ಸಾಂಕ್ರಾಮಿಕ ರೋಗ, ಆನ್ ಲೈನ್ ತರಗತಿ ಮತ್ತು ಸೈಬರ್ ಅಪರಾಧದಂತಹ ಇತರ ಸಮಸ್ಯೆಗಳ ಪ್ರಸ್ತುತ ಸಂದರ್ಭದಲ್ಲಿ ಬೆಂಗಳೂರಿನ 7 ವರ್ಷದ ಹುಡುಗಿ ತನ್ನ ಸಮಯ ಕಳೆದ ಬಗ್ಗೆ ಪುಸ್ತಕ ಬರೆದು ಪ್ರಕಟಿಸಿದ್ದಾಳೆ.
ಬೆಂಗಳೂರಿನ ಜಿಯಾ ಗಂಗಾಧರ್ ಎಂಬ 7 ವರ್ಷದ ಹುಡುಗಿ, ‘ಎಲ್ ಈಸ್ ಲಾಕ್‌ಡೌನ್’ ಪುಸ್ತಕ ಪ್ರಕಟಿಸಿದ್ದಾಳೆ. ಜಿಯಾ ಅವರ ಜರ್ನಲ್ ಆಫ್ ಲಾಕ್ ಡೌನ್ ಲೆಸೆನ್ ಗಳು ಸಾಕಷ್ಟು ಮೆಚ್ಚುಗೆಗೆ ಪಾತ್ರವಾಗಿವೆ.
ವಿದ್ಯಾರ್ಥಿನಿಯ ಬೋಧಕರಾದ ದಿವ್ಯಾ ಎ.ಎಸ್. ಅವರು ಪುಸ್ತಕವನ್ನು ಪ್ರಕಟಿಸಲು ಸಹಾಯ ಮಾಡಿದ್ದಾರೆ. ದಿವ್ಯಾ ಪುಸ್ತಕ ಪ್ರಕಟಣೆಗಾಗಿ ಪ್ರಕಾಶಕರನ್ನು ಹುಡುಕಲು ಬಾಲಕಿ ಜಿಯಾಗೆ ಸಹಾಯ ಮಾಡಿದ್ದಾರೆ. ಈ ಪುಸ್ತಕವನ್ನು ಕಾಲ್ಪನಿಕವಲ್ಲದ ಎಂದು ವರ್ಗೀಕರಿಸಲಾಗಿದೆ, ಇದು ಅಮೆಜಾನ್ ಇಂಡಿಯಾದಲ್ಲಿ 158 ರೂ.ಗೆ ಲಭ್ಯವಿದೆ.
ಅಮೆಜಾನ್ ವಿವರಣೆಯ ಪ್ರಕಾರ,
ಇದರಲ್ಲಿನ ಅಧ್ಯಾಯಗಳು ಜಿಯಾ ಅವರ ಅನುಭವವನ್ನು ಆಧರಿಸಿವೆ. ಅಧ್ಯಾಯಗಳು ಜಿಯಾ ಅವರ ರೋಮಾಂಚಕಾರಿ ಮತ್ತು ವಿನೋದಮಯವಲ್ಲದ ಅನುಭವಗಳನ್ನು ಕಟ್ಟಿಕೊಡುತ್ತವೆ. ಒಂದು ವರ್ಷ ಪೂರ್ತಿ ಆನ್ ಲೈನ್ ಕ್ಲಾಸ್, ಮನೆಯಲ್ಲಿ ಕಳೆದ ಸಮಯದ ಬಗ್ಗೆ ವಿವರಿಸುತ್ತವೆ. ಹೊಸ ಅನಿಶ್ಚಿತತೆಯನ್ನು ನಿಭಾಯಿಸುವ ಆಕೆಯ ಕಾರ್ಯತಂತ್ರಗಳನ್ನು ಕೂಡ ವಿವರಿಸುತ್ತದೆ. ಜಿಯಾ ಅವರ ದಿನಚರಿಯನ್ನು ಅವರ ತಾಯಿ ಓದಿ ಮತ್ತು ಪುಸ್ತಕ ಬರೆಯಲು ಪ್ರೋತ್ಸಾಹಿಸಿದ ನಂತರ ಸೃಜನಾತ್ಮಕವಾಗಿ ಬರೆಯಲು ಪ್ರಾರಂಭಿಸಿದ್ದಾಳೆ. ಪುಸ್ತಕವು 7 ವರ್ಷದ ಮಗುವಿನ ದೃಷ್ಟಿಕೋನವನ್ನು ತೋರಿಸುತ್ತದೆ, ಇದರಲ್ಲಿ ಅವಳ ಸಂವಹನ, ಆನ್ಲೈನ್ ಆಟಗಳನ್ನು ಆಡಲು ಕಲಿಯುವುದು ಮತ್ತು ಸೈಬರ್ ಅಪರಾಧದ ಅಡಿಪಾಯವನ್ನು ಕಲಿಯುವುದು ಒಳಗೊಂಡಿದೆ.
ಲಾಕ್ ಡೌನ್ ಘೋಷಿಸಿದ ತಕ್ಷಣ ತಮ್ಮ ಆನ್ ಲೈನ್ ತರಗತಿಗಳನ್ನು ಪ್ರಾರಂಭಿಸಿದ್ದು, ಮನೆಯಲ್ಲಿದ್ದ ಕಾರಣ ಸಾಕಷ್ಟು ಸಮಯವಿತ್ತು. ಪ್ರತಿ ನಿತ್ಯದ ಕ್ಷಣವನ್ನು ಆಳವಾಗಿ ತಿಳಿದುಕೊಳ್ಳುವ ಅವಕಾಶವನ್ನು ಒದಗಿಸಿತು. ಶಾಲೆಗೆ ಹೋಗಿದ್ದರೆ ಅವಳಿಗೆ ಬರೆಯಲು ಸಾಧ್ಯವಾಗುತ್ತಿರಲಿಲ್ಲ. ಮನೆಯಲ್ಲಿರುವುದರಿಂದ ಆಕೆಯ ಪೋಷಕರು ಎಲ್ಲದಕ್ಕೂ ಸಹಾಯ ಮಾಡಿದರು ಎಂದು ಬಾಲಕಿ ಜಿಯಾ ಹೇಳಿದ್ದಾಳೆ. ಬರೆಯುವುದನ್ನು ಮುಂದುವರಿಸಲು ಮತ್ತು ಲೇಖಕರಾಗಲು ಬಯಸುತ್ತೇನೆ ಎಂದು ತಿಳಿಸಿದ್ದಾಳೆ.
ಜೀಯಾ ಗಂಗಾಧರ್ ತನ್ನ ಭವಿಷ್ಯದ ಗುರಿ ಯೂಟ್ಯೂಬರ್ ಆಗುವುದು ಮತ್ತು ಗೇಮಿಂಗ್ ವ್ಲಾಗ್‌ ಗಳನ್ನು ಮಾಡುವುದು ಎಂದು ಹೇಳಿಕೊಂಡಿದ್ದಾಳೆ. ಜಿಯಾ ಪ್ರಸ್ತುತ ತನ್ನ ಎರಡನೇ ಕಾದಂಬರಿಯನ್ನು ಬರೆಯಲು ತಯಾರಿ ನಡೆಸುತ್ತಿದ್ದಾಳೆ.
ಇದರ ಜೊತೆಯಲ್ಲಿ, 10 ವರ್ಷದ ಕೋಲ್ಕತ್ತಾದ ಹುಡುಗ ರೇಯಾನ್ಶ್ ದಾಸ್ ಇತ್ತೀಚೆಗೆ ಮಾಧ್ಯಮಗಳ ಕಣ್ಣಿಗೆ ಬಿದ್ದಿದ್ದಾನೆ. ದಿ ಯೂನಿವರ್ಸ್: ದಿ ಪಾಸ್ಟ್, ಪ್ರೆಸೆಂಟ್ ಮತ್ತು ಫ್ಯೂಚರ್ ಎಂಬ ಖಗೋಳ ಭೌತಶಾಸ್ತ್ರ ಪುಸ್ತಕವನ್ನು ಪ್ರಕಟಿಸಿದ್ದಾನೆ. ರೇಯಾನ್ಶ್ ಸರಿಸುಮಾರು 5 ವರ್ಷ ವಯಸ್ಸಿನವನಾಗಿದ್ದಾಗ, ಅವನು ಖಗೋಳದ ಬಗ್ಗೆ ಆಕರ್ಷಿತನಾಗಿದ್ದನು. ಬಾಹ್ಯಾಕಾಶ, ನಕ್ಷತ್ರಗಳು, ಸೂರ್ಯ ಮತ್ತು ಇತರ ಖಗೋಳ ವಿದ್ಯಮಾನಗಳ ಬಗ್ಗೆ ಪ್ರಶ್ನೆಗಳನ್ನು ಕೇಳಲಾರಂಭಿಸಿದನು. ಭೌತಿಕವಾಗಿ ಅನ್ವೇಷಿಸಲು ಅನುವು ಮಾಡಿಕೊಂಡು ತಾನು ಗಗನಯಾತ್ರಿ ಆಗಲು ಬಯಸುತ್ತೇನೆ ಎಂದು ರೇಯಾನ್ಶ್ ಹೇಳಿದ್ದಾನೆ.
Loading ...