ಚಿಕ್ಕ ಮಕ್ಕಳಿದ್ದಾಗ ನಾವು ಕೂಡ ಪೋಷಕರೊಂದಿಗೆ ಕುಳಿತು ಮ್ಯಾಜಿಕ್ ಶೋಗಳನ್ನು ನೋಡುತ್ತಾ ಇದ್ದುದು ನಿಮಗೆ ನೆನಪಿದ್ದಿರಬಹುದು. ಮ್ಯಾಜಿಕ್ ಶೋಗಳನ್ನು ನೋಡಿದ ಬಳಿಕ ನಾವು ಕೂಡ ಮ್ಯಾಜಿಷಿಯನ್ಗಳಂತೆ ಜಾದೂಗಳನ್ನು ಮಾಡಲು ಯತ್ನಿಸಿದ್ದೂ ಸಹ ನಿಮಗೆ ನೆನಪಿದ್ದಿರಬಹುದು. ಎಷ್ಟೇ ಪ್ರಯತ್ನಪಟ್ಟರೂ ಜಾದೂಗಾರನಂತೆ ಜಾದೂ ಮಾಡಲು ಸಾಧ್ಯವಾಗುತ್ತಿರಲಿಲ್ಲ.
ಆದರೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ವಿಡಿಯೋವೊಂದರಲ್ಲಿ ಪುಟ್ಟ ಬಾಲಕನೊಬ್ಬ ಜಾದೂ ಪ್ರದರ್ಶಿಸಿದ್ದು ಈ ವಿಡಿಯೋ 128 ಮಿಲಿಯನ್ಗೂ ಅಧಿಕ ವೀವ್ಸ್ ಸಂಪಾದಿಸಿದೆ.
ಈ ಪುಟ್ಟ ಜಾದೂಗಾರ ತನ್ನ ಸಹಪಾಠಿಗಳ ಜೊತೆಯಲ್ಲಿ ಶಾಲೆಯಲ್ಲಿ ಇದ್ದಾಗ ಈ ವಿಡಿಯೋವನ್ನು ಚಿತ್ರೀಕರಿಸಲಾಗಿದೆ. ಎರಡು ಪುಟ್ಟ ಕಲ್ಲುಗಳನ್ನು ಕೈಯಲ್ಲಿ ಹಿಡಿದ ಬಾಲಕ ಒಂದೊಂದು ಕೈಯಲ್ಲಿ ಒಂದೊಂದು ಕಲ್ಲುಗಳನ್ನು ಹಿಡಿದುಕೊಂಡಿರುತ್ತಾನೆ. ಕಣ್ಮುಚ್ಚಿ ತೆರೆಯೋಷ್ಟರಲ್ಲಿ ಎರಡೂ ಕೈಯಲ್ಲಿದ್ದ ಕಲ್ಲುಗಳು ಒಂದೇ ಕೈಯಿಗೆ ಬಂದಿರುತ್ತದೆ. ಬಾಲಕನ ಈ ಟ್ಯಾಲೆಂಟ್ಗೆ ಎಲ್ಲರೂ ಫಿದಾ ಆಗಿದ್ದಾರೆ.
Loading ...