲೇ ಬಹಳ ಅದೃಷ್ಟಶಾಲಿ ವ್ಯಕ್ತಿ! 31/05/21ರಲ್ಲಿ ಜನಿಸಿದ ವಿಲ್ಲೋ 9.1 ಚಂಕ್ ತೂಕವಿದ್ದಳು!” ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ.