ದೆಹಲಿ ಸಾರಿಗೆ ಸಂಸ್ಥೆ ಮತ್ತು ಪಶ್ಚಿಮ ಬಂಗಾಳ ಸಾರಿಗೆ ಸಂಸ್ಥೆಯಿಂದ ಎಲೆಕ್ಟ್ರಿಕ್ ಬಸ್ಗಳ ಆರ್ಡರ್ ಪಡೆದ ಟಾಟಾ ಮೋಟಾರ್ಸ್ ಇದೀಗ ಬೆಂಗಳೂರು ಮೆಟ್ರೋಪಾಲಿಟನ್ ಸಾರಿಗೆ ನಿಗಮದಿಂದ (ಬಿಎಂಟಿಸಿ) ಯಿಂದ 921 ಎಲೆಕ್ಟ್ರಿಕ್ ಬಸ್ಗಳ ಆರ್ಡರ್ ಪಡೆದುಕೊಂಡಿದೆ.
ಟೆಂಡರ್ ಅಡಿಯಲ್ಲಿ ಈ ಪ್ರಕ್ರಿಯೆ ನಡೆದಿದ್ದು, ಒಪ್ಪಂದದ ಪ್ರಕಾರ ಟಾಟಾ ಮೋಟಾರ್ಸ್ 12 ವರ್ಷಗಳ ಅವಧಿಗೆ 12-ಮೀಟರ್ ಎಲೆಕ್ಟ್ರಿಕ್ ಬಸ್ಗಳನ್ನು ಪೂರೈಸುತ್ತದೆ ಜೊತೆಗೆ ನಿರ್ವಹಿಸುತ್ತದೆ.
“ಟಾಟಾ ಸ್ಟಾರ್ ಬಸ್ ಸಸ್ಟೆನಬಲ್ ಮತ್ತು ಆರಾಮದಾಯಕ ಪ್ರಯಾಣಕ್ಕಾಗಿ ವಿನ್ಯಾಸಗೊಳಿಸಲಾದ ಉನ್ನತ ಮಟ್ಟದ ವಿನ್ಯಾಸ ಮತ್ತು ಅತ್ಯುತ್ತಮ ದರ್ಜೆಯ ವೈಶಿಷ್ಟ್ಯಗಳೊಂದಿಗೆ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ವಾಹನವಾಗಿದೆ ಎಂದು ಕಂಪನಿಯ ಹೇಳಿಕೆ ತಿಳಿಸಿದೆ.
ಬಿಎಂಟಿಸಿ ಎಂಡಿ ಜಿ. ಸತ್ಯವತಿ ಈ ಬಗ್ಗೆ ಪ್ರತಿಕ್ರಿಯೆ ನೀಡಿ “ಬೆಂಗಳೂರು ಸ್ವಚ್ಛ, ಸುಸ್ಥಿರ ನಗರವಾಗಿ ಬೆಳೆಯುತ್ತಿರುವ ಸಂದರ್ಭದಲ್ಲಿ ಸಾರ್ವಜನಿಕ ಸಾರಿಗೆ ಕ್ಷೇತ್ರಕ್ಕೆ ಈ ಆರ್ಡರ್ ಅತ್ಯುನ್ನತವಾಗಿದೆ ಎಂದಿದ್ದಾರೆ.
ಟಾಟಾ ಮೋಟಾರ್ಸ್ ಈಗಾಗಲೇ ದೆಹಲಿ ಸಾರಿಗೆ ಸಂಸ್ಥೆಯಿಂದ 1,500 ಎಲೆಕ್ಟ್ರಿಕ್ ಬಸ್, ಪಶ್ಚಿಮ ಬಂಗಾಳ ಸಾರಿಗೆ ಸಂಸ್ಥೆಯಿಂದ 1,180 ಎಲೆಕ್ಟ್ರಿಕ್ ಬಸ್ಗಳಿಗೆ ಕಳೆದ 30 ದಿನಗಳಲ್ಲಿ ಆರ್ಡರ್ ಸ್ವೀಕರಿಸಿದೆ.
ಈ ಯೋಜನೆಯು 12-ಮೀಟರ್ ಲೋ-ಫ್ಲೋರ್ ಎಸಿ, 12-ಮೀಟರ್ ಸ್ಟ್ಯಾಂಡರ್ಡ್-ಫ್ಲೋರ್ ನಾನ್-ಎಸಿ, 9-ಮೀಟರ್ ಸ್ಟ್ಯಾಂಡರ್ಡ್-ಫ್ಲೋರ್ ಎಸಿ ಮತ್ತು 9-ಮೀಟರ್ ಸ್ಟ್ಯಾಂಡರ್ಡ್-ಫ್ಲೋರ್ ನಾನ್-ಎಸಿ ಬಸ್ಗಳನ್ನು ಒಳಗೊಂಡಂತೆ ನಾಲ್ಕು ವರ್ಗಗಳ ಇ- ಬಸ್ಗಳ ಖರೀದಿಯನ್ನು ಒಳಗೊಳ್ಳುತ್ತದೆ.
Loading ...