ಶಾಲೆಗೆ ತಡವಾಗಿ ಬಂದರೆ, ಕೊಟ್ಟ ಅಸೈನ್ ಮೆಂಟ್ ಮಾಡದಿದ್ದರೆ, ಕೀಟಲೆ ಮಾಡಿದ್ದರೆ ಶಾಲೆಯಲ್ಲಿ ಶಿಕ್ಷೆ ನೀಡುವ ಸಂಪ್ರದಾಯ ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೆ, ಇಲ್ಲೊಂದು ಶಾಲೆಯಲ್ಲಿ ವಿದ್ಯಾರ್ಥಿನಿ ತನ್ನ ಐಪ್ಯಾಡ್ನಲ್ಲಿ ಶೇ.93 ಬ್ಯಾಟರಿ ಚಾರ್ಜ್ನೊಂದಿಗೆ ಶಾಲೆಗೆ ಆಗಮಿಸಿದ್ದಕ್ಕೆ ಶಿಕ್ಷೆಗೆ ಒಳಗಾಗಿದ್ದಾಳೆ.
ವಿದ್ಯಾರ್ಥಿನಿಯ ತಾಯಿ ಶಾಲೆಯಲ್ಲಿನ ನಡೆದ ಘಟನೆಯನ್ನು ಟ್ವೀಟರ್ ಮೂಲಕ ಹಂಚಿಕೊಂಡಿದ್ದು, ದಿಗ್ಭ್ರಮೆ ವ್ಯಕ್ತಪಡಿಸಿದ್ದಾರೆ. ನನ್ನ ಮಗಳಿಗೆ ಶಾಲೆಗೆ ಬಾರದಂತೆ ಡಿಟೆನ್ಷನ್ ಶಿಕ್ಷೆ ವಿಧಿಸಲಾಯಿತು. ಏಕೆಂದರೆ ಶಾಲೆಗೆ ಬಂದಾಗ ಅವಳ ಐಪ್ಯಾಡ್ 93 ಪ್ರತಿಶತದಷ್ಟು ಚಾರ್ಜ್ ಇತ್ತು ಎಂದು ಸೆಲೀನಾ ಎಂಬ ಪೋಷಕರು ಹೇಳಿಕೊಂಡಿದ್ದಾರೆ.
ವಿದ್ಯಾಥಿರ್ಗಳು ಶಾಲೆಗೆ ಬರುವಾಗ ಐ ಪ್ಯಾಡ್ ಚಾರ್ಜ್ ಕನಿಷ್ಠ ಶೇ.97 ಚಾರ್ಜ್ ಇರಬೇಕೆಂದು ಶಾಲೆಯಿಂದ ಪೋಷಕರಿಗೆ ತಿಳಿಸಲಾಗಿತ್ತು. ಅಷ್ಟು ಚಾರ್ಜ್ ಇಲ್ಲದ ಕಾರಣ ತಮ್ಮ ಮಗಳನ್ನು ಹೊರಗೆ ಹಾಕಿದ್ದಕ್ಕೆ ತಾಯಿ ಸಿಟ್ಟಾಗಿದ್ದಾರೆ. ಅಂತಹ ಅಸಂಬದ್ಧ ಆದೇಶವನ್ನು ಯಾರಾದರೂ ಕೇಳಿದ್ದೀರಾ? ಎಂದು ತಾಯಿ ಟ್ವಿಟ್ಟರ್ನಲ್ಲಿ ಪ್ರಶ್ನಿಸಿದ್ದಾರೆ. ಹಾಗೆಯೇ ಶಾಲೆಯ ಅಧಿಕಾರಿಗಳಿಗೆ ತಾವು ಕಳಿಸಿದ ಪತ್ರದ ಸ್ಕ್ರೀನ್ ಶಾಟ್ ಅನ್ನೂ ಸಹ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು. ಶಾಲೆಯಿಂದ ವಿವರಣೆ ಕೂಡ ಕೇಳಿದ್ದಾರೆ.
https://twitter.com/Tackela/status/1542256432501899268?ref_src=twsrc%5Etfw%7Ctwcamp%5Etweetembed%7Ctwterm%5E1542262755998289921%7Ctwgr%5E%7Ctwcon%5Es2_&ref_url=https%3A%2F%2Fwww.news18.com%2Fnews%2Fbuzz%2Fstudent-punished-for-arriving-with-93-percent-battery-in-her-ipad-at-uk-school-5492311.html
Loading ...