‘ವೇತನ’ ಹೆಚ್ಚಳದ ನಿರೀಕ್ಷೆಯಲ್ಲಿದ್ದವರಿಗೆ ಭರ್ಜರಿ ಗುಡ್ ನ್ಯೂಸ್

ಕೊರೊನಾ ಲಸಿಕೆ ಅಭಿಯಾನಕ್ಕೆ ಚುರುಕು ಮುಟ್ಟಿದಾಗಿನಿಂದ ಕೋವಿಡ್​ ಸೋಂಕಿನ ಸಂಖ್ಯೆಯು ಇಳಿಮುಖವಾಗುತ್ತಾ ಬಂದಿದೆ. ಹೀಗಾಗಿ ಅನೇಕ ಕಂಪನಿಗಳು ವರ್ಕ್​ ಫ್ರಮ್​ ಹೋಮ್​ನಲ್ಲಿದ್ದ ಸಿಬ್ಬಂದಿಗೆ ಕಚೇರಿಗೆ ಆಗಮಿಸುವಂತೆ ಕರೆ ನೀಡುತ್ತಿವೆ.

ಕೋವಿಡ್​ 19 ತಹಬದಿಗೆ ಬರುತ್ತಿರುವ ನಡುವೆಯೇ ಉದ್ಯೋಗಿಗಳಿಗೆ ಇನ್ನೊಂದು ಗುಡ್​ ನ್ಯೂಸ್​ ಇದೆ. ಈ ಶುಭ ಸುದ್ದಿ ಏನೆಂದರೆ ಉದ್ಯೋಗಿಗಳು ಉತ್ತಮ ಸಂಬಳ ಏರಿಕೆಯನ್ನು ಪಡೆಯಲಿದ್ದಾರೆ.

BREAKING: ಅಮೆರಿಕ ವಿಜ್ಞಾನಿಗಳ ಮುಡಿಗೆ ʼನೊಬೆಲ್ʼ​ ಪ್ರಶಸ್ತಿ ಗೌರವ

ಡೆಲಾಯ್ಟ್​​ ವರ್ಕ್​ ಫೊರ್ಸ್ ಹಾಗೂ ಸಂಬಳ ಏರಿಕೆ ಎಂಬ ಶೀರ್ಷಿಕೆಯಲ್ಲಿ ನಡೆಸಲಾದ ಅಧ್ಯಯನದಲ್ಲಿ 92 ಪ್ರತಿಶತ ಕಂಪನಿಗಳು ಈ ವರ್ಷದಲ್ಲಿ ಸಿಬ್ಬಂದಿಗೆ ಸಂಬಳ ಏರಿಕೆ ಮಾಡಲಿವೆ. ಕಳೆದ ವರ್ಷ ಕೇವಲ 60 ಪ್ರತಿಶತ ಕಂಪನಿಗಳು ಮಾತ್ರ ಸಿಬ್ಬಂದಿಗೆ ಸಂಬಳ ಏರಿಕೆ ಮಾಡಿದ್ದವು. ಕಳೆದ ವರ್ಷ ಕೇವಲ 4.4 ಪ್ರತಿಶತ ಮಾತ್ರ ವೇತನ ಏರಿಕೆ ಮಾಡಲಾಗಿತ್ತು. ಆದರೆ ಈ ಬಾರಿ ದ್ವಿಗುಣ ಅಂದರೆ 8.0 ಪ್ರತಿಶತ ವೇತನ ಏರಿಕೆ ಇರಲಿದೆ.

ಇನ್ನು 2022ರಲ್ಲಿ ಅರ್ಥ ವ್ಯವಸ್ಥೆ ಸುಧಾರಿಸಲಿದೆ ಎಂಬ ನಂಬಿಕೆಯೊಂದಿಗೆ 8.6ರಷ್ಟು ವೇತನ ಏರಿಕೆ ನಿರೀಕ್ಷಿಸಲಾಗಿದೆ. ಒಂದು ವೇಳೆ ಈ ರೀತಿಯಾದಲ್ಲಿ ಸಂಬಳ ಏರಿಕೆಯ ಪ್ರಮಾಣವು ಮತ್ತೆ 2019ರಲ್ಲಿ ಇದ್ದ ಹಾಗೆಯೇ ಸಹಜ ಸ್ಥಿತಿಗೆ ಬರಲಿದೆ.