ಉದ್ಯೋಗವಿಲ್ಲದೆ ಸಿಲಿಂಡರ್​ ಡೆಲಿವರಿ ಮಾಡುವ ವಿಜ್ಞಾನ ಪದವೀಧರ

ಕೋವಿಡ್​ ಹಾಗೂ ಹಣದುಬ್ಬರ ಏರಿಕೆಯಂತಹ ಸಮಸ್ಯೆ ನಡುವೆ ನಿರುದ್ಯೋಗ ಸಮಸ್ಯೆ ಹೆಚ್ಚಾಗಿದ್ದು, ಪದವೀಧರರು ಅಕುಶಲ ಕೆಲಸ ಮಾಡಬೇಕಾದ ಅನೇಕ ಉದಾಹರಣೆಗಳು ಕಣ್ಣಮುಂದೆ ಇದೆ.

ಲಿಂಕ್ಡ್​ ಇನ್​ ಬಳಕೆದಾರರೊಬ್ಬರು ಗುರುಗ್ರಾಮ್​ನಲ್ಲಿರುವ ಮನೆಗಳಿಗೆ ಗ್ಯಾಸ್​ ಸಿಲಿಂಡರ್​ಗಳನ್ನು ತಲುಪಿಸುವ ಮೂಲಕ ಜೀವನ ಸಾಗಿಸುವ ವಿಜ್ಞಾನ ಪದವೀಧರನ ಕಷ್ಟಗಳನ್ನು ಹಂಚಿಕೊಂಡಿದ್ದಾರೆ.

ಯುಪಿಯ ಸುಲ್ತಾನ್​ಪುರದ ಹಳ್ಳಿಯಿಂದ ಬಂದ 24 ವರ್ಷದ ಸಂದೀಪ್​ ಯಾದವ್​ ದಿನಕ್ಕೆ 25 ರಿಂದ 30 ಗ್ಯಾಸ್​ ಸಿಲಿಂಡರ್​ಗಳನ್ನು ವಿತರಿಸುತ್ತಾರೆ, ತಿಂಗಳಿಗೆ 12,000 ಗಳಿಸುವ ಕತೆಯನ್ನು ರಾಜೇಶ್​ ಸಿಂಗ್​ ಅವರು ಹಂಚಿಕೊಂಡಿದ್ದಾರೆ.

ಈ ಕೆಲಸವನ್ನು ಏಕೆ ಆಯ್ಕೆ ಮಾಡಿಕೊಂಡಿರಿ ಎಂದು ಪ್ರಶ್ನಿಸಿದರೆ, “ಏಕೆಂದರೆ ನಾನು ಇದನ್ನು ಪಡೆಯಲು ಯಶಸ್ವಿಯಾಗಿದ್ದೇನೆ” ಎಂದು ಆತ ಉತ್ತರಿಸಿದ್ದಾರೆ.

ರಾಜೇಶ್​ ಮಾಸಿಕ ಉಳಿತಾಯದ ಬಗ್ಗೆ ಮತ್ತಷ್ಟು ವಿಚಾರಿಸಿದಾಗ, ವಯಸ್ಸಾದ ತಂದೆ-ತಾಯಿಯನ್ನು ನೋಡಿಕೊಳ್ಳಬೇಕು. ಈ ಕಾರಣಕ್ಕಾಗಿ, ಅವರಿಗೆ 8,000 ರೂ.ಗಳನ್ನು ಕಳುಹಿಸುತ್ತಾರೆ ಮತ್ತು ಕೇವಲ 4,000 ರೂ. ಗಳಲ್ಲಿ ಸ್ವತಃ ಜೀವನ ಸಾಗಿಸುತ್ತೇನೆ ಎಂದು ಹೇಳಿಕೊಂಡಿದ್ದಾರೆ.

ಸಂದೀಪ್​ ಅವರು ಇನ್ನೂ 20 ಜನರ ಗುಂಪಿನಲ್ಲಿ ಒಟ್ಟಿಗೆ ಇರುತ್ತಾರೆ, ಅದು ಅವರಿಗೆ ಬದುಕಲು ಸಹಾಯ ಮಾಡುತ್ತದೆ ಎಂದು ಹೇಳಿದರು. ಕೆಲಸ ಕೊಡಿಸಲು ಪ್ರಯತ್ನಿಸುತ್ತಿದ್ದೇನೆ ಎಂದು ಸಿಂಗ್​ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.