ಕಲೆ ಮೂಲಕ ಏನನ್ನು ಬೇಕಾದರೂ ಸೃಷ್ಟಿಸಬಹುದು. ಕಲೆಯ ಮೂಲಕ ಹೊಸ ಲೋಕವನ್ನೆ ಸೃಷ್ಟಿಸಬಹುದು. ಆದರೆ ಇಲ್ಲೊಬ್ಬ ಡಿಜಿಟಲ್ ಕಲಾವಿದ ಕಾರುಗಳಿಗೆ ವಿಭಿನ್ನ ಲುಕ್ ನೀಡುವ ಮೂಲಕ ಹೊಸ ವಿನ್ಯಾಸವನ್ನೇ ಸೃಷ್ಟಿಸುತ್ತಿದ್ದಾರೆ.
ಅಕ್ಟೋಬರ್ 2021ರಲ್ಲಿ ಭಾರತದ ಮಾರುಕಟ್ಟೆಗೆ ಪರಿಚಯವಾದ ಟಾಟಾ ಮೋಟಾರ್ಸ್‌ನ ಪಂಚ್ ಮೈಕ್ರೋ-ಎಸ್‌ಯುವಿ, ಸಖತ್ ಹಿಟ್ ಆಗಿದೆ. ಮೊದಲ ದಿನದಿಂದ ಅದರ ಮಾರಾಟವು ಪ್ರಬಲವಾಗಿದೆ. ಟಾಟಾ ನೆಕ್ಸಾನ್‌ನ ಕೆಳಗೆ ಮತ್ತು ಟಾಟಾ ಆಲ್ಟ್ರೊಝ್‌ನ ಮೇಲಿರುವ ಟಾಟಾ ಪಂಚ್, 5-10 ಲಕ್ಷದ ಬಜೆಟ್ ನಲ್ಲಿ ಎಸ್‌ಯುವಿ ಫೀಲ್ ನೀಡುತ್ತದೆ. ಹೀಗಾಗಿ ಗ್ರಾಹಕರು ಕೂಡ ಇದರತ್ತ ಹೆಚ್ಚಾಗಿ ಆಕರ್ಷಿತರಾಗಿದ್ದಾರೆ.
ಈಗ ಡಿಜಿಟಲ್ ಕಲಾವಿದ ಆಕಾಶದೀಪ್ ಚೌಹಾನ್ ಟಾಟಾ ಪಂಚ್ ಕಾರಿಗೆ ವಿಭಿನ್ನ ಲುಕ್ ನೀಡುವ ಮೂಲಕ ಈ ಕಾರ್ ಹೀಗೆ ವಿನ್ಯಾಸವಾಗಿದ್ದರೆ ಉತ್ತಮವಾಗಿರುತ್ತಿತ್ತು ಎನ್ನುವಂತೆ ಮಾಡಿದ್ದಾರೆ. ಡಿಜಿಟಲ್ ಕಲೆಯ ಮೂಲಕ ಮೈಕ್ರೋ ಎಸ್‌ಯುವಿಗೆ ರಗಡ್ ಲುಕ್ ನೀಡಲಾಗಿದ್ದು, ಈ ವಿನ್ಯಾಸದಲ್ಲಿ ಪಂಚ್ ಕಾರ್ ಆಫ್ ರೋಡಿಂಗ್ ಎಸ್‌ಯುವಿಯಂತೆ ಕಂಗೊಳಿಸುತ್ತಿದೆ.
ಪುತ್ರಿ ಮದುವೆ ವಿಚಾರದಲ್ಲಿ ಕಲಹ: ಪತ್ನಿ ಹತ್ಯೆಗೈದು ಪೊಲೀಸರಿಗೆ ಶರಣಾದ ಪತಿ..!
ವಾಹನದ ಮುಂಭಾಗದಲ್ಲಿ ಬೆಳ್ಳಿ ಮತ್ತು ಕಪ್ಪು ಬಣ್ಣದ ಬಂಪರ್ ಅನ್ನು ಕಾಣಬಹುದು, ಇದು ಪ್ರೊಜೆಕ್ಟರ್‌ಗಳೊಂದಿಗೆ LED ಹೆಡ್‌ಲ್ಯಾಂಪ್‌ಗಳನ್ನು ಮತ್ತು ನೀಲಿ ವರ್ಣದೊಂದಿಗೆ LED DRL ಗಳನ್ನು ಹೊಂದಿದೆ. ಬದಿಗಳನ್ನು ಸಿಲ್ವರ್ ಡೋರ್ ಕ್ಲಾಡಿಂಗ್‌ನಿಂದ ಅಲಂಕರಿಸಲಾಗಿದ್ದು ಅದು ವಾಹನದ ಒರಟಾದ ನೋಟಕ್ಕೆ ಮೆರುಗು ನೀಡುತ್ತಿದೆ. ಕಪ್ಪು ಮಿಶ್ರಲೋಹದ ಚಕ್ರಗಳು ಆಫ್-ರೋಡ್ ಟೈರ್‌ಗಳೊಂದಿಗೆ ಅಳವಡಿಸಲ್ಪಟ್ಟಿವೆ.
ಮುಂಭಾಗದ ಬಂಪರ್‌ನಂತೆಯೇ, ಹಿಂಭಾಗದ ಬಂಪರ್ ಬೆಳ್ಳಿ ಮತ್ತು ಕಪ್ಪು ಬಣ್ಣದಲ್ಲಿ ಕಾಣಿಸಿಕೊಂಡರೆ, ಹಿಂಭಾಗದ ಉಳಿದ ಭಾಗವು ಒಂದೇ ಬಣ್ಣದ್ದಾಗಿದೆ. ಸ್ಟಾಕ್ ಫಾಕ್ಸ್ ರೂಫ್ ರೈಲ್‌ಗಳನ್ನು ಹಾಗೇ ಬಿಡಲಾಗಿದೆ, ಆದರೆ ರೂಫ್ ರ್ಯಾಕ್ ಅನ್ನು ಸೇರಿಸಲಾಗಿದೆ. ಸ್ಪೇರ್ ವೀಲ್ ಜೊತೆಗೆ, ರಾಕ್ನ ಮುಂಭಾಗದ ಭಾಗದಲ್ಲಿ ಆಕ್ಸಿಲರಿ ಲೈಟ್ ಭಾರ್ ಪಟ್ಟಿಯನ್ನು ಅಳವಡಿಸಲಾಗಿದೆ. ವಾಹನವು ಶೈನಿ ಬ್ಲೂ ಬಾಡಿಯೊಂದಿಗೆ ಕಂಗೊಳಿಸುತ್ತಿದ್ದು, ತಿಳಿ ಚಿನ್ನದ ಛಾವಣಿಯೊಂದಿಗೆ ಡ್ಯುಯಲ್-ಟೋನ್‌ಗಳಲ್ಲಿ ಚಿತ್ರಿಸಲಾಗಿದೆ.
Loading ...