ತಮ್ಮ ಮಾನವೀಯ ಕಾರ್ಯಗಳ ಮೂಲಕ ಮತ್ತೊಮ್ಮೆ ಸೋಶಿಯಲ್ ಮೀಡಿಯಾದಲ್ಲಿ ಲಕ್ಷಾಂತರ ನೆಟ್ಟಿಗರ ಮನಸ್ಸನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಬಾರಿ ಸೋನು ಸೂದ್ ನೀಲಾಂಜನಾ ಎಂಬ ಬಾಲಕಿಗೆ ಸೈಕಲ್ನ್ನು ಉಡುಗೊರೆಯಾಗಿ ನೀಡುವ ಮೂಲಕ ಆಕೆ ಶಾಲೆಗೆ ತೆರಳಲು ಸಹಾಯ ಮಾಡುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.
ಸಾಮಾಜಿಕ ಕಾರ್ಯಕರ್ತ ವಿಕಾಶ್ ಕುಮಾರ್ ಗುಪ್ತಾ ಟ್ವಿಟರ್ನಲ್ಲಿ ಸುದೀರ್ಘ ಟಿಪ್ಪಣಿಯನ್ನು ಬರೆಯುವ ಮೂಲಕ ಸೋನು ಸೂದ್ರ ಮಾನವೀಯ ಕಾರ್ಯವನ್ನು ಬೆಳಕಿಗೆ ತಂದಿದ್ದಾರೆ. ಬಾಲಕಿಯ ಶಿಕ್ಷಣ ಪಡೆಯುವ ಕನಸಿಗೆ ನೀರೆರೆದ ಸೋನು ಸೂದ್ಗೆ ವಿಕಾಶ್ ಧನ್ಯವಾದ ಅರ್ಪಿಸಿದ್ದಾರೆ. ಟ್ವಿಟರ್ನಲ್ಲಿ ವಿಕಾಶ್ ಶೇರ್ ಮಾಡಿರುವ ಫೋಟೋದಲ್ಲಿ ಶಾಲಾ ಸಮವಸ್ತ್ರ ಧರಿಸಿರುವ ಬಾಲಕಿಯು ಸೈಕಲ್ ಹಿಡಿದು ಮಂದಹಾಸ ಬೀರಿದ್ದಾಳೆ.
ಹಿಂದಿಯಲ್ಲಿ ಶೀರ್ಷಿಕೆಯನ್ನು ಬರೆದಿರುವ ವಿಕಾಶ್, ನಾನು ಎಲ್ಲರಿಗಿಂತ ಉತ್ತಮ ಎಂದು ಹೇಳಿದರೆ ಅದರಿಂದ ಪ್ರಯೋಜನವೇನಿಲ್ಲ. ಆದರೆ ಯಾರಿಗಾಗಿಯಾದರೂ ನಾವು ಉತ್ತಮ ಕಾರ್ಯ ಮಾಡಿದರೆ ಅದರಿಂದ ಪ್ರಯೋಜನವಿದೆ. ನಟ ಸೋನು ಸೂದ್, ನೀಲಾಂಜನಾ ಎಂಬ ಬಾಲಕಿಗೆ ಸೈಕಲ್ ನೀಡಿ ಆಕೆ ಶಾಲೆಗೆ ಹೋಗಲು ನೆರವಾಗಿದ್ದಾರೆ. ಸೋನು ಸೂದ್ಗೆ ಧನ್ಯವಾದಗಳು ಎಂದು ಬರೆದಿದ್ದಾರೆ.
ಇದಕ್ಕೆ ಪ್ರತಿಕ್ರಿಯಿಸಿರುವ ಸೋನು ಸೂದ್, ಒಂದು ದಿನ ನಾನು ನೀಲಾಂಜನಾ ಸೈಕಲ್ನಲ್ಲಿ ಆಕೆಯ ಜೊತೆ ಶಾಲೆಗೆ ಹೋಗುತ್ತೇನೆ ಎಂದಿದ್ದಾರೆ. ಸೋನು ಸೂದ್ ಕಾರ್ಯಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.
Loading ...