ಲಸಿಕೆ ಕೊರತೆ ಹೊತ್ತಲ್ಲಿ ಹೊಸ ಭರವಸೆ ಮೂಡಿಸಿದೆ ಈ ಅಧ್ಯಯನ, ಕೊರೋನಾ ಸೋಂಕಿತರಿಗೆ ಸಿಂಗಲ್ ಡೋಸ್ ಸಾಕು

ಹೈದರಾಬಾದ್: ಕೊರೋನಾ ಸೋಂಕಿನಿಂದ ಗುಣಮುಖರಾದವರಿಗೆ ಒಂದೇ ಡೋಸ್ ಲಸಿಕೆ ಸಾಕು ಎಂದು ಅಧ್ಯಯನವೊಂದು ಹೇಳಿದೆ.

ಎಐಸಿ ಆಸ್ಪತ್ರೆ ಸೋಮವಾರ ಬಿಡುಗಡೆ ಮಾಡಿದ ಅಧ್ಯಯನದ ವರದಿಯಲ್ಲಿ, ಕೋವಿಡ್-19 ಸೋಂಕಿಗೆ ಒಳಗಾದ ಜನರಿಗೆ ಕೊರೋನಾ ಲಸಿಕೆ ಒಂದು ಡೋಸ್ ಮಾತ್ರ ಸಾಕಾಗುತ್ತದೆ. ಸೋಂಕು ಇಲ್ಲದವರಿಗೆ ಹೋಲಿಸಿದಲ್ಲಿ ಸೋಂಕು ತಗುಲಿದವರಲ್ಲಿ ಹೆಚ್ಚಿನ ಪ್ರತಿಕಾಯ ಸೃಷ್ಠಿಯಾಗಿರುತ್ತದೆ ಎಂದು ಹೇಳಲಾಗಿದ್ದು, ಇದು ದೇಶದಲ್ಲಿನ ಲಸಿಕೆ ಕೊರತೆಗೆ ಅನುಕೂಲವಾಗಲಿದೆ ಎಂದು ಅಧ್ಯಯನದಲ್ಲಿ ತೊಡಗಿದ್ದ ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ.

ಇಮ್ಯುನೊಲಾಜಿಕಲ್ ಮೆಮೊರಿ ಪ್ರತಿಕ್ರಿಯೆಯನ್ನು ನಿರ್ಣಯಿಸಲು ವಿನ್ಯಾಸಗೊಳಿಸಲಾದ ಅಧ್ಯಯನವನ್ನು ಜನವರಿ 16 ಮತ್ತು ಫೆಬ್ರವರಿ 5 ರ ನಡುವೆ ನಡೆಸಲಾಗಿದೆ. 260 ಆರೋಗ್ಯ ಕಾರ್ಯಕರ್ತರಿಗೆ ಲಸಿಕೆ ಹಾಕಲಾಗಿದ್ದು, ಇಂಟರ್ನ್ಯಾಷನಲ್ ಜರ್ನಲ್ ಆಫ್ ಸಾಂಕ್ರಾಮಿಕ ರೋಗಗಳ(ಪೀರ್-ರಿವ್ಯೂಡ್ ಜರ್ನಲ್) ಅನುಸಾರ ಎಲ್ಲಾ ರೋಗಿಗಳಿಗೆ ಕೋವಿಶೀಲ್ಡ್ ಲಸಿಕೆ ನೀಡಲಾಗಿದೆ.

ಲಸಿಕೆ ನೀಡಿದವರಲ್ಲಿ ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಮೊದಲನೆ ಗುಂಪಿನಲ್ಲಿ ಆರ್‌ಟಿ-ಪಿಸಿಆರ್ ನಲ್ಲಿ ಕೋವಿಡ್ ಪಾಸಿಟಿವ್ ಬಂದು ಚೇತರಿಸಿಕೊಂಡವರು, ಎರಡನೇ ಗುಂಪಿನಲ್ಲಿ ಆರ್‌ಟಿ-ಪಿಸಿಆರ್ ನೆಗೆಟಿವ್ ಕಂಡುಬಂದವರು ಎಂದು ವರ್ಗೀಕರಿಸಲಾಗಿದೆ.

ಈ ಹಿಂದೆ ಸೋಂಕಿತರಾಗಿದ್ದವರಿಗೆ ಲಸಿಕೆಯ ಒಂದು ಡೋಸ್‌ ಗೆ ಹೆಚ್ಚಿನ ಪ್ರತಿಕಾಯ ಕಂಡು ಬಂದಿದೆ. ಲಸಿಕೆಯ ಒಂದು ಡೋಸ್‌ನಿಂದ ಹೊರಹೊಮ್ಮುವ ಮೆಮೊರಿ ಟಿ-ಸೆಲ್ ಪ್ರತಿಕ್ರಿಯೆಗಳು ಈ ಹಿಂದೆ ಸೋಂಕಿತ ಗುಂಪಿನಲ್ಲಿ ಯಾವುದೇ ಮೊದಲಿನ ಸೋಂಕನ್ನು ಹೊಂದಿರದವರೊಂದಿಗೆ ಹೋಲಿಸಿದರೆ ಗಮನಾರ್ಹವಾಗಿ ಹೆಚ್ಚಿವೆ. ಪರೀಕ್ಷೆಯಲ್ಲಿ ನೆಗೆಟಿವ್ ಬಂದವರಿಗಿಂತ ಸೋಂಕು ಬಂದು ಗುಣಮುಖರಾದವರಲ್ಲಿ ಮೊದಲ ಡೋಸ್ ಹೆಚ್ಚಿನ ಪ್ರತಿಕಾಯ ಸೃಷ್ಠಿಸಿದೆ ಎನ್ನಲಾಗಿದೆ.

ಕೋವಿಡ್ -19 ನಿಂದ ಚೇತರಿಸಿಕೊಂಡ ನಂತರ ಮೂರರಿಂದ ಆರು ತಿಂಗಳುಗಳಲ್ಲಿ ನೀಡಲಾದ ಲಸಿಕೆಯ ಒಂದು ಡೋಸ್‌ ನೊಂದಿಗೆ ಹೆಚ್ಚಿನ ಪ್ರತಿಕಾಯ ಪ್ರತಿಕ್ರಿಯೆ ಜೊತೆಗೆ ಹೆಚ್ಚಿನ ಮೆಮೊರಿ ಟಿ ಮತ್ತು ಬಿ-ಸೆಲ್ ಪ್ರತಿಕ್ರಿಯೆಗಳನ್ನು ಎರಡು ಡೋಸ್ ಲಸಿಕೆಗಳಿಗೆ ಸಮನಾಗಿ ಪರಿಗಣಿಸಬಹುದು ಎಂದು ತೀರ್ಮಾನಿಸಲಾಗಿದೆ.

ಎಐಜಿ ಆಸ್ಪತ್ರೆಗಳ ಅಧ್ಯಕ್ಷ ಮತ್ತು ಅಧ್ಯಯನದ ಸಹ ಲೇಖಕರಲ್ಲಿ ಒಬ್ಬರಾದ ಡಾ.ಡಿ. ನಾಗೇಶ್ವರ ರೆಡ್ಡಿ ಅವರ ಪ್ರಕಾರ, ಕೋವಿಡ್ -19 ಸೋಂಕಿಗೆ ಒಳಗಾದವರು ಒಂದೇ ಡೋಸ್ ಆಗಿ ಎರಡು ಡೋಸ್ ಲಸಿಕೆಗಳನ್ನು ತೆಗೆದುಕೊಳ್ಳಬೇಕಾಗಿಲ್ಲ ಎಂದು ಫಲಿತಾಂಶಗಳು ತೋರಿಸುತ್ತವೆ. ಸೋಂಕನ್ನು ಪಡೆಯದವರಿಗೆ ಮೆಮೊರಿ ಕೋಶದ ಪ್ರತಿಕ್ರಿಯೆ ಎರಡು ಡೋಸ್‌ಗಳಿಗೆ ಸಮನಾಗಿರುತ್ತದೆ.

ಈ ಅಧ್ಯಯನವು ಒಟ್ಟಾರೆ ಲಸಿಕೆ ಕೊರತೆ ನೀಡಿಕೆ ಮೇಲೆ ಬೀರಬಹುದಾದ ಪರಿಣಾಮದ ಕುರಿತು ಪ್ರತಿಕ್ರಿಯೆ ನೀಡುವಂತಿದೆ. ದೇಶದಲ್ಲಿ ಲಸಿಕೆಗಳ ಕೊರತೆಯಿರುವ ಸಮಯದಲ್ಲಿ ಈ ವರದಿ ಗಮನಾರ್ಹವಾಗಿದೆ. ಲಸಿಕೆ ಉಳಿಸಿದ ಪ್ರಮಾಣವನ್ನು ಬಳಸಿಕೊಂಡು ಹೆಚ್ಚಿನ ಜನರಿಗೆ ಲಸಿಕೆ ನೀಡಬಹುದು ಎಂದು ರೆಡ್ಡಿ ಹೇಳಿದ್ದಾರೆ.

ಅಗತ್ಯವಾದ ಜನರಿಗೆ ಲಸಿಕೆ ಹಾಕಿದ ನಂತರ, ಸೋಂಕಿಗೆ ಒಳಗಾದ ಮತ್ತು ಕೇವಲ ಒಂದು ಡೋಸ್ ಪಡೆದ ಈ ರೋಗಿಗಳು ಲಸಿಕೆಯ ಎರಡನೇ ಡೋಸ್ ತೆಗೆದುಕೊಳ್ಳಬಹುದು ಎಂದು ವರದಿ ತಿಳಿಸಿದೆ.