ಇಂಧನ ಉಳಿಸುವುದಕ್ಕೂ ಟೈ ಕಟ್ಟಿಕೊಳ್ಳುವುದಕ್ಕೂ ಸಂಬಂಧವಿದೆಯೇ ? ಸಂಬಂಧವಿದೆ ಎಂದು ಪ್ರಧಾನಿ ತಮ್ಮ ದೇಶದ ಜನರಿಗೆ ತಿಳಿಯಪಡಿಸಿದ್ದಾರೆ.
ಸ್ಪೇನ್ನ ಪ್ರಧಾನಮಂತ್ರಿ ಪೆಡ್ರೊ ಸ್ಯಾಂಚೆಜ್ ತನ್ನ ದೇಶದ ನಾಗರಿಕರನ್ನು ಎನರ್ಜಿ (ವಿದ್ಯುತ್) ಉಳಿಸಲು ನೆಕ್ ಟೈ ಧರಿಸುವುದನ್ನು ತ್ಯಜಿಸುವಂತೆ ಮನವಿ ಮಾಡಿದ್ದಾರೆ. ಟೈ ಇಲ್ಲದೆ ನೀಲಿ ಬ್ಲೇಜರ್ ಮತ್ತು ಬಿಳಿ ಶರ್ಟ್ ಧರಿಸಿ ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ಕಾಣಿಸಿಕೊಂಡ ಪ್ರಧಾನಿ ಸ್ವತಃ ಉದಾಹರಣೆಯನ್ನು ಸಹ ನೀಡುತ್ತಿದ್ದರು.
ಸುದ್ದಿಗಾರರು ಮುಂದೆ ಮಾತು ಆರಂಭಿಸುವ ಮುನ್ನ ಅವರು ಸ್ವತಃ ಟೈ ಧರಿಸಿಲ್ಲ ಎಂಬುದನ್ನು ಎಲ್ಲರೂ ಗಮನಿಸಿದರು, ಎನರ್ಜಿ ಉಳಿತಾಯ ವಿಷಯದಲ್ಲಿ ಪ್ರತಿಯೊಬ್ಬರೂ ಪ್ರಯತ್ನ ಮಾಡಬಹುದು. ಟೈ ಅಗತ್ಯವಿಲ್ಲದಿದ್ದಾಗ ಬಳಸಬೇಡಿ, ಏಕೆಂದರೆ ಈ ರೀತಿಯಲ್ಲೂ ನಾವು ನಮ್ಮ ದೇಶಕ್ಕೆ ಅಗತ್ಯವಾದ ವಿದ್ಯುತ್ ಉಳಿಸೋಣ ಎಂದು ಹೇಳಿದರು.
ಟೈ ಬಳಸದಿರುವ ಸೂಚಿಸುವ ಹಿಂದಿನ ಕಲ್ಪನೆಯೆಂದರೆ, ಟೈ ಬಳಸದೇ ಇರುವುದರಿಂದ ಎಸಿ ಬಳಕೆಯನ್ನು ಸಹ ಕಡಿಮೆ ಮಾಡುತ್ತದೆ. ಇದು ವಿದ್ಯುತ್ ಉಳಿತಾಯಕ್ಕೆ ಸಹಾಯ ಮಾಡುತ್ತದೆ.
ಸ್ಪೇನ್ನಲ್ಲಿ ತಾಪಮಾನವು ನಿರಂತರವಾಗಿ ಏರುತ್ತಿರುವ ಸಮಯದಲ್ಲಿ ಪೆಡ್ರೊ ಸ್ಯಾಂಚೆಜ್ ಅವರ ಪ್ರತಿಕ್ರಿಯೆ ಬಂದಿವೆ. ಈ ವಾರ ಶುಕ್ರವಾರ ಮ್ಯಾಡ್ರಿಡ್ನಲ್ಲಿ ತಾಪಮಾನವು 36 ಡಿಗ್ರಿ ಸೆಲ್ಸಿಯಸ್ಗೆ ಮತ್ತು ಆಂಡಲೂಸಿಯಾದ ಸೆವಿಲ್ಲೆಯಲ್ಲಿ 39 ಡಿಗ್ರಿ ಸೆಲ್ಸಿಯಸ್ಗೆ ಏರಿಕೆಯಾಗಿತ್ತು.
ರಷ್ಯಾ- ಉಕ್ರೇನ್ ಯುದ್ಧದ ಜೊತೆಗೆ ಯುರೋಪ್ನಲ್ಲಿನ ಪ್ರತಿಕೂಲ ಹವಾಮಾನ ಪರಿಸ್ಥಿತಿಗಳು ಸ್ಪೇನ್ನಾದ್ಯಂತ ವಿದ್ಯುತ್ ವೆಚ್ಚವನ್ನು ಹೆಚ್ಚಿಸುತ್ತಿವೆ.
Loading ...