ಗಿನ್ನಿಸ್ ದಾಖಲೆ ಮಾಡಿದ ಎತ್ತರದ ಬೆಕ್ಕನ್ನು ಚಿರತೆ ಎಂದುಕೊಳ್ಳುವ ಜನ…!

ಅಮೇರಿಕಾದ ಮಿಚಿಗನ್​ನ ಫಾರ್ಮಿಂಗ್ಟನ್ ಹಿಲ್ಸ್​ನಲ್ಲಿ ಅತಿ ದೊಡ್ಡ ಗಾತ್ರದ ಬೆಕ್ಕು ಡಾ ವಿಲಿಯಂ ಜಾನ್​ ಪವರ್ಸ್​ ಜೊತೆ ವಾಸಿಸುತ್ತಿದೆ. ಫೆನ್ರಿರ್​ ಅಂಟಾರೆಸ್​ ಪರ್ವಸ್ ಎಂಬ ಹೆಸರಿನಲ್ಲಿರುವ ಸವನ್ನಾ ತಳಿಯ ಅಕಾಟ್​ ಗಿನ್ನೆಸ್​ ಬುಕ್​ ಆಫ್​ ವರ್ಲ್ಡ್​ ರೆಕಾರ್ಡ್ಸ್​ನಿಂದ ವಿಶ್ವದ ಅತಿ ಎತ್ತರದ ದೇಶೀಯ ಬೆಕ್ಕು ಎಂದು ಅಧಿಕೃತವಾಗಿ ಗುರುತಿಸಲ್ಪಟ್ಟಿದೆ.

ಇದು ದೊಡ್ಡ ಗಾತ್ರದಲ್ಲಿ ಬೆರಗುಗೊಳಿಸುವಂತಿದ್ದು, 47.83 ಸೆಂ (18.83 ಇಂಚುಗಳು) ಅನ್ನು ಅಳತೆ ಹೊಂದಿದೆ.

ಈ ತಳಿಯು ವಾಸ್ತವವಾಗಿ ದೇಶೀಯ ಬೆಕ್ಕು ಮತ್ತು ಸರ್ವಲ್​ನ ಮಿಶ್ರ ತಳಿಯಾಗಿದೆ, ಇದು ಮಧ್ಯಮ ಗಾತ್ರದ್ದಾಗಿದ್ದು ಆಫ್ರಿಕನ್​ ಬೆಕ್ಕನ್ನು ಹೋಲುತ್ತದೆ.

ಇದು ಅಸಾಧಾರಣವಾಗಿ ಎತ್ತರವಾಗಿದೆ, ಸರಾಸರಿ ಗಾತ್ರದ ಸವನ್ನಾ ಬೆಕ್ಕುಗಳಿಗಿಂತ ಒಂದು ಇಂಚು ಎತ್ತರವಾಗಿದೆ, ಇದು ಸಾಮಾನ್ಯವಾಗಿ 14 ಮತ್ತು 17 ಇಂಚು ಎತ್ತರ ಇರಲಿದೆ. ಅದನ್ನೂ ಮೀರಿ ಬೆಳೆದಿರುವುದು ಅಚ್ಚರಿಗೆ ಕಾರಣವಾಗಿದೆ.

ಡಾ ವಿಲಿಯಂ ಅವರು ಅನೇಕ ಬೆಕ್ಕುಗಳನ್ನು ಹೊಂದಿದ್ದು, ಇದನ್ನು 12 ವಾರಗಳ ವಯಸ್ಸಿನಲ್ಲಿ ದತ್ತು ಪಡೆದರು. ಇದನ್ನು ನೋಡಿದವರು ಸಣ್ಣ ಚಿರತೆ ಎಂದೇ ಭಾವಿಸಿಬಿಡುತ್ತಾರೆ. ಪೂಮಾ ಅಥವಾ ಓಕ್ಲೋಟ್​ ಎಂದುಕೊಂಡವರೂ ಇದ್ದಾರೆ ಎಂದು ಅವರು ಹೇಳಿದ್ದಾರೆ.

ಅದನ್ನು ಫೆನ್ರಿರ್​ ಎಂದು ಕರೆಯಲಾಗುತ್ತದೆ. ಅದರ ಜೊತೆಗೆ ಹುಟ್ಟಿದ್ದ ಆಕ್ಟರಸ್ ಅದಕ್ಕಿಂತ ಎತ್ತರವಿತ್ತಾದರೂ ಮನೆಯ ಬೆಂಕಿ ಆಕಸ್ಮಿಕದಲ್ಲಿ ಸಾವನ್ನಪ್ಪಿದೆ ಎಂದು ಡಾ ವಿಲಿಯಂ ಬಹಿರಂಗಪಡಿಸಿದರಲ್ಲದೇ, ಫೆನ್ರಿರ್​ ನಾಲ್ಕು ಗಿನ್ನಿಸ್​ ದಾಖಲೆ ಹೊಂದಿದೆ ಎಂಬುದನ್ನು ತಿಳಿಸಿ ಹೆಮ್ಮೆಪಟ್ಟರು.